Dëgjoni

Me organizimin e Radios "Pekin", z. Arben Manaj dhe znj. Mirela Manaj morën pjesë në një konferencë shtypi të organizuar nga zyra informative e Këshillit të Shtetit e Kinës dhe u njohën me përparimet e reja të punëve përgatitore të Lojërave Olimpike të Pekinit nga dy nënkryetarët ekzekutive të Komitetit Organizativ Olimpik të Pekinit Wang Wei dhe Jiang Xiaoyu. 

Nga kjo konferencë shtypi ata morën vesh se organizimi "me karakteristika të veçanta dhe me nivel të lartë" është objektivi i Lojërave Olimpike të Pekinit të vitit 2008. Punët përgatitore të këtyre lojërave kanë gjetur përkrahjen dhe pjesëmarrjen e gjerë të shoqërisë kineze dhe qytetarëve pekinas.

Pastaj, Arben dhe Mirela Manaj morën pjesë edhe në një konferencë shtypi të organizuar nga Qendra informative e Lojërave Olimpike e Komitetit Organizativ të Lojërave të 29-ta Olimpike. Në këtë konferencë shtypi, ata u njohën edhe me gjendjen e Pekinit në drejtime të ndryshme nga drejtuesit e sektorëve përkatës të Pekinit, si nga nënkryetarja e Komitetit të planifikimit të qytetit të Pekinit, znj. Huang Yan, mbi planin e zhvillimit të qytetit dhe planin e zhvillimit krahinor, si dhe me 5 presionet e mëdha, si shtimi i popullsisë, burimet tokësore e ujore, trafiku dhe mbrojtja e qytetit të vjetër.

Ata mësuan nga zv.drejtori i Drejtorisë së Mbrojtjes së Mjedisit Du Shaozhong se "krahas zhvillimit me shpejtësi të ekonomisë dhe shoqërisë, përqindja e ndotjes është pakësuar në përpjesëtime të mëdha.

Gjatë 8 vjetëve të fundit, cilësia e ajrit është përmirësuar në mënyrë të dukshme".

Për zgjidhjen e presionit nga trafiku, nënkryetari i Komitetit të Komunikacionit të qytetit të Pekinit Liu Shiaoming ndër të tjera tha: "Duke shfrytëzuar rastin e mirë të organizimit të Lojërave Olimpike, do të ndërtohet një sistem i ri i komunikacionit për të përmirësuar cilësinë e jetës.

Sipas programit të zhvillimit të komunikacionit të qytetit të Pekinit të hartuar në vitin 2005, komunikacioni do të zhvillohet nga ana e metrove, e autostradave dhe e rrugëve qytetëse"

Për mbrojtjen e qytetit të vjetër të Pekinit dhe objekteve arkeologjike të Pekinit, zv.drejtorja e Drejtorisë së Mbrojtjes së Objekteve Arkeologjike të Pekinit Yu Ping shpërfaqi para tyre në konferencën e shtypit burimet e pasura kulturore e historike të Pekinit, këtij qyteti me një histori më se 3000-vjeçare, që ka shërbyer si kryeqytet i Kinës prej më se 800 vjetësh.

Shëtitja nëpër rrugicat e lagjet e qytetit të vjetër të Pekinit ishte gjithashtu një kënaqësi e madhe për këta gazetarë të BBC-së.

Ata shëtitën me karroca karakteristike lagjet e qytetit të vjetër. Gjatë shëtitjes nëpër këto lagje të vjetra, karrocieri i njohu ata edhe me banorët e thjeshtë dhe ish-qeveritarë që banojnë në këto lagje. Kjo i la përshtypje të thellë Z. Arben.. ( Zhai).