Novela kineze e shekullit të 17-të me titull "Du Shiniang fundosi arkën e margaritarëve", ku u skalit figura prekëse e një prostitute, konsiderohet si një nga novelat më të shquara në hisitorinë e letërsisë kineze dhe autori i saj, Feng Meng-long, vlerësohet si shkrimtari më i njohur i letërsisë popullore kineze në shekullin e 17-të.

Feng Meng-long jetoi në kohën kur ekonomia e tregut dhe shoqëria qytetore u zhvilluan shpejt në Kinë. I ndikuar nga koncepti qytetor, Feng Meng-long i kushtonte rëndësi krijimit dhe botimit të novelave, pjesëve teatrale dhe veprave të tjera të letërsisë popullore. Ai grumbulloi dhe adaptoi mjaft tregime dhe rrëfenja të përhapura në popull. Përmbajtja kryesore e këtyre veprave ishte për jetën dhe veprimtarinë e qytetarëve. Ai u kushtoi vëmendje të veçantë karakteristikave teatrale dhe legjendare të ngjarjeve të përshkruara në to, prandaj veprat e tij u pëlqyen shumë qytetarëve të asaj kohe.

Veprat e tij më të njohura janë përmbledhjet e novelave përkatësisht me titull "Fjalët e qarta për këshillimin e botës", "Fjalët e përgjithshme për paralajmërimin e botës" dhe "Fjalët e përhershme për zgjimin e botës". Këto përmbledhje novelash morën titullin e përbashkët "San Yan", që do të thotë "Tri lloje fjalësh". Këto vepra, ku janë përmbledhur 120 novela dhe tregime, zënë një pozitë të veçantë në historinë e letërsisë kineze. Novelat dhe trgimet me vlerë më të madhe në "San Yan" janë ato me temë dashurie, siç është novela "Du Shiniang fundosi arkën e margaritarëve", që e përmendëm që në fillim.

Në Kinën e lashtë, poezia dhe proza artistike, që shkruheshin vetëm me fjalë librore, quheshin "shkrime në gjuhën klasike" dhe konsideroheshin si vepra letrare elegante dhe ortdokse, kurse novela dhe pjesa teatrale, që shkruheshin me fjalë bisedore, quheshin "shkrime në gjuhën e të folurit" dhe konsideroheshin si vepra letrare popullore, të krijuara nga shtresa e ulët shoqërore. Vetëm në shekullin e 20-të u bë një kthesë rrënjësore e gjuhës kineze nga "gjuha klasike" në "gjuhën e të folurit". Kurse Feng Meng-long ishte një letrar i rëndësishëm i krijimtarisë letrare në "gjiuhën e të folurit" qysh në shkullin e 17-të.

Në shumë novela të përmbledhjeve "San Yan", autori përshkroi jetën e qytetarëve, duke u nisur nga këndvështrimi i qytetarëve të thjeshtë, u thuri këngë etikës dhe moralit të lartë si dhe dashurisë dhe miqësisë së sinqertë. San Yan përfaqësoi arritjet më të larta të novelave kineze të gjuhës moderne kineze të të folurit dhe ushtroi një ndikim të thellë në zhvillimin e letërisë kineze të asaj kohe dhe të periudhave të mëvonshme. Sot në Kinë, shumë vepra letrare, vepra film-televizive dhe pjesë teatrale, sidomos shumë programe tradicionale artistike të operës së Pekinit dhe operës Kunqy, janë krijuar në bazë të adaptimit të veprave nga përmbledhjet e novelave "San Yan".

Krahas tri përmbledhjeve të novelave, Feng Meng-long redaktoi dhe botoi edhe disa përmbledhje këngësh popullore dhe pjesësh teatrale, duke u lënë brezave të mëvonshëm një trashëgimi të pasur letrare. (Zheng)