Dëgjoni

Më 8 gusht, me rastin e ditës së njëvjetorit nga hapja e Lojërave Olimpike, Këtë ditë, Pekini do të organizojë aktivitetin madhështor. Në përshtatje me këtë atmosferë të gëzueshme, do të vihen në përdorim dy pallate e stadiume të rëndësishme sportive për Lojërat Olimpike, që janë gjithashtu kontingjenti i parë i pallateve e stadiumeve të reja sportive olimpike në Pekin. Do të dëgjoni tani reportazh lidhur me këtë.

Më 28 korrik, nënkryetari i Bashkisë së Qytetit të Pekinit Chen Gang shpalli përurimin dhe vënien zyrtarisht në përdorim të pallatit të qitjes të Pekinit dhe të qendrës ujore olimpike Shunyi. Gjatë projektimit dhe ndërtimit të këtyre dy terreneve sportive u mishëruan plotësisht 3 konceptet e Lojërave Olimpike, si "Olimpiada e Gjelbër, Tekniko-shkencore dhe Humanitare" dhe u mor parasysh edhe shfrytëzimi i tyre pas Lojërave Olimpike.

Pallati i qitjes i Pekinit ndodhet në distriktin Shijingshan në pjesën perëndimore të Pekinit. Ky pallat, me sipërfaqe të përgjithshme prej 45 mijë metrash katrorë mund të mbajë 8600 shikues. Gjatë Lojërave Olimpike të Pekinit, këtu do të organizohen 10 gara të qitjes, si qitja me pushkë, me pistoletë etj. Gjatë ndërtimit të këtij pallati, u pranuan plotësisht propozimet e Federatës Ndërkombëtare të Qitjes, të qitësve dhe të trajnerëve, në mënyrë që funksionet e pallatit të përputhen me rregullat e sportit të qitjes.

P.sh. garat e qitjes kërkojnë qetësi të madhe në terren, kështu në bazë të eksperimenteve serioze akustike, si dhe analizave imituese me kompjuter, ndërtuesit e trajtuan këtë pallat veçanërisht nga ana akustike. Edhe të gjitha dhomat ku janë vendosur pajisje dhe aparate u trajtuan nga ana e pakësimit të lëkundjeve dhe e shkencës akustike. Tjetër shembull, garat e qitjes kërkojnë hapësirë sa më të madhe, prandaj për pallatin e qitjes, u zbatua brenda mundësive struktura pa shtyllë. Nga aspekti i mbrojtjes së mjedisit, në të gjitha veprat e përjetshme dhe të përhershme të pallatit të qitjes u përdorën materiale që mbrojnë së mjedisin si dhe metoda të tjera komplekse që të parandalohen ndotja e mjedisit, si dhe dëmet ndaj njeriut.

Në pallatin e ri, ekipi kinez i qitjes ka zhvilluar stërvitje. Duke e vlerësuar këtë pallat, trajneri i përgjithshëm i ekipit kinez të qitjes Wang Yifu tha:

"Shumë miq më pyetin si është ky pallat? Unë do t'i  referohem një thënieje të kryetarit të Bashkisë së Qytetit të Pekinit Wang Qishan, vetëm me fjalët 'Mirë, shumë mirë'!"

Ashtu si pallati i qitjes, edhe parku ujor olimpik Shunyi meriton të përshkruhet me këtë thënie. Ky park ndodhet në breg të lumit Chaobai në verilindje të Pekinit. Gjatë Lojërave Olimpike, këtu do të zhvillohen garat e kanotazhit, të jahtit dhe të maratonës së notit, me 14 medalje të arta. Ky park gërshetohet mirë me mjedisin e bukur natyror përreth dhe për sportistët ai është një terren ideal për gara. Anëtari i ekipit të jahtit të Pekinit Ma Lianchen e pëlqeu këtë park me të ardhur këtu, sepse mjedisi i parkut përputhet shumë me kërkesat e jahtit.

"Sporti i jahtit kërkon sipërfaqe të qetë të ujit, rrugë të drejta të lundrimit, si dhe shenja të qarta. Mjedisi i mirë natyror do të jetë në favor të rregullimit të gjendjes shpirtërore gjatë stërvitjeve të mërzitshme. Ky terren sportiv më ka lënë përshtypje më të mira dhe madje më të shkëlqyeshme!" (Wang Lei)