Në këtë program do t'ju flas për grupin e vajzave "Forca tërheqëse" dhe do të dëgjoni disa këngë popullore të Singjiangut të kënduara prej tyre.

Të dashur dëgjues, kënga që ndoqët titullohet "Një gotë raki", interpretuar nga grupi "Forca tërheqëse". Kjo këngë e bukur lirike e merr në mënyrë metaforike dashurinë e bukur si një gotë me raki të shijëshme. Në këngë thuhet: "Dashuria ime si një gotë me raki të shijëshme, vajza e zemrës pranoje atë të lutem, shqiponja e malit Tianshan fluturon rrotull, dashura ime nuk don të largohet prej meje. Oh, e dashura ime, pranoje këtë gotë raki të shijeshme nga zemra, e cila do të të dehë."

Grupi "Forca tërheqëse", një nga grupet më të dalluara, u krijua në fillim të viteve '90 të shekullit të kaluar dhe përbëhet nga 3 këngëtaret që janë Wang Yingzi, Fan Zhuqing dhe Dou Ying. Këto këngëtare kanë marrë që në vogli një edukim të mirë muzikor, kanë bazë të shëndoshë muzikore dhe mjeshtërinë e lartë të këndimit. Gjatë shumë vjetëve ato aktivizohen në skenë me stilin e tyre të butë dhe të qetë. Më poshtë ju ftoj të shijoni këngën popullore "Hiqe shaminë e kokës", e cila u këndon me entuziazëm vajzave të bukura ujgure. Në këngë thuhet: "Hiqe shaminë në kokën tënde, le të shoh vetullat e tua. I ke vetullat e holla e të gjata si drapër i hënës. Hiqe shaminë në kokën tënde, le të shoh sytë e tua, i ke sytë e ndrithëm dhe të shkruar."

Veçoria e interpretimit të grupit "Forca tërheqëse" është kombinimi i mënyrës së interpretimit të këngëve popullore me atë të këngëve moderne zbavitëse. Këngët e tyre kanë forcë tërheqëse romantike dhe të freskët. Tani le të shijojmë së bashku këngën popullore ujgure "Melodia e valles së rinisë". Kjo këngë ka melodi të shpejtë, të gjallë dhe ka ritme të valles. Kënga na tregon se koha fluturon me shpejtësi, të rinjtë duhet të çmojnë kohën dhe të jetojnë në mënyrë aktive e optimiste. Në këngë thuhet: "Dielli që perëndon do të lindë përsëri nesër, lulet që thahen do të çelin prapë vitin tjetër. Zogjtë e bukur fluturojnë pa shenjë, zogu i rinisë sime fluturon njëherë e përgjithmonë pa u kthyer."

Stili i interpretimit të grupit "Forca tërheqëse" është i natyrshëm, i dashur e i freskët. Të dashur dëgjues, në fund të programit të sotëm, do të ndjekim këngën popullore kazake "Një trëndafil i bukur", që është një këngë e njohur dashurie. Kjo këngë e konsideron vajzën e bukur si një trëndafil, duke treguar ndjenjat e përzemërta të djalit për vajzën e zemrës.

Në këngë thuhet: " Ti je një trëndafil i bukur, Sedimalia. Atë ditë kur gjuaja në mal duke hipur në kal, ti po këndoje rrëzë malit, kënga jote që ngrihej drejt qiellit, më hutoi dhe më rrëzoi nga mali..."

Ju flet Radio e Jashtme e Kinës! Të dashur dëgjues, ndoqët disa këngë popullore të Singjangut të Kinës, të kënduara nga grupi "Forca tërheqëse". Mirudëgjofshim të shtunën tjetër. Në mikrofon për ju, Pina.