Dëgjoni

Kohët e fundit, Drejtoria Shtetërore e Administrimit Valutor e Kinës shpalli se Kina lejon individët e krahinave të brendshme të investojnë drejtpërdrejt valutat e veta ekzistuese në tregjet e tjera të aksioneve në Hong-Kong, për të bërë hapur tregti në kursin e aksioneve. Specialistët dhe funksionarët përkatës janë të mendimit se koordinimi i kësaj politike të rëndësishme do të hapë një kanal të ri për qarkullimin e fondeve të rezervës së madhe të Kinës në tregun ndërkombëtar dhe do të lehtësojë presionin e sjellë nga rritja e pandërprerë e rezervës valutore.

Siç mësohet, Kina filloi në radhë të parë në Tianjing, qyteti industrial dhe tregtar i Kinës Veriore, eksperimentin që lejon individët të bëjnë drejtpërdrejt investime në tregjet e tjera të aksioneve. Investitorët që dëshirojnë të marrin pjesë në këtë eksperiment, duhet të krijojnë llogarinë e vet të valutave për investime në tregjet e tjera të aksioneve në degët e Tianjing-it të Bankës së Kinës. Kështu investitorët mund të përdorin valutat e veta ekzistuese ose të shkëmbyera në zhenminbi që të bëjnë drejtpërdrejt investime në tregjet e tjera të aksioneve. Përmasa e investimeve mund të kalojë kufizimin që individi mund të shkëmbejë në vit valuta më pak se 50 mijë dollarë amerikanë.

Bashkëpunëtori i vjetër i institutit studimor monetar pranë Akademisë së Shkencave Shoqërore të Kinës, z. Yi Xianrong tha se këtë vit, Kina ka lehtësuar më tej kufizimin për qarkullimin e valutave. Biznesi eksperimental që lejon individët e krahinave të brendshme të bëjnë drejtpërdrejt investime në tregjet e tjera të aksioneve, është një masë e re e Kinës për zgjerimin e kanalit të qarkullimit të valutave.

"Në qoftë se shtetasit kinez do të bëjnë investime jashtë vendit, do të zgjerohet kanali i investimeve të tyre dhe do të lehtësohet presioni i sjellë nga rritja e shpejtë e rezervës valutore. Kjo masë tregon se reforma e sistemit valutor të Kinës ka ecur përpara."

Për një periudhë të gjatë, Kina ka kufizuar gjithmonë qarkullimin e kapitaleve të ndërmarrjeve dhe të individëve jashtë vendit, sepse ishte shqetësimin që qarkullimi i kapitaleve në përmasa të mëdha do t'i sillte ekonomisë jostabilitet. Por tani, rezerva valutore e Kinës arriti në 1 trilion e 330 miliardë dollarë amerikanë, duke zënë vendin e parë në botë. Suficiti i madh tregtar ka shkaktuar hyrjen e fondeve të mëdha në Kinë, gjë që ka sjellë shumë probleme ekonomike.

Vitet e fundit, me zhvillimin e vazhdueshëm dhe të shpejtë të ekonomisë kombëtare, niveli i të ardhurave të individëve të krahinave të brendshme është ngritur në mënyrë të dukshme. Kërkesa e tyre për investime në tregjet e aksioneve është shtuar nga dita në ditë. Sipas njoftimeve, këtë vit prirja e tregut të aksioneve të Kinës është shumë e mirë. Specialistët përkatës janë të mendimit se lejimi i banorëve të krahinave të brendshme për investime në tregjet e aksioneve të Hong-Kongut ka mundësi të shkaktojë shpërndarjen e fondeve tregtare të tregjeve të aksioneve të krahinave të brendshme, dhe të zvogëlojë diferencën e çmimit midis tregjeve të aksioneve të Hong-Kongut dhe të krahinave të brendshme.

Drejtori i degës së administrimit të kapitaleve pranë Drejtorisë Shtetërore të Administrimit Valutor të Kinës, z. Zhou Lin tha se në një sfond të tillë, kushtet për zhvillimin e biznesit eksperimental të investimeve të drejtpërdrejta nga invididët e krahinave të brendshme në tregjet e tjera të aksioneve janë pjekur. Ai tha: "Unë jam i mendimit se rasti për këtë eksperiment është pjekur. Tani në Kinë objektet e investimeve individuale janë të ndryshme. Kërkesa për shpërndarjen e rrezikut të investimeve është shumë e madhe. Nga ana tjetër del se rezerva valutore shtetërore është shumë e pasur. Në fazën e tanishme, Kina ka aftësinë e mjaftueshme të plotësojë kërkesën e investitorëve për investime të shumëllojshme."

Ky funksionar tha gjithashtu, se zhvillimi i eksperimentit të investimeve të drejtpërdrejta të individëve të krahinave të ndryshme do të favorizojë investitorët kinezë të grumbullojnë përvojën e parandalimit të rrezikut, do të nxitë përmirësimin e kuotës së kapitaleve, do të shpërndajë rrezikun e investimeve dhe do të ngrejë efektivitetin e fondeve. (Sihai)