Dëgjoni

Gjatë 2 vjetëve të fundit, ishulli Changxing, që ndodhet në provincën Liaonin të Kinës Verilindore, ka tërhequr gjithnjë e më shumë interesin e investuesve kinezë dhe të huaj.

Sipërfaqja e këtij ishulli arrin në mbi 250 kilometra katrorë, ndërsa vija bregdetare rreth ishullit është 90 kilometra. Changxing-i është ishulli i 5-të më i madh i Kinës. Ky ishulli i përket qytetit Dalian, që është "dritare" e reformës dhe hapjes e Kinës Verilindore. Në vitin 2005, provinca Liaonin vendosi që ta shndërrojë ishullin Changxing në një bazë industriale afër portit dhe në një port të rëndësishëm të Qendrës ndërkombëtare të transportit ujor të Dalianit.

Duke iu përgjigjur pyetjeve të gazetarëve, përgjegjësi i zonës industriale të ishullit Changxing Fan Hui tha se ky ishull ka kapur rastin e zhvillimit historik.

"Në vitin 2003, qeveria qendrore parashtroi rigjallërimin e bazës së vjetër industriale të Kinës Verilindore. Në vitin 2005 qeveria qendrore parashtroi edhe zgjerimin e mëtejshëm të hapjes së krahinave verilindore me botën e jashtme. Ishulli Changxing është përfshirë në sferën e shfrytëzimit të zonave bregdetare të Liaoninit. Sekretari i Komitetit të Partisë Komuniste të Kinës për provincën Liaonin, shoku Li Këqiang parashtroi ndërtimin me të gjitha forcat e tërë provincës të ishullit Changxing, duke investuar 3 miliardë juanë në ndërtimin e infrastrukturës jashtë ishullit. Banka Shtetërore e Zhvillimit i dha këtij ishulli 8 miliardë juanë kredi për ndërtimin e infrastrukturës së tij në fazën fillestare."

Sidomos, ishulli Changxing përpiqet për ndërtimin e ndërtimit të anijeve, të industrisë petro-kimike dhe të industrive të tjera kryesore dhe ka pasur sukses në importimin e teknologjive të reja. Ndërmarrjet e njohura të ndërtimit të anijeve të Koresë së Jugut dhe të Singaporit janë vendosur në këtë ishull.

Grupi i naftës i Kinës planifikon të ndërtojë në këtë ishull bazën e prodhimit të produkteve të industrisë petro-kimike. Tani po zhvillohet puna e planifikimit të fazës së parë. Vëllimi i përgjithshëm i investimeve do të arrijë në 50 miliardë juanë. Kjo do të nxitë shumë zhvillimin e ndërtimit të anijeve, të industrisë petro-kimike dhe të industrive të tjera afër porteve të Changxing-it.

Zoti Wang Jun është një banor i vjetër i këtij ishulli. Ai është shumë entuziast për zhvillimin dhe ndryshimin nga dita në ditë të ishullit.

"Gjatë 2 vjetëve të fundit, ndryshimi i Changxing-it është shumë i madh. Qeveria jo vetëm ka zgjidhur problemin e furnizimit me energji elektrike dhe me ujë të pijshëm, por edhe ka ndërtuar autostrada. Në të ardhmen do të ndërtohen hekurudha për hyrjen në ishull. Me siguri do të ketë më shumë shoqëri që do të vijnë këtu për investime."

Ishulli Changxing i kushton rëndësi të madhe zhvillimit të bashkëpunimit ndërkombëtar, për të mësuar nga përvoja e përparuar e vendeve të zhvilluara. Bashkëpunimi me leverdi reciproke midis ndërmarrjeve të ishullit Changxing dhe të Singaporit është një shembull. Për të mësuar nga përvoja e suksesshme e planifikimit të ndërtimit e Singaporit, zona industriale e Changxing-it e ftoi një shoqëri të njohur të Singaporit për planifikimin e kësaj zone.

"Në mbledhjen e 3-të të komitetit të përbashkët të bashkëpunimit dypalësh të Kinës dhe të Singaporit të zhvilluar në gusht të vitit 2006, zv/kryeministrja e Kinës Wu Yi parashtroi përkrahjen e bashkëpunimit midis tyre. Planifikimi i përgjithshëm përfshin administrimin, investimet, turizmin, arsimin, mbrojtjen e mjedisit etj."

Funksionari i provincës Liaonin tha se ndërtimi i ishullit Changxing është një hallkë e rëndësishme për rigjallërimin e bazës së vjetër industriale të Kinës Veri-lindore dhe për krijimin e Qendrës ndërkombëtare të transportit ujor dhe ka rëndësi shumë të madhe për hapjen e jashtme dhe zhvillimin ekonomik të zonave të thella të provincës Liaonin. Në ndërtimin në përmasa të mëdha, sektorët përkatës duhet t'i kushtojnë rëndësi të madhe mbrojtjes së mjedisit për zhvillimin e vazhdueshëm të Changxing-it.

Duke iu përgjigjur pyetjeve të gazetarëve, zv/sekretari i Komitetit të Partisë Komuniste të Kinës për zonën industriale të ishullit Changxing tha se kuadrot e kësaj zone i kushtojnë rëndësi të madhe marrjes së përvojës së përparuar të Singaporit për sistemimin e mjedisit dhe shfrytëzimin e burimeve.

"Sipas kërkesave shtetërore, ne kemi bërë vlerësimin për mjedisin, duke filluar shfrytëzimin e objekteve të ndërtimit. Ne ftuam edhe disa specialistë të Drejtorisë Shtetërore të Mbrojtjes së Mjedisit të vlerësojnë planifikimin e mbrojtjes së mjedisit."

Deri në vitin 2010, ishulli Changxing do të përfundojë plotësisht ndërtimin e infrastrukturës. (Sihai)