dëgjoni

"Më pëlqen të interpretoj personazhe të thjeshta, sepse ata zënë pjesën dërrmuese të popullsisë. Për shembull, tani më shumë fshatarë kanë ardhur në qytete për punë. Dua të shfaq jetesën e tyre nëpërmjet komedisë."

Skeçet komike të krijuara dhe të shfaqura nga Huang Hong lidhen ngushtë me jetën e banorëve të thjeshtë. Ai është i aftë të pasqyrojë problemet shoqërore nëpërmjet banorëve të thjeshtë.

Tani po dëgjoni skeçin e krijuar në vitin 1990 nga Huang Hong. Skeçi përshkruan historinë e një çifti fshatar që vjen për herë të parë në qytet duke bërë shumë shaka. Edhe pas mbi 10 vjetëve, shumë shikues e mbajnë mend dialogun humoristik të skeçit.

Për shkak të dallimeve të mëdha në jetesë midis qytetit dhe fshatit kinez, fshatarët që kanë ardhur në qytet për punë hasin shumë vështirësi. Veprat e Huang Hongut pasqyrojnë plotësisht jetën e fshatarëve në qytet me anën e komedisë. Duke folur për krijimtarinë e vet, Huang Hong tha:

"Krijimtaria artistike nuk duhet të ndahet nga jeta e vërtetë. Ne qytetarët nuk e njohim shumë qartë jetën në fshat, por njohim fshatarët që punojnë në qytet, sepse ne nuk mund të ndahemi nga ata. Jam i mendimit se fshatarët kanë magji të veçantë. Ata janë të virtytshëm dhe të ndershëm. Prandaj dua të shfaq jetën e tyre."

Vitet e fundit, gjendja e punës dhe e jetesës e fshatarëve që punojnë në qytet ka tërhequr vëmendjen e qeverisë kineze. Në skeçin e shfaqur në mbrëmjen artistike të Televizionit Qendror të Kinës me rastin e Festës së Pranverës të vitit 2005, Huang Hong interpretoi një fshatar që nuk mund të marrë në kohë pagat e veta. Huang Hong shpreson se vepra e tij do të nxitë tërë shoqërinë t'i kushtojë rëndësi problemit të pagesave të prapambetura të fshatarëve në qytet:

"Jam i mendimit se një artist duhet të mbajë përgjegjësinë shoqërore dhe të pasqyrojë probleme shoqërore."

Çdo herë kur Huang Hong krijon një vepër të re lidhur me fshatarët që punojnë në qytet, ai do ta shfaqë së pari para tyre. Nëse fshatarët shprehin përshëndetje, kjo vepër është e suksesshme.

Huang Hong jo vetëm interpreton në komedi, por edhe xhiron filma e drama televizive. Në vitin 2002, Huang Hong xhiroi filmin "25 fëmijë dhe një baba". Ai ishte skenaristi, regjisori dhe aktori kryesor i filmit. Filmi "25 fëmijë dhe një baba" përshkruan një tregim të vërtetë. Personazhi kryesor Zhao Guang është një jetim fshatar që u rrit me ndihmat e bashkëfshatarëve. Pasi u bë i pasur, Zhao Guang shprehu shpresën të adoptojë disa jetimë në fshat. Kështu 25 jetimë erdhën në shtëpinë e Zhao Guangut duke ndryshuar jetën e tij. Në këtë film, Huang Hong vazhdoi të shfaqë stilin e vet komik dhe interpretoi me sukses një personazh të virtyrshëm dhe me shumë të meta të vogla. Filmi "25 fëmijë dhe një baba" fitoi përshëndetjen e shikuesve dhe të specialistëve dhe mori çmimin "Pula e artë" të regjisorit dhe të filmit më të mirë, çmimin më të lartë kinematografik të Kinës. Më vonë filmi "25 fëmijë dhe një baba" fitoi çmimin më të lartë, çmimin "Flutura e artë" të Festivalit të 17-të Ndërkombëtar të Filmit të Iranit.

Tani Huang Hong po krijon një teledramë lidhur me fshatarët që punojnë në qytet. Ai shpreson se kjo dramë do të shfaqë gjendjen e vërtetë të jetës së fshatarëve në qytet dhe kontributin e tyre në ndërtimin e qytetit. (Fani)