Vitet e fundit, qeveria kineze i ka kushtuar rëndësi shumë të madhe mbrojtjes së produkteve të markave të njohura, duke nxitur zhvillimin e bujqësisë karakteristike.

Të gjithë e dinë se orët e prodhuara nga Zvicra janë shumë të mira dhe shumë të sakta. Siç mësohet, deri në fund të majit të këtij viti, Kina ka trajtuar mbi 700 kërkesa për regjistrimin e produkteve të markave të njohura, ndër to, pjesa dërrmuese janë produkte bujqësore.

Dardha aromatike "Kurlë" e prodhuar nga Rajoni Autonom i Singjian-Ujgurit i Kinës Veriperëndimore është produkti i parë i njohur i regjistruar për markën. Sekretari i përgjithshëm i Shoqatës së dardhave aromatike "Kurlë" të Singjianit, z. Guo Qiuzhi i tha gazetarit se pas regjistrimit të dardhave aromatike, entuziazmi i fshatarëve vendas për mbjelljen e tyre është ngritur shumë. Ai tha: "Më parë, fshatarët ishin të shqetësuar për mbjelljen e dardhave, sepse sipërfaqja e mbjellë me dardha është zgjeruar, çmimi i dardhave do të ulet. Fshatarët panë nga afër se të ardhurat e tyre nga mbjellja e dardhave janë shtuar për 3 vjet me radhë. Kështu, entuziazmi i fshatarëve për mbjelljen e dardhave është ngritur shumë."

Sipas njoftimeve, pas regjistrimit të dardhave aromatike, blerësit që kanë shkuar atje për të blerë dardhat aromatike "Kurlë", janë shtuar, dhe çmimi i dardhave është ngritur. Kështu fshatarët kanë fituar para.

Në eksportin, dardha aromatike "Kurlë" ka arritur sukses. Ky sukses ka ardhur falë regjistrimit të saj për markën. Guo Qiuzhi tha se më parë, bisedimet midis tyre dhe blerësve ishin shumë të vështira, sepse blerësit nuk kishin besim të plotë për cilësinë e produkteve.

"Vitin e kaluar, Peruja dhe Argjentina morën vesh se dardha aromatike "Kurlë" u përcaktua si markë e njohur. Peruja dhe Argjentina nënshkruan menjëherë kontrata për blerjen e dardhave."

"Uthulla aromatike Zhenjiang" është produkt i njohur karakteristik i provincës Jiangsu të Kinës Lindore. Qysh nga shekulli i kaluar, ky produkt filloi të shitet jashtë vendit. Deri tani gjendja e eksportit të këtij produkti është ende e mirë. Zonjusha Jiang Min që punon në Shoqatën e uthullës të qytetit Zhenjiang i tha gazetarit se përveç nxitjes së eksportit të produkteve, regjistrimi i suksesshëm i "uthullës aromatike Zhenjiang" ka luajtur një rol të rëndësishëm në mbrojtjen e të drejtave të ndërmarrjeve.

Sipas rregullave përkatëse të të drejtave të pronësisë intelektuale, pas regjistrimit të suksesshëm të produkteve për markën, produktet e njëllojta të prodhuara nga zonat e tjera, nuk mund ta përdorin këtë markë. Kështu që mund të mbrohet si duhet mbajtësi i markës.

Në fakt, Kina ka bërë përpjekje të mëdha për mbrojtjen e markës. Kjo është shumë e njohur në botë. Në konferencën botërore të markës të mbyllur javën e kaluar, zv/kryeministrja kineze Wu Yi tha se Kina ka nxitur në mënyrë efikase shtimin e të ardhurave të fshatarëve dhe zhvillimin ekonomik të fshatit, duke përdorur mbrojtjen e markës.

Në këtë konferencë, ndihmësja e sekretarit të përgjithshëm të Organizatës Botërore të të Drejtave të Pronësisë Intelektuale, zj. Wang Binying pohoi punën për mbrojtjen e markës që ka bërë Kina vitet e fundit.

"Vitet e fundit, qeveria kineze i kushton rëndësi shumë të madhe mbrojtjes së markës së regjistruar. Kjo ka sjellë rezultate konkrete, duke nxitur shumë zhvillimin bujqësor dhe shtimin e të ardhurave të fshatarëve. Ky është një sinjal i fortë. Në të ardhmen, puna e qeverisë kineze në këtë fushë do të arrijë sukses më të madh."

Ne jemi të bindur se në të ardhmen, puna për mbrojtjen e markës do të përmirësohet më tej. (Sihai)