Wang Feng filloi arsimin muzikor standard kur ishte i vogël. Pastaj ai u pranua nga Konservatori Qendror i Kinës dhe mësoi t'i bjerë violinës dhe violës. Megjithatë ai nuk u bë një muzikant i muzikës klasike. Në vitin 1994, Wang Feng krijoi grupin e stilit rok "Numri 43 i lagjes Bao Jiajie" dhe u bë këngëtari kryesor. Kështu ai filloi veprimtarinë në qarqet e muzikës moderne. Wang Feng ka formuar aftësitë e madhe në prodhimin dhe të kënduarin e këngës për shkak të mësimit shumëvjeçar të muzikës. Këngët e tij janë të mbushura me karakteristika kulturore, të cilat janë mirëpritur shumë nga adhuruesit. Po dëgjoni tani këngën me titull "Zogu i vogël" të albumit me të njëjtën titull të nxjerrë në vitin 1997.  dëgjoni

6 vjet pas formimit të grupit muzikor "Numri 43 i lagjes Bao Jiajie", për të kërkuar më shumë raste zhvillimi, nga viti 1999, Wang Feng, filloi karrierën individuale në qarqet muzikore dhe u regjistrua me kompaninë e disqeve "Waner". Në vitin 2000 dhe 2002, Wang Feng nxori përkatësisht dy albume me tituj "Fishekzjarri" dhe "Dashuria është një plumb për lumturinë".

Shumica e këngëve të Wang Fengut gjatë kohës kur punonte me grupin na jep ndjenja të ftohta dhe të dëshpëruara. Pasi u largua nga ky grup, ai përsëri iu përmbaj stilit rok, por ndjenjat janë më të buta. Në të njëjtën kohë, muzika me fantazi na prek shumë. Le të admirojmë këngën me titull "Dashuria është një plumb për lumturinë".  dëgjoni

Në këtë këngë thuhet "Dje më the që do të largohesh. Jeta e tanishme është dëshpëruese për ty. Para largimit, të përqafoj përsëri. Kurmi yt është shumë i ngrohtë. E di që kushdo mund të më lëndojë sepse dashuria është një plumb për lumturinë. Nëse nuk ka dashuri, atëherë nuk ka lëndim".

Zakonisht, muzika e stilit rok ka karakter të ashpër, ndërsa këngët e Wang Fengut vërtetojnë se muzika e stilit rok mund të ketë edhe karakter lirik. Ai është i mendimit se fuqia e vërtetë e kësaj muzike është shpirti i saj, jo forma. Wang Feng tha se për të, muzika e stilit rok përfshin vështrimin e brendshëm dhe mendimet për jetën. Më e rëndësishmja është që dëgjuesit të kuptojnë muzikën. Le të ndiejmë fantazinë e muzikës.

Në këtë këngë thuhet "Në shi, më kujtohet pamja jote. Kam ndjenja të ngrohta dhe të dëshpëruara. Për një çast më duket se je para meje. Duket se të gjitha gjërat janë kthyer në të kaluarën. Shpesh herë ecim së bashku në shi. Më kujtohet që ti mbështetesh në krahun tim."  dëgjoni

Në vitin 2004, Wang Feng nxori albumin e tretë me titull "Qaj duke qeshur", e cila ka përzier elemente të ndryshme si kombëtare, bluz, xhaz etj. Gjithashtu Wang Feng ka ndryshuar edhe paraqitjen në albumin e ri. Flokët e gjata dhe syzet me kornizë katrore i ka zëvendësuar me flokët e shkurtra dhe syzet e diellit. Ai ka paraqitje simpatike dhe të pjekur. Do të dëgjoni tani këngën kryesore "Fluturoj më lart" të albumit "Qaj duke qeshur". Në këtë këngë i kënduari i Wang Fengut ka ndjenja nxitëse dhe zëri i ngjirur i tij ka fuqi tronditëse.

Në këtë këngë thuhet "Nëse dëshiron një rast çlirimi, më parë duhet të presësh rrjetën e ngashënjimit. Jeta që dëshiroj është më e ndritshme. Qielli që dëshiroj është më blu. E di që lumturia që dëshiroj është në qiellin më të lartë. Duhet të fluturoj më lart, të vallëzoj si era e egër."  dëgjoni

Ka ndonjë njeri që e konsideron muzikën e Wang Fengut si uiski, që ka aromë të mirë. Në fund të programit të sotëm do të dëgjoni këngën me titull "Jeta e entuziazmuar", e cila është nxjerrë në vitin 2005. Kjo këngë ka melodi me ritme të fuqishme dhe tekst nxitës, e cila pasqyron Wang Fengun që vrapon i lirë në rrugën e muzikës.  dëgjoni (U Sen)