Gjatë gjashtëmujorit të parë të këtij viti, në tregun kinez të sigurimeve shoqërore, komupanitë e sigurimeve me investime të huaja vazhduan të ruajnë një zhvillim relativisht të shpejtë dhe të qëndrueshme. Nga të dhënat më të reja statistikore del se deri tani, 45 komupani të sigurimeve me investime të huaja krijuan afro 130 institucione të biznesit të tyre në Kinë. Përqindja e këtyre komupanive të sigurimeve në tregun kinez të sigurimeve shoqërore u shtua 4 herë në krahasim me para 6 vjetëve në pranimin e Kinës në Organizatën Botërore të Tregtisë. Njëkohësisht hapi i zhvillimit të investimeve jashtë vendit të komupanive të sigurimeve të Kinës është shpejtuar pandërprerë.

Në një konferencë shtypi të organizuar kohët e fundit në Pekin, ndihmësi i kryetarit të Komisionit të kontrollit dhe të administrimit të sigurimeve të Kinës, z. Yuan Li tha se sektori i sigurimeve i Kinës ka ruajtur një rritje vjetore të vazhdueshme me ritmin mbi 17 %, duke u bërë një nga sektorët me rritjen më të shpejtë në ekonominë kombëtare. Hyrja e kapitaleve të shumta jashtë vendit në komupanitë e sigurimeve të Kinës është një nga faktorët e zhvillimit të shpejtë të sektorit të sigurimeve të Kinës.

Nën sfordin e zhvillimit të shpejtë të tregut kinez të sigurimeve, komupanitë e sigurimeve me investime të huaja në Kinë vazhduan gjithashtu të ruajnë një prirje të zhvillimit të shpejtë. Tregu kinez i sigurimeve ka krijuar një gjendje të re bashkekzistencës së pronësive të ndryshme, të konkurrencës së barabartë dhe të zhvillimit të përbashkët.

"Deri në fund të qershorit të këtij viti, 45 komupani të sigurimeve të 15 vendeve ose rajoneve të botës krijuan 128 institucione të biznesit të tyre në Kinë. Nga janari deri në qershor të këtij viti, të ardhurat e komupanive të sigurimeve me investime të huaja nga pagesa e sigurimeve arritën në mbi 16 miliardë juanë, përqindja e tregut ishte 4.38 %."

Siç mësohet, tani në tregjet e sigurimeve të Pekinit, Shangait, Guangdong-it dhe të zonave të tjera me ekonomi relativisht të zhvilluara, përqindja e tregut e komupanive të sigurimeve me investime të huaja i kaloi 10 %.

Zoti Yuan Li tha se gjatë gjashtëmujorit të parë të këtij viti, tregu kinez i sigurimeve vazhdoi të ruajë një zhvillim të qëndrueshëm dhe relativisht të shpejtë. Kapitalet e përgjithshme dhe të ardhurat nga pegesa e sigurimeve të komupanive të sigurimeve u shtuan mesatarisht mbi 20 % në krahasim me të njëjtën periudhë të vitit të kaluar.

"Gjatë gjashtëmujorit tëparë të këtij viti, sektori i sigurimeve i Kinës vazhdoi të thellojë reformën. Tregu i sigurimeve ka ruajtur një zhvillim të qëndrueshëm dhe relativisht të shpejtë. Kontrollimi dhe administrimi janë forcuar në mënyrë efikase."

Tani kapitalet e përgjithshme të sektorit të sigurimeve të Kinës i kaluan 2 trilionë e 500 miliardë juanë. Rritja vjetore e të ardhurave nga pagesa e sigurimeve i kaoi rritjen e GDP-së. Zoti Yuan Li tha se për të koordinuar strukturën e qarkullimit të fondeve të sigurimeve dhe për të ngritur efektivitetin e qarkullimit të fondeve të sigurimeve, Komisioni i kontrollit dhe i administrimit të sigurimeve do të vazhdojë të përkrahë investimet e fondeve të sigurimeve jashtë vendit.

"Komupanitë e sigurimeve kanë zhvilluar në mënyrë të qëndrueshme investimet jashtë vendit sipas rregulloreve përkatëse. Deri tani, Ato patën rezultate relativisht të mira. Deri në qershor të këtij viti, vëllimi i mbetur i investimeve jashtë vendit të komupanive të sigurimeve arriti në 20 miliardë juanë. Njëkohësisht Komisioni i kontrollit dhe i administrimit të sigurimeve po rishikon me sektorët përkatës metodat e përkohshme të administrimit të investimeve jashtë vendit të fondeve të sigurimeve." Sipas njoftimeve, "Metodat e administrimit të investimeve jashtë vendit të fondeve të sigurimeve" të Kinës do të publikohet së shpejti. (Sihai)