degjoni

Panjin që ndodhet në pjesën jugperëndimore të provincës Liaoning, është një qytet bregdetar. Me rigjallërimin e bazave të vjetra industriale të krahinave verilindore të Kinës dhe me shfrytëzimin e zonave ekonomike bregdetare të Liaoning-it, zona ekonomike Panjin po përpiqet për zhvillimin e industrisë së prodhimit të pajisjeve të naftës dhe për krijimin e bazës industriale të pajisjeve të naftës të Kinës, duke u mbështetur te burimet e pasura natyrore, komunikacioni i lirë dhe mjedisi i mirë.

Fusha naftëmbajtëse Liaohë, fusha e 3-të më e madhe naftëmbajtëse e Kinës, ndodhet në qytetin Panjin. Gjysma e GDP-së së këtij qyteti është krijuar nga fusha naftëmbajtëse Liaohë. Vitet e fundit, si pasojë e pakësimit të sasisë së nxjerrjes së naftës, ekonomia e qytetit Panjin është ndikuar rëndë nga kjo. Duke iu përgjigjur pyetjeve të korrespondentëve të Radios sonë, sekretari i Komitetit të Partisë për qytetin Panjin, z. Chen Haipuo tha: "Pakësimi i sasisë së prodhimit të burimeve të naftës dhe gazit ka ushtruar një ndikim të dukshëm mbi zhvillimin ekonomik të Panjinit. Për të zgjidhur këtë problem, gjatë planit të 11-të pesëvjeçar, qyteti Panjin ka përcaktuar 3 detyra të mëdha kryesore, të cilat janë: zhvillimi me të gjitha forcat i industrive përkatëse për realizimin e zhvillimit të vazhdueshëm të ekonomisë së këtij qyteti."

Industritë përkatëse janë industria petro-kimike, industria e makinerive, industria e prodhimit të pajisjeve etj.

Për të zbatuar këtë strategji të zhvillimit, në vitin 2005, qyteti Panjin krijoi zonën ekonomike, për të tërhequr me kushte të privilegjuara hyrjen e ndërmarrjeve me teknologji të larta dhe të reja të prodhimit të pajisjeve të naftës në këtë zonë. Zona ekonomike ka krijuar posaçërisht parkun industrial të teknologjive të larta dhe të reja të naftës, për të zhvilluar kryesisht prodhimin e pajisjeve të naftës, të produkteve të industrisë kimike etj. Tani disa ndërmarrje të mëdha të prodhimit të pajisjeve të naftës kanë krijuar degët e tyre në zonën ekonomike.

Shoqëria me përgjegjësi të kufizuar e pajisjeve të naftës "Baoshi" të Liaohës është krijuar bashkërisht nga Shoqëria e makinerive të naftës "Baoji" dhe nga Drejtoria e kërkimit të naftës. Investimet e përgjithshme të kësaj shoqërie arritën në 2 miliardë juanë. Duke iu përgjigjur në repartin e prodhimit pyetjeve të gazetarëve, drejtori i përgjithshëm i kësaj shoqërie, z. Hu Dxiang tha se pozita gjeografike e Panjinit është e përshtatshme për zhvillimin e prodhimit të pajisjeve të naftës.

"Ndërmarrjet e mëdha të prodhimit të pajisjeve të naftës të Kinës janë të vendosura kryesisht në krahinat perëndimore. Kushtet e këtushme të transportit nuk janë të lira dhe këtu nuk ka rrugëdalje në det. Por në Panjin janë krijuar shumë porte dhe ai ka epërsi të madhe në transport."

Hu Dxiang tha se mjedisi i mirë për investimet i zonës ekonomike Panjin ka nxitur zhvillimin e shpejtë të ndërmarrjeve. Gjatë 2 vjetëve të krijimit të kësaj shoqërie, vëllimi i prodhimit të saj ka arritur në 800 milionë juanë. Produktet e saj janë eksportuar në mbi 40 vende ose rajone të botës. Në të ardhmen, kjo shoqëri ka planifikuar ta zgjerojë biznesin e saj në prodhimin e pajisjeve të naftës oqeanike dhe në eksportin e produkteve.

Tani, numri i ndërmarrjeve kineze dhe të huaja të grupit të parë që janë vendosur në parkun e teknologjive të larta dhe të reja të naftës, ka arritur në 60. Këto ndërmarrje mund të prodhojnë 30 lloje të pajisjeve të naftës.

Zv/drejtori i zonës ekonomike të qytetit Panjin, z. Li Yongfu tha se me ngritjen e çmimit ndërkombëtar të naftës, efektiviteti ekonomik i ndërmarrjeve të prodhimit të pajisjeve të naftës të qytetit Panjin është gjithnjë e më i mirë dhe përmasat e tyre janë gjithnjë e më të mëdha.

"Rreth prodhimit dhe shfrytëzimit të fushës naftëmbajtëse, ne kemi marrë një sërë masash për të tërhequr hyrjen e disa ndërmarrjeve të prodhimit të pajisjeve të naftës në zonën ekonomike. Me zhvillimin e mjedisit të çmimit të lartë të naftës, industria e prodhimit të pajisjeve të naftës ka hyrë në një periudhë të rritjes së shpejtë."

Si një nga bazat më të mëdha industriale të prodhimit të pajisjeve të Kinës, disa qytete industriale të provincës së Liaoninit i kanë dhënë industrisë së prodhimit të pajisjeve të naftës të qytetit Panjin lëndë të para dhe pjesë komplekse dhe i kanë dhënë Panjinit përkrahje shumë të madhe për krijimin e bazës industriale të prodhimit të pajisjeve të naftës.

Zv/drejtori i kësaj zone ekonomike, z. Li Yongfu parashikoi se nga viti 2006 deri në vitin 2010, industria e prodhimit të pajisjeve të naftës të zonës ekonomike të qytetit Panjin do të ruajë një rritje mbi 30 % në vit. Ai tha gjithashtu: "Gjatë planit të 11-të pesëvjeçar (nga viti 2006 deri në vitin 2010), ne planifikuam se industria e prodhimit të pajisjeve të naftës do të ruajë një rritje 30-50 % në vit. Deri në vitin 2010, vëllimi i prodhimit të bazës industriale të prodhimit të pajisjeve të naftës do të arrijë në 10 miliardë juanë. Panjini do të bëhet zona më e madhe e prodhimit të pajisjeve të naftës në Kinë." (Sihai)