Të dashur dëgjues, kënga që ndoqët titullohet "Ne jemi ushtarë", kënduar nga këngëtari ushtarak Liu Bin. Nëpërmjet kësaj kënge Lin Bin i këndon frymës shpirtrore të ushtarakëve kinezë në periudhën e re, vlerës së ushtarakëve në vitet e paqes dhe shpreh krenarinë e tyre. Kënga "Ne jemi ushtarë", me melodi të bukur dhe stil të hapur është e përhapur gjërësisht në kazermat ushtarake. Në këngë thuhet: "Ne jemi ushtarë të veshur me uniformë të thjeshtë ushtarake. Jemi të rinjt gjaknxehtë, shpresojmë të shkëlqehemi dhe të kemi nder..."

Song Zuying është një soprano me famë më të madhe sot në Kinë. Ajo mbaroi studimet në fakultetin e Muzikës dhe të Koreografisë të Universitetit Qendror të Kombësive dhe studimet pasuniversitare për muzikë vokale popullore në Konservatorin e Kinës, ndërsa në vitin 1991 u pranua në Ansamblin e këngëve dhe valleve të forcave detare, duke u bërë një këngëtare ushtarake.

Song Zuying ka krijuar stilin e veçantë të interpretimit. Ajo ka shkuar për të dhënë shfaqje në shumë vende dhe ka organizuar koncerte edhe në pallatin e Operës të Sidnejit, në Pallatin e Artë të Koncerteve të Vienës etj., ku zëri i saj i ëmbël dhe paraqitja e saj elegante janë vlerësuar nga shikuesit e huaj.

Krahas sukseseve të mëdha në fushën artistike, ajo merr pjesë aktivisht edhe në aktivitetet e bamirësisë, ka dhënë kontribute për "Veprën e shpresës" dhe ka krijuar "Fondin e Arsimit Song Zuying". Tani le të shijojmë këngën "Ushtarët nga të 4 anët e vendit", kënduar prej saj. Kjo këngë përshkruan miqësinë e thellë midis ushtarëve, të lidhur ngushtë si anëtarët e një familjeje.

Yan Weiwen është një tenor i njohur i Ansamblit të Këngëve dhe Valleve të Drejtorisë së Përgjithshme Politike të Ushtrisë Popullore Çlirimtare Kineze. Ai ka zë të pastër dhe tejdulshëm, zotëron diapazon të gjërë dhe këndon me ndjenja të përzemërta. Këngët e interpretuara prej tij shprehin dashurinë për kazermën dhe për ushtarët. Këngët "Plepi i vogël", "Them disa fjalë zemre", "Kënga 1,2,3,4" etj. janë të përhapura gjërësisht në repartet ushtarake dhe në gjirin e masave popullore. Vitet e fundit Yan Weiwen ka shkuar për shfaqje në reparte ushtarake dhe ka lënë gjumët e tij në rrafshnaltën me borë të Tibetit, në shkretëtirën Gobi të Singjiangut, në stepën e madhe të Mongolisë së Brendshme etj. Më poshtë le të dëgjojmë këngën "Plepi i vogël", kënduar prej Yan Weiwen-it. Nëpërmjet përshkrimit të një plepi të vogl kënga i këndon fisniërisë së ushtarëve kufitarë.

Në këngë thuhet: "Një plep i vogël rritet për bukuri pranë postërojës, duke mbrojtur kufirin verior të atdheut. Gjethet e tij të blerta këndojnë kur fryn flladi i lehtë, dhe lëshojnë shkëlqimet e argjendta nën rrezet e diellit. Ky plep i vogël rritet dhe mbron vijën kufitare së bashku me mua."

Edhe Tan Jing është një këngëtare e re e Ansamblit të këngëve dhe valleve të Drejtorisë së Përgjithshme Politike të UPÇK. Ajo duke shkrirë mënyrën e këndimit klasik, popullor dhe zbavitës, ka krijuar stilin e vet të veçantë. Në vitin 2004, ajo organizoi me sukses në Pekin koncertin e këngëve ushtarake me titull "Vitet e paqes". Tani le të shijojmë këngën e kënduar prej saj në këtë koncert "Ushtaret ecin në bulevard". Kjo këngë e gëzueshme, e shpejtë dhe e rrjedhshme përshkruan figurën e bukur të ushtareve dhe karakterin e tyre të gjallë e të dashur.

Tenori Ly Jihong është një nga këngëtarët e talentuar që aktivizohen në skenën e këngëve. Ai ka lindur në provincën Gansu të Kinës veriperëndimore. Që në vogli ai ëndrronte të bëhej marinar, dhe këngën e parë që mësoi, ishte "Dua detin e kaltër". Në vitin 1989 ai u pranua në Ansamblin e këngëve dhe valleve të forcave detare. Ai ka shkuar për shfaqje në male të larta, në ishuj të atdheut, dha shfaqje edhe në Gjermani, Rusi, SHBA etj.

Kënga që ndoqët, titullohet "Urimet e marinarëve", kënduar nga Ly Jihong. (Pina)