dëgjoni

Ju flet Radio e Jashtme e Kinës! Të dashur dëgjues, unë jam Pina, ju përshëndes nga Pekini. Në programin e sotëm të muzikës kineze ju ftoj të dëgjoni disa melodi të interpretuara në sheng nga instrumentisti i njohur kinez Wong Zhenfa.

Melodia që ndoqët titullohet "Kënga e varkëtarëve Usuli", interpretuar në sheng nga Wong Zhenfa. Sheng është një vegël muzikore popullore frymore e lashtë kineze, ajo ka timbër të ëmbël e të butë dhe ka forcë të madhe shprehëse. Melodia "Kënga e varkëtarëve Usuli" e krijuar bazuar në një këngë popullore të Kinës verilindore, përshkruan tablonë e gëzueshme të punës dhe gëzimin e peshkatarëve të kombësisë hezhe të zonës verilindore të Kinës.

Wong Zhenfa është një nga instrumentistët më të shquar kinezë të veglës muzikore sheng. Ai interpreton me mjeshtri të mrrekullueshme dhe me timbër të ëmbël. Wong Zhenfa fitoi më se një herë çmimin e parë në konkurset e interpretimit të veglave muzikore popullore kineze dhe vizitoi si artist kinez Francën, Belgjikën, Svicrën, Luksenbugun dhe vende e rajone të tjera të botës, ku u mirëprit ngrohtësisht nga dëgjuesit.

Melodia që ndoqët titullohet "Jasemini". Kjo melodi shumë e bukur e elegante, e përpunuar në bazë të një kënge popullore të provincës Jiansu të Kinës jugore, përshkruan peizazhin e bukur në jug të lumit Jance ku vallëzojnë bletët e fluturat, dhe dashurinë e çiltër të të rinjve e të rejave. Këtë melodi Wong Zhenfa e interpreton me mjeshtëri të madhe artistike dhe në mënyrë elegante e të kuptueshme.

Melodia "Jasemini" e ekzekutuar nga Wong Zhenfa në sheng është përfshirë në albumin e tij të veçantë. Meloditë e këtij albumi Wong Zhenfa i ka interpretuar me sheng të përmirësuar, i cili ka ruajtur veçorinë tradicionale të thjeshtësisë e të stilit të hidhërueshëm dhe ka shtuar edhe funksionin e bashkimit me orkestrën moderne të instrumenteve frymore e me tela dhe me orkestrën elektronike. Meloditë e albumit të interpretuara me sheng nga Wong Zhenfa, të shoqëruara me fyell, guzheng, paixiao dhe vegla të tjera muzikore popullore kineze kanë ngjyrë të pasur muzikore, atmosferë fushore dhe karakteristika të theksuara kineze.

Në fund të programit të sotëm do të shijojmë së bashku melodinë "Vajza e bukur", interpretuar nga Wong Zhenfa në sheng. Kjo melodi e krijuar në bazë të një kenge popullore të kombësisë kazake, përshkruan admirimin dhe dashurinë e një djali për një vajzë. Nga kjo melodi mund të kuptoni mjeshtërinë artistike dhe stilin e bukur lirik në interpretimin e Wong Zhenfa-ut.

Ju flet Radio e Jashtme e Kinës! Të dashur dëgjues, ndoqët disa melodi të interpretuara në sheng nga Wong Zhenfa. Mirudëgjofshim të shtunën tjetër. Në mikrofon për ju, Pina.