dëgjoni

Që nga viti 1912 kur u xhirua filmi i parë zyrtar olimpik në Lojërat Olimpike të Stokholmit, filmi zyrtar olimpik është bërë një traditë e Olimpiadës. Më 5 gusht, në prag të një vjetorit para hapjes së Lojërave Olimpike 2008, filloi xhirimi i filmit zyrtar të këtyre lojërave, i 22-ti në historinë e Olimpiadës.

Nënkryetari ekzekutiv i komisionit organizativ të Lojërave Olimpike të Pekinit Jiang Xiaoyu shpalli nisjen e xhirimeve të filmit përpara stadiumit kombëtar "Fole", ndërkohë "Foleja" e ndriçuar nga drita në ngjyra të ndryshme u përfshi në skenën e parë të xhiruar për këtë film. Në mbi një vit, stafi i filmit zyrtar olimpik do të regjistrojë dhe procesin e stafetës globale të pishtarit olimpik, ceremoninë e hapjes dhe atë të mbylljes si dhe procesin e plotë të përgatitjes dhe të pjesëmarrjes të sportistëve të vendeve e rajoneve të ndryshme të botës.

Studioja Qendrore e Filmave të Kronikave të Lajmeve dhe Dokumentarwve e Kinës është ngarkuar me xhirimin e këtij filmi dhe regjisorja e kësaj studioje zj. Gu Yun, punon si regjisore e përgjithshme e filmit. Përveç asaj, u ftuan si këshilltarë edhe disa regjisorë të tjerë të njohur në botë, si regjisori i disa filmave zyrtarë olimpikë Bad Grinspan, Gu Changwei etj.

Pavarësisht nga stafi i aftë krijues, të montazhohen skenat e xhiruara gjatë mbi 400 ditëve në një film dyorësh është me të vërtetë një sfidë serioze për xhiruesit. Gjatë intervistës, regjisorja e përgjithshme Gu Yun tha:

"Në këtë film nuk do të kallëzohet vetëm një tregim ose shënohet vetëm një ngjarje, por do t'ju shfaqen 28 disiplina sportive dhe mijëra sportistë. Unë duhet të zgjedh me seriozitet materialet fillestare dhe të montazhoj në fund një film 2 orësh. Ky do të jetë një proces shumë i ndërlikuar."

Në bazë të konsultimeve të të gjithë stafit krijues, u përcaktua tema kryesore e filmit zyrtar të Lojërave Olimpike të Pekinit. Filmi do ta përqendrojë fokusin në 6 grupe sportistësh. Nëpërmjet kallëzimit paralelisht të tregimeve të tyre të pjesëmarrjes në Lojërat Olimpike të Pekinit dhe të luftës për realizimin e ëndrrës së vet, filmi do të pasqyrojë pamjen e përgjithshme të Lojërave Olimpike 2008, do të mishërojë shpirtin olimpik dhe do t'i transmetojë botës moton e Olimpiadës "Një botë, një ëndërr". Atëherë kush do të jenë 6 protagonistët e këtij filmi? Gu Yun na dha përgjigje:

"Kemi një mendim jo të mirëpërcaktuar që të zgjedhim në mbarë botën sportistë të ngjyrave, disiplinave sportive dhe sfondeve kulturore të ndryshme. Do të shënojmë punët e tyre përgatitore si dhe procesin e pjesëmarrjes në Lojërat Olimpike. Shumë sportistë të zgjedhur janë yje. Gjatë procesit të xhirimit do të gjurmojmë 12 deri 18 sportistë, por në fund do të zgjedhim 6 protagonistë."

Tani detyra kryesore e stafit krijues të filmit është të studiojë dhe të analizojë disiplinat sportive dhe sportistët, për të kërkuar bazë dhe materiale për zgjedhjen e protagonistëve. Xhirimet në përmasë të madhe do të fillojnë nga 25 marsi i vitit të ardhshëm, kur filloi stafeta e pishtarit olimpik.

Në Kartën e Olimpiadës, iniciatori i Lojërave Olimpike moderne Kupertani propozoi: "Çdo edicion i Lojërave Olimpike ne duhet ta shënojmë me fotografi dhe me xhirime, në mënyrë që historia olimpike do të ruhet dhe kultura olimpike do të trashëgohet." Filmi zyrtar i Lojërave Olimpike të Pekinit do të jetë 22-të në historinë olimpike dhe do të shumë i rëndësishëm për historinë e Olimpiadës dhe atë të filmave kinez. Për këtë, nënkryetari ekzekutiv i komisionit organizativ të Lojërave Olimpike të Pekinit z. Jiang Xiaoyu paraqiti propozimet e tij:

"Unë shpresoj se filmi zyrtar i Lojërave Olimpike të Pekinit do të shënojë frymën e luftës me përpjekje të sportistëve të vendeve të ndryshme si dhe historitë e tyre, do të shënojë gjendjen e gëzueshme dhe madhështore të mbledhjes së anëtarëve të familjes së madhe olimpike dhe do të shënojë kapitullin e shkëlqyeshëm të kombit kinez në realizimin e ëndrrës shekullore për organizimin e Lojërave Olimpike, do t'i transmetojë botës urimet e bukura 'Një botë, një ëndërr', duke i lënë Olimpiadës një trashëgimi të veçantë dhe të shtrenjtë."

Meriton të përmendet se edhe banorë të thjeshtë mund të marrin pjesë në krijimin e filmit zyrtar olimpik dhe kjo është një veçori e këtij filmi kinez. Në filmin zyrtar të Lojërave Olimpike të Pekinit do të përfshijë një fragment DV prej 5 minutash, i cili do të zgjedhet nga veprat e mbledhura në publik. Në qoftë se do të keni interes për këtë, pse të mos provoni edhe ju? (Wang Lei)