Dëgjoni

59-vjeçari Cao Naiqian është polic në qytetin Datong të provincës Sanxi të Kinës veriore. Njëkohësisht ai është një shkrimtar i famshëm, më se 30 novela të tij janë përkthyer në gjuhën japoneze, angleze, suedeze etj. Anëtari i Komisionit të Vlerësimit të Çmimit "Nobel" të Letërsisë Goran Malmqvist është i mendimit se Cao Naiqian është një nga shkrimtarët kinezë që kanë shpresë të fitojnë çmimin "Nobel" të letërsisë.

Cao Naiqian lindi në fshatin Xiamayu të provincës Sanxi. Në vitet '60 e '70 të shekullit të kaluar, ai ishte punëtor në një minierë qymyrguri, më vonë u bë polic.

Në vitin 1987, Cao Naiqian filloi të shkruajë novela. Deri më sot ai ka botuar vepra artistike me 1 milion fjalë. Në fillim, Cao Naiqian i dërgoi novelat e tij në një revistë letrare të Pekinit duke tërhequr vëmendjen e një shkrimtari të famshëm. Shkrimtarit i pëlqyen shumë novelat e Cao Naiqianit dhe e ndihmoi të ngrejë nivelin e shkrimit. Kështu Cao Naiqiani filloi mbarë jetën e krijimtarisë letrare.

Novela e parë e Cao Naiqianit përshkruan historitë e një murgu budist. Emri i novelës është "Vetmia e budës". Personazhi kryesor i novelës është një murg i vjetër budist. Cao Naiqiani tha se jeta e tij ka lidhje të ngushtë me budën:

"Qysh nga mosha 9-vjeçare, kam banuar në një tempull për mbi 40 vjet. Një murg i vjetër ishte miku im i mirë. Ai më mësoi shumë njohuri kulturore e budiste. Prandaj novela ime e parë përshkruan historitë e murgut budist."

Jeta në tempull ka ushtruar ndikim të madh mbi karakterin e Cao Naiqianit. Atij i pëlqen shumë jeta e thjeshtë dhe nuk kujdeset për nder e para. Cao Naiqian tha se ai shkruan novela vetëm për të shprehur mendimet e veta, ai nuk kujdeset për kritikat e qarqeve të jashtme.

Novelat e Cao Naiqianit krijohen në bazë të përvojës jetësore të tij. Para se të bëhej polic, Cao Naiqiani punoi për një vit në një minierë qymyrguri. Në bazë të kësaj përvoje, ai shkroi novelën "Guri i ftohtë" për të përshkruar jetën e vështirë të punëtorëve të minierës. Cao Naiqian tha:

"Novelat e mia vijnë nga jeta e vërtetë. Historitë në novela janë të vërteta."

Pak kohë më parë, Cao Naiqiani botoi novelën e re "Dashuria në natë". Në fakt, kjo novelë me temën e fshatit mbaroi së shkruari para mbi 10 vjetëve, por nuk ishte asnjë shtëpi botuese që dëshironte ta botonte. Megjithatë anëtarit të Akademisë së Suedisë dhe sinologut Goran Malmqvist i pëlqen shumë stili i novelave të Cao Naiqianit, ai është i mendimit se veprat e Cao Naiqianit kanë vlerë të lartë letrare. Novela "Dashuria në natë" në versionin e gjuhës suedeze u përkthye nga Goran Malmqvisti dhe do të botohet në vjeshtë të këtij viti.

Cao Naiqiani tha se ai është një njeri pa shumë kërkesa në jetesë, por për shkrimin, ai dëshirojë të harxhojë gjithçka:

"Në jetën e përditshme, nuk harxhoj shumë para. Por kam harxhuar shumë para për të blerë libra. Salla e pritjes e shtëpisë sime është plot libra."

Cao Naiqiani është një nga shkrimtarët kinezë që përdorën më herët kompjuterin për të shkruar. Në fillim të viteve '90 të shekullit të kaluar, kur nuk përdorej gjerësisht kompjuteri në Kinë, Cao Naiqiani harxhoi rrogën e gjysmës së vitit dhe bleu një kompjuter. Me përparimin e teknologjisë, ai ka harxhuar pandërprerë para për të përmirësuar pajisjet.

Çdo ditë në orën 3 herët në mëngjes, Cao Naiqian ngrihet duke filluar të shkruajë. Gjatë dhjetëra vjetëve, ai e ka zakon ta fillojë shkrimin e përditshëm në mëngjesin e qetë. (Fani)