dëgjoni

Më 19 gusht përfunduan të gjitha garat e kanotazhit dhe të kajakut "Sllallom Open" në serinë e veprimtarive "Paç fat Pekin!". Kampionë në 4 disiplinat u shpallën përkatësisht sportistët gjermanë, francezë dhe çekë. Nga gjendja e përgjithshme, sportistët evropianë zunë përsëri vendet kryesore të listës së medaljeve. Në këtë garë morën pjesë shumë sportistë të nivelit të lartë dhe ndër ta 8 ishin fitues të medaljeve olimpike. Në secilën disiplinë të kajakut për meshkuj dhe në atë të kanotazhit si individ për meshkuj, morën pjesë përkatësisht 8 sportistë që përfshihen në 10 vendet e para të botës. Mund të themi se në këtë garë me përmasë jo të madhe, u mblodhën mjaft sportistë të shquar në botë. Në fakt objektivi i tyre është shumë i qartë. Parku Olimpik Ujor "Shunyi", ku zhvillohej veprimtaria "Paç fat Pekin", do të jetë edhe terreni i garave të sllallomit të kanotazhit në Lojërat Olimpike 2008. Ata erdhën këtu për tu përshtatur me terrenin dhe që të bëjnë përgatitje për Lojërat Olimpike. Për pistat e këtij terreni kinez, shumë trajnerë dhe sportistë u shprehën se rryma këtu qarkullon shumë shpejt dhe me valë shumë të madhe. Në krahasim me pista të tjera ndërkombëtare, kjo pistë është i vështirë për sportistët. Kryetari i Federatës Ndërkombëtare të Kanotazhit Ulrih Feldof e përshkroi atë kështu:

"Kjo pistë ka vështirësi të madhe, sepse ajo ka distancë të madhe të rënies së ujit dhe kërkon teknikë të lartë. Nëpërmjet kësaj piste do të mësojmë kush është sportist më i dalluar. Askush nuk mund ta fitojë garën me fat."

Pikërisht prej vështirësisë të madhe, shumë sportistë me nivel të lartë humbën në këtë pistë. Në garën e kanotazhit si individ për meshkuj, kampionit të Lojërave Olimpike të Athinës, francezit Toni Estanguet iu thye rremi në kërkim të linjës së re në gjysmë-finale. Trajneri i ekipit kinez të sllallomit të kanotazhit, gjermani Andre Ehrenberg, tha:

"Kjo është me të vërtetë një pistë e vështirë. Stërvitemi vetëm prej disa ditësh në këtë pistë, prandaj nuk mund ta zotërojmë si duhet rrymën e saj."

Ashtu si sportistët e vendeve e rajoneve të tjera, edhe kinezët e përdorën për herë të parë këtë pistë. Sportistët e rinj kinezë u paraqitën në nivele të ndryshme në garë, gjë që pasqyron mungesën në teknikë dhe në përvojë. Por rezultati i femrave është optimal. Të tria sportistet kineze që morën pjesë në kajakun si individ për femra hynë në gjysmëfinale dhe në fund Li Jingjing fitoi medaljen e bronztë, që është rezultati më i mirë i ekipit kinez në këtë disiplinë në veprimtaritë ndërkombëtare. Edhe dy çifte kineze të kanotazhit si çift për meshkuj hynë në gjysmë-finalen, por për shkak të mungesës së përvojës, ata nuk arritën dot deri në finale.

Duke analizuar paraqitjen e ekipit kinez, drejtuesi i këtij ekipi Li Xin tha:

"Në përgjithësi kemi arritur sukses, por na mbetet gjithashtu edhe keqardhje. Ekipi kinez i sllallomit të kanotazhit e vë theksin në dy disiplina, kanotazhin si çift për meshkuj dhe kajakun si individ për femra. Nëpërmjet kësaj gare, gjetëm dobësitë. Në kanotazhin si çift për meshkuj, problemi ekziston në gjendjen shpirtërore të sportistëve, ndërsa për sportistet e kajakut si individ, problemi kyç është ndërgjegjshmëria e linjës si dhe energjia e trupit. Duke pasur të qartë të dobëtat tona,  kjo do të jetë në dobi të arritjes së rezultave të mira në Lojërat Olimpike të Pekinit. "

Tani ekipi kinez ka një grup të fortë të trajnerëv. Ky grup përbëhet jo vetëm nga trajnerë gjermanë dhe kinezë, por edhe nga studiues të posaçëm, të cilët do të përpiqen së bashku që ekipi kinez do të ketë stërvitje më efektive.

Pas kësaj gare në Pekin, ekipi kinez do të marrë pjesë edhe në Kampionatin Botëror të Kanotazhit në Brazil, që do të jetë tjetër garë e parapërgatitjes e ekipit kinez për Lojërat Olimpike 2008. (Wang Lei)