Dëgjoni

1 gushti i këtij viti është 80-vjetori i krijimit të Ushtrisë Popullore Çlirimtare të Kinës. Me rastin e kësaj dite, tani po shfaqen në mbarë vendin disa filma dhe drama televizive që pasqyrojnë historinë e Ushtrisë Popullore Çlirimtare të Kinës. Ndër të cilat, filmi "Sulmi në mbrëmje" i regjisorit An Lan pasqyroi një betejë të vërtetë të gjatë luftës së popullit Kinez kundër agresorëve japonezë.

Filmi "Sulmi në mbrëmje" përshkruan një tregim të vërtetë: gjatë luftës së popullit kinez kundër agresorëve japonezë në vitet '30 të shekullit të kaluar, një regjiment i Ushtrisë Popullore Çlirimtare të Kinës i drejtuar nga komandanti Chen Xilian sulmoi befasisht aeroportin Yangmingbao të trupave japoneze në veri të Kinës duke shkatërruar 24 aeroplanë të trupave japoneze dhe vrarë mbi 200 ushtarë japonezë. Në krahasim me filma të tjerë kinezë të luftës, filmi "Sulmi në mbrëmje" ka disa karakteristika të reja. Regjisori An Lan tha:

"Kemi bërë përpjekje të mëdha për të xhiruar një film tërheqës luftarak, për shembull kemi përdorur teknologjinë e lartë në prodhimin e filmit. Në krahasim me filma të tjerë luftarakë, filmi im përshkruan kryesisht mendimet e njerëzve gjatë luftës."

52-vjeçari An Lan është regjisori i Studios Kinematografike "1 gushti" të Kinës. Në vitin 2003, ai filloi të xhirojë filmat me seri "Gjeneralët e famshëm të Kinës". Sipas planit, ai do të xhirojë për jetën e 100 gjeneralëve të famshëm kinezë, ndër të cilët, "Sulmi në mbrëmje" është filmi i tetë në këtë seri. An Lan tha:

"Këta gjeneralë janë heronj që krijuan Republikën Popullore të Kinës. Unë xhiroj këta filma me seri të 100 gjeneralëve të famshëm për të shfaqur guximin dhe patriotizmin e tyre."

"Sulmi në mbrëmje" është një film me shpenzime të mëdha. Megjithëse nuk ka ndonjë yll filmi, skena e betejës e filmit është shumë madhështore. Për të krijuar një atmosferë të vërtetë luftarake, grupi i xhirimit ndërtoi posaçërisht një aeroport të thjeshtë duke prodhuar 7 modele të aeroplanit. Nëpërmjet teknologjisë së lartë, shikuesit patën mundësi të shikojnë një skenë madhështore të betejës ajrore në këtë film.

Në filimin "Sulmi në mbrëmje", An Lan shfaqi me sukses figurën e një heroi të ri. Chen Xilian është personazhi kryesor i filmit, ai ishte edhe një personazh i vërtetë në histori. Gjatë betejës Yangmingbao, Chen Xilian ishte vetëm 23-vjeç. Filmi përshkroi jo vetëm guximin e Chen Xilianit, por edhe botën shpirtërore dhe dashurinë e tij.

An Lan ka xhiruar shumë filma luftarakë. Ai u shpreh se xhirimi i filmit luftarak është shumë i vështirë. Për shembull gjatë xhirimit të filmit "Sulmi në mbrëmje", shumë punë zhvilloheshin në mbrëmje, njëkohësisht hasën edhe shumë rreziqe. An Lan tha:

"Gjatë xhirimit, ne përdorëm shumë lëndë plasëse për të shfaqur skenën luftarake. Zakonisht ne xhironim për disa herë skenën e shpërthimit. Para xhirimit, ne duhet të përcaktojmë me seriozitet pikat e shpërthimit për të garantuar sigurinë e aktorëve. Jam i mendimit se një film luftarak i ngjan një beteje të vërtetë."

Megjithëse ka shumë vështirësi e rreziqe gjatë xhirimit të filmave luftarakë, An Lanit i pëlqen shumë filmi luftarak. Pas mbarimit të filmit "Sulmi në mbrëmje", tani ai po përgatit një film tjetër luftarak. Ai është i mendimit se filmi luftarak mund të shfaqë idealin e tij. (Fani)