Edhe gruaja e tij Zhu Gaoling ka qenë për studime në SHBA, ajo di anglisht, gjermanisht dhe dialektin e Shangait.

Tani ata shkojnë dy herë në javë në kishë për t'u dhënë vullnetarisht mësime anglishteje kursantëve të ndryshëm.

Kënga që po dëgjoni, është një këngë popullore shqiptare që e këndon znj. Zhu Gaoling. Gjatë studimeve në Universitetin e Gjuhëve të Huaja të Shangait, ajo ishte një këngëtare e shquar amatore dhe di të këndojë këngë të vendeve të ndryshme në gjuhët e tyre. Kjo këngë e bukur popullore shqiptare u dha gazetarëve shqiptarë një kënaqësi të papritur.

Grupi i gazetarëve të BBC-së shkuan për vizitë dhe intervistuan edhe plakën 96-vjeçare Li Shufen, që është mjeshtre e madhe në prerjen e figurave prej letre. Ajo ka punuar si arsimtare në shkollë, e pas daljes në pension në moshën 60 vjeçe, ka punuar edhe 30 vjet për hapjen e një shkolle private. Ndërsa në moshën 90-vjeçare ajo filloi të mësonte të priste me gërshërë figura të ndryshme letre dhe në shtëpinë e saj janë vendosur shumë figura të bukura të prera prej saj.

Duke prerë një figurë të re, ajo u tregoi gazetarëve se po priste një lejlek në mes të fyjeve.

Ajo ka përgatitur më se 200 komplete figurash me letër të prerë për të gjitha ekipet e sportistëve të vendeve të ndryshme të botës. Duke marrë vesh se ndër gazetarët e BBC-së ka edhe nga Shqipëria, ajo premtoi se do të presë posaçërisht për ekipin shqiptar një figurë shqiponje prej letre.

Ajo do që me këto figura të prera prej letre të shprehë miqësinë e popullit kinez për popujt e vendeve të ndryshme të botës. Sepse parulla e Lojërave Olimpike e Pekinit është "Një botë, një ëndërr". ( Zhai)