dëgjoni

Më 16 gusht u zhvillua në Bishkek Samiti i Organizatës së Bashkëpunimit të Shangait. Vendet e ndryshme anëtare nënshkruan marrëveshjen e bashkëpunimit miqësor afatgjatë, manifestin e Bishkekut dhe një sërë dokumentesh të rëndësishme. Samiti ka arritur rezultate të plota.

Presidenti i Kirgizistanit, vend kryetar i këtij samiti, Kurmanbek Bakijev në emër të qeverisë dhe popullit kirgizistanas shprehu përshëndetjet për palët e ndryshme pjesëmarrëse. Ai tha: "Në radhë të parë, në emër të popullit kirgizistanas dhe në emin tim ju mirëpresim sinqerisht juve këtu në Bishkek. Unë jam i bindur se Samiti i sotëm me siguri do të arrijë sukses të plotë."

Organizata e Bashkëpunimit e Shangait u krijua në qershor të vitit 2001 në Kinë. Përmasat e Samitit të këtij viti janë shumë madhështore. Presidentët e 6 vendeve anëtare të kësaj organizate marrin pjesë në këtë samit.

Nga një sërë dokumentesh të nënshkruara pas këtij samiti, "Marrëveshja e bashkëpunimit miqësor afatgjatë midis vendeve anëtare të Organizatës së Bashkëpunimit të Shangait" ka tërhequr më shumë vëmendjen e qarqeve të jashtme. Kjo marrëveshje ka rëndësi shumë të madhe për nxitjen e bashkëpunimit midis vendeve anëtare në bazë të besimit reciprok dhe me leverdi reciproke dhe për krijimin e një rajoni harmonik.

Në këtë samit, kryetari i shtetit i Kinës Hu Jintao mbajti fjalimin me temë: "Forcimi i besimit reciprok midis vendeve fqinje për nxitjen e zhvillimit paqësor". Ai vuri në dukje se pas zhvillimit 6-vjeçar, Organizata e Bashkëpunimit e Shangait është bërë një sistem efikas për mbrojtjen e interesave të përbashkëta të vendeve anëtare dhe për nxitjen e bashkëpunimit me leverdi reciproke midis vendeve anëtare si dhe forcë e rëndësishme për realizimin e paqes afatgjatë dhe për nxitjen e zhvillimit të përbashkët. Në gjendjen e ndërlikuar ndërkombëtare dhe rajonale, për të realizuar bashkëpunimin me leverdi reciproke midis vendeve anëtare dhe zhvillimin e përbashkët, Hu Jintao parashtroi 4 propozime, të cilat janë:

"Ngulja këmbë në miqësinë midis vendeve fqinje, vënia në jetë e marrëveshjes së bashkëpunimit miqësor afatgjatë, vendosja e bazës politike të zhvillimit afatgjatë të kësaj organizate; ngulja këmbë në zhvillimin e përbashkët, nxitja e zhvillimit të bashkëpunimit ekonomik rajonal drejt leverdisë reciproke dhe përfitimeve të përbashkëta, konsolidimi i bazës ekonomike të zhvillimit të Organizatës së Bashkëpunimit të Shangait; ngulja këmbë në nënshkrimin reciprok të kulturës, nxitja e shkëmbimeve të barabarta të qytetërimeve të ndryshme, konsolidimi i bazës shoqërore të miqësisë tradicionale midis vendeve anëtare dhe ngulja këmbë në hapjen me botën e jashtme, thellimi i bashkëpunimit me vendet e tjera dhe organizatat ndërkombëtare, krijimi i mjedisit të jashtëm të mirë për zgjerimin e zhvillimin e kësaj organizate."

Hu Jintao vuri në dukje se çfarëdo që të ndodhë në botë, vendet anëtare duhet të nisen nga paqja e stabiliteti rajonal, nga zhvillimi afatgjatë i kësaj organizate dhe nga miqësia midis tyre.

Në fjalimin e tij, Hu Jintao u shpreh gjithashtu, se "Unë theksova se zhvillimi i marrëdhënieve të bashkëpunimit miqësor me vendet anëtare është orientimi i parë i diplomacisë kineze. Pala kineze dëshiron të zhvillojë me palët e ndryshme "Frymën e Shangait", të zbatojë si duhet marrëveshjen e bashkëpunimit miqësor afatgjatë dhe të bëjë përpjekje të vazhdueshme për realizimin e paqes afatgjatë e për nxitjen e zhvillimit të përbashkët." (Sihai)