Në programin e sotëm, do t'ju paraqes disa këngë moderne. Me paraqitjen e butë, sytë si kristale, buzëqeshjen elegante dhe zërin e ëmbël, këngëtarja Han Xue na duket një këngëtare simpatike dhe e fuqishme.

Në dimrin e vitit 2004, ajo nxori albumin e parë me titull "dëbora". Këngët e këtij albumi janë mirëpritur shumë nga adhuruesit.

Në vitin 2006, Han Xue nxori albumin me titull "Vera dhe Dashuria", në të cilin ka këngë të gjalla dhe atmosferë romantike.
Po dëgjoni këngën "Era në pyjet e bambusë". Zëri i natyrshëm i Han Xue-s duket si era e butë në pyjet e bambusë.

Në këtë këngë thuhet "Era në pyjet e bambusë fryn në dritën qiellore. Era në pyjet e bambusë fryn në qiell dhe tregon se të dashuruarit që janë ndarë do të takohen përsëri. Era në pyjet e bambusë është qielli i dashurisë sonë."
Albumi "Vera dhe dashuria" ka melodi romantike të stileve të vallëzimit, pop rok, xhaz, bosa nova etj. Do të dëgjoni këngën e stilit pop rok "Në verë pasdite".

Në këtë këngë thuhet "Në telat elektrikë ka zogj. Macet flenë gjumë në cep. Dëgjoj muzikë dhe pi kafe. Jam mirë me shëndet në verë pasdite."

Në këtë album, përveç këngëve me ritme të shpejta ka edhe disa këngë lirike. Këngët me ritme të shpejta duken si kristale blu dhe na sjellin qetësi. Ndërsa, ato me ritme të ngadalta na dhurojnë ndjenja të buta. Le të admirojmë këngën "Kënga lirike e një njeriu".

Në këtë këngë thuhet "Në një dhomë bosh, më kujtohesh ti prej melodisë së bukur. Kënga lirike e një njeriu. Mbetet vetëm ajri që më shoqëron."

Më poshtë, do t'ju flas për këngëtarin e ri të stilit rok Gu Su dhe dy këngë të tij.

Gu Su ka lindur në vitet 80' të shekullit 20. Ai ishte i druajtur kur ishte i vogël. Për shkak të ndikimit të të vëllait, Gu Su filloi të pëlqejë muzikën e stilit rok në moshën 10 vjeçare dhe të mësojë t'i bjerë xhazit dhe kitarës. Pas hyrjes në universitet, Gu Su dhe partnerët e tij krijuan grupin muzikor "Pema Lin Jie" dhe luanin muzikën e stilit rok dhe bluz. Gjatë kësaj periudhe, ai krijoi muzikë për disa video digjitale (DV). Pas diplomimit, ai ka krijuar më shumë se 50 këngë dhe melodi të bukura.

Në vitin 2003, Gu Su erdhi në Pekin për të gjetur punë. Ai ishte me fat, sepse që në fillim, u zbulua nga muzikanti i kualifikuar Guo Chuanlin dhe u fut në qarqet muzikore të Pekinit.

Po dëgjoni tani këngën me titull "Kush jam unë", e cila tregon mendësinë e njerëzve modernë në epokën digjitale. Në këtë këngë thuhet "Në rrugën pa fund, besoj me vendosmëri që rruga ka fund. Në rrugën pa kthesë, vrapoj prapa. Kush jam unë?Qielli errësohet, zemra ime po fle gjumë."

Në fund të programit të sotëm, do të dëgjoni këngën e stilit kauntri "Dorëzimi". Në këtë këngë thuhet "Thith ajër të ftohtë, nuk besoj në sinqeritetin tënd. Lumturia është larg nga unë, por hidhërimi është afër meje. Vajza ime, çfarë do të bësh? Të lutem ndalo. Unë dorëzohem." (U Sen)