dëgjoni

Kur ishte shumë i vogël, prindërit e Xhampa Kelsangut u larguan nga jeta dhe ai u rrit në familjen e dajës. Për shkak të varfërisë, Xhampa Kelsang nuk mori arsimin e plotë shkollor, ky është pengu i përjetshëm i tij. Por Xhampa Kelsang punonte shumë me zell, në moshën 16-vjeçare, ai u bë një operator filmi.

Në vitin 1989, qeveria kineze harxhoi mbi 55 milionë juanë për riparimin e Pallatit "Potala" dhe Xhampa Kelsang mori pjesë në punën e riparimit. Puna e shkëlqyer e Xhampa Kelsangut fitoi vlerësimin e lartë të funksionarëve përkatës, ata shpresuan se Xhampa Kelsang do të bëhej drejtori i zyrës së administrimit të pallatit, por në fillim, ai nuk dëshironte ta bënte këtë punë:

"Në Pallatin 'Potala' ka relikte të panumërta të çmuara, mendoja se nuk kisha aftësi ta bëja këtë punë."

Në fund, funksionarët e bindën me arsye Xhampa Kelsangun të bëhet drejtori i zyrës së administrimit të Pallatit "Potala". Xhampa Kelsang u shpreh se puna e tij është plot me krenari dhe shqetësime, sepse Pallati "Potala" zë një vend të shenjtë në zemrën e tibetianëve, çdo relikt i pallatit ka vlerë shumë të madhe, njëkohësisht ai shqetësohet të mos bëjë ndonjë gabim. Puna mbi 10 vjeçare ka vërtetuar se Xhampa Kelsang e bën atë shumë mirë. Nën drejtimin e tij, janë regjistruar të gjitha reliktet e Pallatit "Potala" dhe janë mbrojtur mirë pikturat në mur, librat e liturgjisë dhe ndërtesat e pallatit.

Në vitin 1997, gjatë inspektimit të rregullt, Xhampa Kelsang zbuloi se shumë shtylla të pallatit ishin molitur. Ai u bëri menjëherë thirrje organeve përkatëse t'i riparojnë këto shtylla. Në qershor të vitit 2002, qeveria kineze dha mbi 170 milionë juanë për riparimin e dytë të përgjithshëm të Pallatit "Potala" duke zhdukur rrënjësisht rrezikun për pallatin.

Edhe puna e mbrojtjes së librave të liturgjisë e Pallatit "Potala" ka fituar vlerësimin e lartë brenda e jashtë vendit. Për shembull në Pallatin "Potala" ruhen mirë sutrat "patra". Këto sutra të shkruara në gjethe të pemës "patra" erdhën në Tibet nga shekulli i 7-të deri në shekullin e 13-të nga India, Nepali etj. Për shkak të ruajtjes me vështirësi, në Indi nuk mund të gjenden më këto sutra. Xhampa Kelsang tha:

"Tibeti i kushton shumë rëndësi mbrojtjes dhe studimeve të sutrave 'patra'. Në Pallatin 'Potala' u krijua posaçërisht një institucion studimor për to. Tani shumë institucione përkatëse të Indisë, të Japonisë etj. na paraqesin pandërprerë kërkesën për të zhvilluar bashkëpunimin për studimet e sutrave 'patra'."

Me hapjen e mëtejshme të Tibetit, numri i turistëve në këtë rajon është shtuar gradualisht, edhe Pallati "Potala" përballet me presionin e madh të turistëve. Me propozimin e Xhampa Kelsangut dhe për të mbrojtur mirë reliktet, qysh nga 1 maji i vitit 2003, Pallati "Potala" filloi ta kufizojë numrin e turistëve. Tani numri i turistëve në Pallatin "Potala" çdo ditë kufizohet nën 2300 veta.

Megjithëse qeveria kineze, Xhampa Kelsang dhe kolegët e tij kanë bërë përpjekje të palodhshme për mbrojtjen e Pallatit "Potala", disa persona të bashkësisë ndërkombëtare kritikojnë që qeveria kineze nuk ka marrë masat e duhura për mbrojtjen e kësaj trashëgimie botërore. Për të hedhur poshtë këtë thënie, në vitin 2003, Xhampa Kelsang ftoi funksionarë të UNESKO-s të vijnë në Tibet për të inspektuar punën e mbrojtjes së Pallatit "Potala". Rezultati i inspektimit tregoi se shumica e kritikave janë pa bazë.

Xhampa Kelsang tha se ai ka përgjegjësi ta mbrojë mirë Pallatin "Potala":

"Puna ime ka rëndësi të madhe. Do të bëj përpjekje më të mëdha për të kryer detyrën time. Jam shumë i gëzuar që puna ime është pohuar gjerësisht." (Fani)