dëgjoni

Sivjet është 80-vjetori i themelimit të Ushtrisë Popullore Çlirimtare kineze, 80-vjetori i Kryengritjes së Korrjeve të Vjeshtës dhe 80-vjetori i krijimit të bazës së mbështetjes së revolucionit në malin Jinganshan. Në kuadrin e këtyre përvjetorëve të shënuar, një delegacion i posaçëm i përbërë nga

 rreth 200 pasardhës të brezit revolucionar shkoi për vizitë në qytetin heroik Nanchang dhe në malin Jingganshan, bazë e vjetër revolucionare. Në emisionin e kaluar, ju njohëm me aktivitetet e vizitës së delegacionit të pasardhësve të brezit të vjetër revolucionar në qytetin Nanchang, ndërsa në emisionin e sotëm do të vazhdojmë t'ju njohim me aktivitetet e këtij delegacioni në m

alin Jingganshan.

Në qytetin Jingganshan, delegacioni i pasardhësve të brezit të vjetër revolucionar, me bashkëshorten e ish-kryetarit të shtetit të Kinës Li Xiannian, Lin Jiamei, si këshilltare, u prit nxehtësisht nga kryebashkiaku dhe drejtuesit e tjerë të qytetit Jingganshan.

Duke mos harruar historinë, mund të çmojmë më mirë ditët e sotme, duke kujtuar dëshmorët revolucionarë, do të ndërtojmë më mirë të ardhmen e bukur. Vizita në bazën e revolucionit Jingganshan, e organizuar nga shoqata e bijve dhe bijave të Jenanit, Shoqata për studimin e historisë së Korpusit të Ri të 4-t, Drejtoria e propagandës e provincës Jianxi dhe bashkia e qytetit Jingganshan ka për qëllim të kujtohen paraardhësit e brezit të vjetër revolucionar, të jetë e qartë historia, të trashëgohen dhe të zhvillohen më tej traditat revolucionare dhe të çohet përpara çështja e madhe e filluar nga revolucionarët proletarë të brezit të vjetër.

Siç tha e bija e liderit të Kinës Hu Qiaomu, Hu Muying, .." Vizita e delegacionit të pasardhësve të brezit të vjetër revolucionar është jo thjesht një kujtim i historisë dhe një aktivitet për të treguar kujdes për banorët e zonave të vjetra revolucionare, por është edhe një mësim dhe një manifest i vazhdimit të revolucionit. Ajo do t'i tregojë botës se pasardhësit e brezit të vjetër revolucionar nuk do ta harrojnë historinë e revolucionit, nuk do të harrojnë misionin e tyre historik." Ata do të trashëgojnë traditat revolucionare e do të çojnë deri në fund çështjen e revolucionit të filluar nga revolucionarët proletarë të brezit të vjetër, si dhe do të vazhdojnë të luftojnë për të ndërtuar një vend të harmonishëm dhe të fuqishëm socialist.

Në fjalën e rastit të mbajtur në pritjen madhështore për nder të këtij delegacioni, kryebashkiaku i qytetit Jinganshan tha se... "Para 80 vjetësh, kryetari Mao Ce Dun dhe komandanti i përgjithshëm Zhu De krijuan në malin Jiangganshan bazën e parë të mbështetjes së revolucionit". ( Zhai)