dëgjoni

Zhvillimi dhe organizimi me sukses i Lojërave Olimpike nuk ndahen nga përkrahjet e fondeve të mjaftueshme. Fondet për Lojërat Olimpike 2008 vijnë kryesisht nga zhvillimi i tregut olimpik, prandaj është shumë e rëndësishme mbrojtja e të drejtave dhe interesave të ndërmarrjeve, si sponsorë, kompani të transmetimit televiziv, tregtarë me privilegj etj. Këto ndërmarrje përkrahin me fonde Lojërat Olimpike dhe si kthim, ata do të fitojnë të drejtat e reklamimit me të drejtat e pronësisë intelektuale olimpike ose do të fitojnë të drejtat e tregtisë me privilegj. Në një konferencë shtypi të zhvilluar kohët e fundit, zv/drejtori i drejtorisë së zhvillimit të tregut pranë komisionit organizativ të Lojërave Olimpike të Pekinit, z. Chen Feng prezantoi punët e tyre për mbrojtjen e të drejtave të ndërmarrjeve të bashkëpunimit dhe veçanërisht në parandalimin e tregut në pritë.

I ashtuquajtur "treg në pritë", d.m.th. ndërmarrjet jo bashkëpunëtore me Lojërat Olimpike krijojnë lidhje të rremë ose të paautorizuara me Lojërat Olimpike dhe nxjerrin fitime tregtare. P.sh. ndërmarrjet pa privilegj të Lojërave Olimpike, në qoftë se ata prodhojnë ose shesin mallrat me skemën olimpike, ose ndërmarrje të zakonshme përdorin termat e veçanta olimpike në reklamat e tyre, publiku do të mendojë gabimisht se këto ndërmarrje janë sponsorë ose kanë marrëdhënie përkrahjekje me Lojërat Olimpike.

Z. Chen Feng vuri në dukje se tregu në pritë është një veprim zhvatës.

"Ky veprim shkel parimin e konkurrencës së drejtë dhe dëmton shumë zhvillimin e tregut olimpik, sepse ai dëmton të drejtat e interesat e ndërmarrjeve të bashkëpunimit me Lojërat Olimpike dhe ul vlerën tregtare të Olimpiadës. "

Në qoftë se nuk parandalohet dhe goditet një veprim i tillë, nxitur nga përfitimet, gjithnjë e më shumë ndërmarrje do të hyjnë në tregun në pritë, gjë që pa tjetër do të ulë vlerën e markës olimpike dhe do të dëmtojë iniciativën e ndërmarrjeve në bashkëpunim me Lojërat Olimpike. Si pasojë, zhvillimi i lëvizjes olimpike do të humbë mbështetjen e fondeve dhe Pekini nuk do të organizojë me sukses Lojërat Olimpik 2008, prandaj është e domosdoshme që të parandalohet tregu në pritë. Z. Chen Feng theksoi:

"Parandalimi i tregut në pritë është kërkesa për mbrojtjen e ndërmarrjeve të bashkëpunimit me Olimpiadën dhe gjithashtu premtimi i Kinës në një sërë kontratash me Komitetin Olimpik Ndërkombëtar."

Për të parandaluar tregun në pritë, komisioni organizativ i Lojërave Olimpike të Pekinit ka bërë përpjekje të zhdukë kushtet e lindjes së tregut të tillë, p.sh. nuk lejohen ndërmarrjet jo sponsorzuese të bëjnë reklama ose përhapje lidhur me aktivitetet olimpike, kontrollohen reklamat rreth pallateve e stadiumeve olimpike. Përveç këtyre, sportistët që do të marrin pjesë në Lojërat Olimpike, gjatë zhvillimit të këtyre lojërave nuk lejohen të marrin pjesë në aktivitete reklame të ndërmarrjeve josponsorzuese. Lidhur me këtë, z. Chen Feng shpjegoi:

"Gjatë Lojërave Olimpike, sportistët pjesëmarrës, si p.sh. vrapuesi i njohur kinez Liu Xiang, nuk përfaqëson vetëm veten e vet, por edhe figurën e fituesit të medaljes së artë olimpike dhe ai lidhet ngusht me Olimpiadën. Prandaj ne ndalojmë sportistë të tillë të bëjnë reklamë për ndërmarrje josponsorzuese të Lojërave Olimpike."

Komisioni organizativ i Lojërave Olimpike të Pekinit përfiton edhe nga raste të mundshme të bëjë shkëmbime me publikun, që ta njohë domosdoshmërinë e parandalimit të tregut në pritë. Z. Chen Feng tha:

"Ne shpresojmë që me këto shkëmbime, publiku mund të jetë i ndërgjegjshëm që mbrojtja e të drejtave të pronësisë intelektuale olimpike është pak e ndryshme nga ajo e zakonshme." (Wang Lei)