Dëgjoni

Pas mbylljes së Lojërave të 3-ta Olimpike, ndikimi i sporteve olimpike u forcua dita-ditës. Në vitin 1906, në mes të edicionit të 3-të dhe të 4-t të lojërave olimpike, u organizua një edicion i lojërave olimpike jozyrtare në Athinë. Për shkak se u zhvillua në mes të dy edicioneve, ato u quajtën edhe lojërat olimpike të mesme.

Meqenëse Lojërat Olimpike të Parisit dhe të St Louisit u zhvilluan në mënyrë të përzier me Panairin Botëror, ato humbën pavarësinë dhe autonominë e vet, duke u larguar nga koncepti origjinal i lojërave olimpike. Grekët ishin shumë të pakënaqur nga kjo dukuri. Ata ishin të mendimit se lojërat olimpike janë simboli i qytetërimit grek dhe ishin të zemëruar që lojërat olimpike po bëheshin aktivitete të varura nga ekonomia. Prandaj, grekët ishin të mendimit se vetëm me dëlirësinë dhe entuziazmin e tyre, mund të ruheshin tradita dhe ideali i lojërave olimpike të lashtësisë. Prandaj, grekët i paraqitën Koubertanit dy kërkesa: së pari, që me rastin e 10-vjetorit të ringjalljes së sporteve olimpike në vitin 1906, të organizohej një edicion i lojërave olimpike të vërteta dhe origjinale, së dyti, ata dëshironin që Athina të bëhej vendi i përhershëm i organizimit të lojërave olimpike.

Kurbertani nuk i pranoi plotësisht kërkesat e Greqisë. Ai ngulte këmbë në organizimin me radhë të lojërave olimpike në vende të ndryshme të botës. Por Kurbertani pranoi që në vitin 1906 të organizohej në Athinë një edicion i lojërave olimpike. Greqia e emëroi zyrtarisht "Lojërat e 2-ta Olimpike Ndërkombëtare". Është e natyrshme që Greqia të pranonte vetëm Lojërat e para Olimpike Moderne të organizuara në vitin 1896. Punët përgatitore të këtij edicioni të lojërave olimpike u zhvilluan shumë mbarë. Edhe ndikimi i tyre ishte shumë i madh.

Në edicionin e mëparshëm të lojërave olimpike që u organizuan në St Louis, udhëtimi është shumë i gjatë dhe shumë i shtre

njtë. Prandaj, shumë sportistë të vendeve evropiane nuk mundën të merrnin pjesë në të.

Kur mësuan që Greqia do të organizonte një edicion të lojërave olimpike të vërteta, mjaft vende evropiane u përgjigjën shumë aktivisht. Shumë sportistë nuk kishin marrë pjesë në ndeshje të mëdha prej shumë vjetësh. Prandaj, ata u ndien shumë të gëzuar. Më në fund, në këtë edicion të lojërave olimpike, morën pjesë 884 sportistë nga mbi 20 vende të ndryshme, duke përfshirë 7 sportiste femra. 6 nga ato ishin nga Greqia, e cila në të kaluarën ishte konservatore për pjesëmarrjen e femrave në lojërat olimpike. Kjo tregon që pas 10 vjetëve, edhe mendimet e grekëve ndryshuan.

Rezultatet e sportistëve që morën pjesë në këtë edicion ishin shumë më të larta në krahasim me lojërat olimpike të St Louisit në vitin 1904. Gjëja më e rëndësishme ishte që sportistët nga Egjipti i Afrikës dhe nga Turqia e Azisë morën pjesë në këtë edicion të lojërave olimpike, duke u realizuar kështu takimi i parë i sportistëve nga 5 kontinentet. Në atë kohë, flamuri olimpik me 5 unaza kishte kuptimin ndërkombëtar. Kjo simbolizoi që po forcoheshin lojërat olimpike. (Shy Guan)