Sançi është një lloj bime barishtore shumëvjeçare. Çdo rrënjë Sançi ka 3 bishte gjethesh dhe në secilin prej tyre rreten 7 gjethe, prandaj ajo është emërtuar në gjuhën kineze "Sançi", që do të thotë "Tre dhe shtatë". Të gjitha pjesët e saj, si kërcejtë, gjethet dhe lulet, mund të përdoren në mjekësi dhe kanë efektin e prodhimit të gjakut, ndalimit të gjakut, zhdukjes së pezmatimit dhe shuarjes së dhembjes, prandaj kjo bimë ka marrë emrin e bukur "margaritar në farmaceutikën kineze".

Qarku Venshan gëzon favorin e dhënë nga natyra, zë një pozitë të mrekullueshme gjeografike dhe ka kushte të mira klimatike, sepse si rrezet e diellit dhe temperatura, ashtu edhe uji dhe dheu i këtushëm janë shumë të përshtatshme për kultivimin e bimës Sançi. Qarku Venshan zë vendin e parë në mbarë Kinën në prodhimtarinë dhe cilësinë e bimës Sançi, prandaj ka marrë emrin "Fshati i Sançisë në Kinë". Për të shpejtuar zhvillimin e industrisë së prodhimit të ilaçeve me Sançi si lëndë e parë, administrata e qarkut Venshan investoi 300 milionë juanë për ndërtimin e "Parkut Industrial Sançi", që zë një sipërfaqe prej 100 hektarësh dhe që ka përqendruar një numër ndërmarrjesh të kërkimeve shkencore dhe të shfrytëzimit të bimës Sançi në mjekësi. Tani, Korporata Farmaceutike Dafina e Yun-nanit, një nga ndërmarrjet e hershme të këtij parku industrial, ka formuar gradualisht një industri specifike, ku janë integruar në një të tërë kërkimet shkencore për kultivimin dhe përpunimin e bimës Sançi, puna e informacionit, qarkullimi i materialeve, administrimi i ekonomisë dhe shërbimi përkatës. Zoti Çen Zhong-gjan, një nga përgjegjësit e Korporatës Farmaceutike Dafina e Yun-nanit, foli për zhvillimin e kësaj ndërmarjeje.

"Korporata jonë zhvillohet në kuadrin e zhivillimit të serisë industriale të prodhimit të ilaçeve Sançi. Objektivi ynë është që të zhvillohet në tërësi kjo seri industriale, që nga kultivimi i bimës Sançi deri në përpunimi e saj, në prodhimin e ilaçeve, më tej deri në prodhimin e sendeve shëndetdhënse dhe ushquese dhe deri në tregun e shitjes."

Meqë bima Sançi ka efekte të shumta, shfrytëzimi i saj ka perspektivë të ndritur në prodhimin e ilaçeve, sendeve shëndetdhënëse, sendeve ushquese dhe artikujve kozmetikë. Ndërmarrjet në Parkun industrial Venshan po bëjnë përpjekje për shfrytëzimin e vlerës mjekësore dhe shëndetdhënëse të bimës Sançi në më shumë fusha. Duke folur për planin e ndërmarrjes, përgjegjësi i Korporatës Farmaceutike Dafina, zoti Çen Zhong-gjan tha se korporata e tyre ka vënë në përdorim bimën Sançi për prodhimin e ilaçeve të mjekimit të sëmundjeve të enëve të gjakut të zemrës dhe të trurit dhe po eksperimenton shfrytëzimin e saj për prodhimin e ilaçeve të mjekimit të hepatitit dhe të përdorimit në kirurgji, ftalmologji dhe gjinaekologji. Kjo korporatë zgjeron edhe tregun e saj jashtë vendit, duke i marrë SHBA, Kanadanë dhe Japoninë si bazë.

Si rezultat i zhvillimit të industrisë së prodhimit të ilaçeve Sançi, është përmirësuar jeta e fshatarëve të qarkut Venshan. Këtu është formuar sot një rrjet tregjesh të shitjes së ilaçeve dhe është rritur shumë shpejt eksportimi i ilaçeve të Venshanit. Në vitin 2006, ky qark eksportoi 10 milionë tonë lëndë të parë të prodhimit të ilaçeve Sançi. Sot industria e prodhimit të ilaçeve Sançi në qarkun Venshan zhvillohet me vrull dhe drejt tregut ndërkombëtar. Për këtë zhvillim, foli zoti Vang Çeng-biao, zv-drejtori i Drejtorisë së produkteve karakteristike të qarkut Venshan.

"Vitet e fundit, në qarkun tonë bënë vizitë një delegacion i profesorëve të Universitetit Shtetëror të Japonisë, një delegacion i funksionarëve të Ministrisë së Shëndetësisë të Tajlandës dhe një delegacion vietnamez i partisë dhe qeverisë, që panë kultivimin dhe përpunimin e bimës Sançi."

Çeli lulja Sançi, që pret ardhjen tuaj. Në këtë këngë të këndshme, parashikohet një e ardhme më e bukur e industrisë së prodhimit të ilaçeve Sançi në Kinë. (Zheng)