"Plehrat e 3 a 4 kafshëve shtëpiake i mjafton familjes sime që të shfrytëzojë për prodhimin e metanit. Më parë, kur përdornim drutë si lëndë djegëse, ne gratë lodheshim shumë për të marrë ato nga mali. Djegia e druve sillte edhe shumë ndyrësi. Kurse tani, shfrytëzimi i metanit ka emancipuar me të vërtetë ne gratë në fshat."

Mirë tha ajo. Më parë, kushtet e këqija me ndyrësi dhe rrëmujë në fshat ishin të dëmshme për shëndetin e fshatarëve. Me përdorimin e druve si lëndë djegëse, harxhoheshin çdo vit miliona metra kube lëndë drusore, duke u prerë një numër i madh drurësh. Për të zgjidhur këtë problem, administrata e qarkut Enshi hartoi planin e ndërtimit të 700 mijë hauzeve të prodhimit të metanit dhe vendosi që të subvencionojë fshatarët për ndërtimin e këtyre hauzeve, duke i dhënë çdo familjeje një sasi parash nga 500 deri në 1000 juanë.

Me shfrytëzimin e metanit, janë përmirësuar kushtet e jetesës të fshatarëve. Zou Anping, kuadro e fshatit Gjugenshu të këtij qarku, tha se me shfrytëzimin e metanit fshati i tij është shndërruar nga një fshat plot me ndyrësi në një fshat të pastër me rrugë të rregullt dhe me pyje të mbrojtura.

"Me 1 hauz të prodhimit të metanit, mund të kursejmë 0.3 hektar drurë. Po të llogarisim me 980 hauzet e fshatit tonë, ne kursejmë drurë të një sipërfaqeje prej 330 hektarësh."

Si rezultat i popullarizimit të teknikës së shfrytëzimit të metanit, sot në qarkun Enshi shmanget çdo vit prerja e drurëve të një sipërfaqeje prej 100 mijë hektarësh, sipërfaqja e mbuluar me gjelbërime ka arritur në 67 përqind, mjedisi ekologjik është përmirësuar dhe kanë ndryshuar zakonet mijëra-vjeçare në malësi, kur fshatarët brez pas brezi prisnin drurët e pyjeve natyrore dhe i përdornin si lëndë djegëse. Shfrytëzimi i metanit solli një dobi ekonomike prej 150 milionë juanësh, veçanërisht, me shfrytëzimin e lëngut dhe fundërrinave të metanit, janë kursyer shpenzimet për blerjen e plehrave kimike dhe të lëndëve insektembytëse.

Sot në qarkun Enshi, prodhohen në sasi të madhe zarzavate dhe fruta të gjelbra pikërisht në saje të shfrytëyzimit të lëngut dhe zgjyrave pas prodhimit të metanit si plehra organike në sipërfaqe të madhe. Fshati Huang-ping i distriktit Shyan-en prodhon një lloj dardhe të cilësisë së mrekullueshme me emërtimin "Ari i pastër". Ky fshat tashmë ka fituar fletëhyrjen e cilëlsisë për eksport në tregun e Bashkimit Evropian dhe ka filluar të eksportojë në sasi të madhe në Austri. Drejtori i përgjithshëm i Shoqërisë së produkteve të dardhës "Ari i pastër", zoti Li Gjin-min thotë se ai investoi në këtë zonë pikërisht sepse vuri re se, në kultivimin e pemëve, fshatarët e këtushëm përdorin lëngun dhe zgjyrat të mbetura gjatë prodhimit të metanit dhe frutat e tyre kanë cilësi të lartë dhe pa asnjë ndotje. 

Zoti Çin Shuang-hë, drejtori i Drejtorisë së Energjisë Ekologjike të qartkut Enshi, thanë njintervistë se, duke marrë parasysh efektivitetin e madh ekonomik dhe shoqëror të teknikës së shfrytëzimit të gazit metan, ata do të intensifikojnë më tej popullarizimin e kësaj teknike.

"Shfrytëzimi i metanit ka nxitur zhvillimin e ekonomisë së mbajtjes së kafshëve shtëpiake dhe të pemëve frutore, duke i dhënë shkas zhvillimit të ekonomisë karakteristike vendase. Para vitit 2003, në gjithë qarkun tonë kishte vetëm 10 lloje produktesh të blerta ushqimore, kurse tani ky numër është shtuar në 105 lloje. Kemi plan që, deri në vitin 2014, të gjitha produktet bujqësore të qarkut tonë të arrijnë standardet e produkteve të blerta ushqimore." (Zheng)