Dëgjoni

Në kuadrin e njëvjetorit nga fillimi i Lojërave Olimpike të Pekinit të vitit 2008, erdhën për të dhënë njoftime e për të bërë intervista në Pekin një grup gazetarësh të BBC-së, ndër të cilët edhe dy gazetarë të redaksisë së gjuhës shqipe të BBC-së, Arben Manaj dhe Mirela Manaj.

Gjatë qëndrimit l0-ditor në Pekin, z. Arben dhe znj. Mirela bënë vizitë e shëtitje në Pallatin Veror dhe Pallatin Dimëror të Pekinit, në Murin e Madh Kinez dhe në sheshin "Tienanmen". Z. Arben transmetoi drejtpërsëdrejti nga sheshi "Tiananmen" edhe 5 minuta njoftime mbi ato që ka parë në Pekin.

Gjatë këtyre shëtitjeve, z. Arben intervistoi vizitorë të ndryshëm të këtyre pallateve, ndër të cilët të rinj nxënës dhe studentë. Shumë prej tyre janë nga krahina të ndryshme të Kinës dhe kanë ardhur gjatë pushimeve të verës për turizëm në Pekin. Ata u shfaqën korrespondentëve përkrahjen e madhe për Lojërat Olimpike të Pekinit, si dhe besimin e tyre për suksesin e sportistëve kinezë gjatë këtyre lojërave. Gjatë intervistës në një dyqan të posaçëm për shitjen e prodhimeve karakteristike të Lojërave Olimpike të Pekinit, ata morën vesh se vizitorëve kinezë u pëlqejnë shumë stemat me simbole të Lojërave Olimpike të Pekinit, kurse të huajve u pëlqejnë më shumë bluzat me simbole të Lojërave Olimpike. Edhe ata blenë disa kujtime, si kukulla simbolike të Lojërave Olimpike të Pekinit dhe stema etj. Arbeni bleu një bluzë të bukur për djalin dhe një tjetër bluzë të bardhë për vete.

I veshur me këtë bluzë të bardhë me simbolet e Lojërave Olimpike, z. Arben shkoi posaçërisht për të tretën herë te stadiumi kryesor i Lojërave Olimpike që është në ndërtim e sipër, duke bërë shpjegime përpara kamerës së tij. ...

Ata vizituan edhe ekspozitën e ndërtimit të stadiumeve dhe pallateve, si dhe pajisjeve përkatëse të Lojërave Olimpike të Pekinit, ku janë vendosur modele të stadiumeve dhe pallateve te reja sportive që do të ndërtohen posaçërisht për zhvillimin e Lojërave Olimpike, si stadiumi kryesor i Lojërave Olimpike në formën e një foleje zogjsh, qendra kombëtare e notit e Kinës me materiale specifike dhe pallate të tjera sportive etj.

Pas vizitave dhe shëtitjeve në këto vende të njohura karakteristike të Kinës, ata shëtitën edhe nëpër dyqanet me prodhime karakteristike kineze, si prodhime mëndafshi dhe porcelani dhe blenë gjëra tipike shumë të bukura të Kinës.

Veshjet e bukura prej mëndafshi janë zgjedhja e parë e femrave të huaja kur vijnë për vizitë në Kinë. Siç tha znj. Mirela Manaj : ....

Për mendimin e saj, femrat kineze vishen shumë bukur. ( Zhai)