Këngëtarja Han Hong e kombësisë tibetiane është një nga këngëtaret e stilit krijues të qarqeve muzikore popullore të Kinës. Me zërin e bukur dhe meloditë me karakteristika të posaçme, ajo është mirëpritur shumë nga adhuruesit.

Han Hong ka lindur në Chang Du të Tibetit. Nëna e saj është një këngëtare e famshme e kombësisë tibetiane. Nën ndikimin e së ëmës, Han Hong kishte interes të madh për muzikën që kur ishte e vogël. Në moshën 14 vjeçare, ajo fitoi çmimin e parë në një konkurs kombëtar të muzikës. Pastaj Han Hong u pranua në një konservator për të studiuar muzikën vokale dhe filloi krijimin e muzikës. Në vitin 1995, me këngën e stilit tibetian "Himalaja", ajo fitoi çmimin e tretë në konkursin televiziv muzikor të zhvilluar nga CCTV-ja. Pastaj ajo ka nxjerrë një sërë këngësh si "Drita e zonës me borë", "Vendlindja", "Bukuria në shi" dhe "Gdhihet" etj.

Po dëgjoni tani këngën "Himalaja". Me melodinë dhe tekstin e thjeshtë, kjo këngë paraqet dashurinë e popullsisë tibetiane për vendlindjen e vet. Në këtë këngë thuhet "Jam nga Himalaja dhe përqafoj Pallatin Potala. Jam rritur me "Zang Ba". Flokët e mi janë larë me ujin e lumit Ya Lu. Jam larguar nga vendlindja për të kërkuar idealin tim. Do të kthehem në Himalaja, në vendlindjen time në malin me borë."  dëgjoni

Han Hong është jo vetëm një këngëtare e fuqishme, por edhe një krijuese e talentuar e muzikës. Në vitin 1998, ajo krijoi shumë këngë për disa këngëtarë të famshëm, të cilat kanë karakteristika kombëtare.

Po dëgjoni tani këngën "Vendlindja". Si një këngëtare e kombësisë tibetiane, Han Hong tha se dashuria e saj për Tibetin është arsyeja rrënjësore për të kënduar pandërprerë. Në sytë e saj, Tibeti është shtëpia e dashur. Kur i kujtohet Tibetin, asaj i kujtohen çaji "Su You", rakia "Qing Ke" etj.  dëgjoni

Kjo këngë na tregon Tibetin me qiellin blu, retë e bardha, lopët dhe dhitë etj.

Si një këngëtare, Han Hong nuk ka paraqitje të bukur. Për shkak të paraqitjes, ajo është mundur në shumë konkurse. Kur i kujtohet procesi i punës së saj, Han Hong tha se ajo falënderon jetën, vlerëson lart jetën e saj me hidhërime. Do të dëgjoni tani "Bukuria në shi".  dëgjoni

Han Hong ka një emër të bukur në gjuhën tibetiane "Ge Sang Zhuo Ma". Në këtë gjuhë, "Ge Sang" do të thotë lule e bukur dhe "Zhuo Ma" do të thotë vajzë. Kur ishte e vogël, Han Hong jetonte në Tibet. Megjithëse është larguar nga Tibeti prej shumë vjetësh, në gjakun e saj, Han Hong është ende një tibetiane. Do të dëgjoni tani këngën "Rrafshnalta Qinghai-Tibet", që tregon entuziazmin e të kënduarit të Han Hongut.  dëgjoni

Në fund të programit të sotëm do të dëgjoni këngën "Rruga qiellore". Kjo rrugë është hekurudha "Qinghai-Tibet" me gjatësinë dhe lartësinë më të madhe në botë. Kjo hekurudhë që shkon nga Qinghai deri në Lhasa, ka një gjatësi prej 1956 kilometra.  dëgjoni (U Sen)