Dëgjoni 

Lojërat e para dhe të dyta olimpike u organizuan në Evropë. Sepse lojërat olimpike të lashta kishin prejardhjen në Evropë. Por sipas mendimit të Kurbertanit, lojërat olimpike duhet të organizohen me radhë në vende të ndryshme të botës. Në fakt, Kurbertani kishin parasysh vetëm Evropën dhe Amerikën Veriore, duke përmendur "vendet e ndryshme të botës".

Meqenëse sportistët amerikanë u shfaqën shkëlqyeshëm në të dy lojërat e para olimpike, dhe sipas objektivës së paraqitur nga Kurbertani që sporti duhet të ndërkombëtarizohet, në mbledhjen e 4-të plenare të Komiteit Olimpik Ndërkombëtar në vitin 1901, e drejta për organizimin e lojërave të 3-ta olimpike iu dha qytetit amerikan Çikago.

Kur ky sihariq u përhap në SHBA, qytetarët e Çikagos u gëzuan pa masë. Ata kontribuan njëherësh 120 mijë dollarë, me qëllim që ky edicion i lojërave olimpike të organizoheshin në mënyrë më të shkëlqyer se lojërat e para dhe të dyta olimpike.

Por, pa kaluar shumë kohë, ndodhën ndryshime të mëdha. Edhe qyteti amerikan St Louis deshi të organizonte lojërat e 3-ta olimpike dhe kjo u përkrah nga presidentit amerikan Theodore Roosevelt. Viti 1903 është jubileu i 100 vjetorit të qytetit St Louis. Më parë, ky qytet kishte fituar të drejtën e organizimit të Ekspozitës Botërore. Nëse mund të fitonte edhe të drejtën për organizimin e lojërave të 3-ta olimpike, St Louis do të shtynte festimin e 100 vjetorit të këtij qyteti dhe Ekspozitën Botërore në vitin 1904, në mënyrë që si festimi i 100-vjetorit të qytetit dhe Ekspozita Botëror, ashtu edhe lojërat e treta olimpike mund të organizoheshin solemnisht dhe në mënyrë të shkëlqyer. Ishte hera e parë në historinë e lojërave olimpike që, për hir të organizimit të tyre, të shtyhej festimi i 100 vjetorit të një qyteti dhe organizimi i një ekspozite botërore.

Meqenëse qyteti St Louis tregoi entuziazëm të madh për organizimin e lojërave olimpike, presidenti amerikan Roosevelt hyri aktivisht në radhët e përkrahësve dhe i dërgoi Komitetit Olimpik Ndërkombëtar një telegram, në të cilën kërkoi që drejta e organizimit të lojërave të 3-ta olimpike t'i jepej qytetit St Louis dhe premtoi se SHBA-ja do të organizonte një edicion të kënaqshëm të lojërave olimpike, duke nxjerrë mësime nga lojërat olimpike të Parisit. Pas diskutimeve të përsëritura në Komitetin Olimpik Ndërkombëtar, mbledhja plenare e Parisit e vitit 1902 pranoi këtë kërkesë.

St Louis është qyteti i 8-të i SHBA-së dhe ka një transport shumë të zhvilluar. Por, në atë kohë, kur anija ishte mjeti i vetëm i transportit që lidhte Evropën me Amerikën, sportistët nuk mund të arrinin shpejt në SHBA. Jo vetëm për shkak të shtrenjtësisë së biletës së anijes, por edhe për shkak të kohëzgjatjes së udhëtimit prej 10 ditësh, shumë sportistë evropianë hoqën dorë nga pjesëmarrja në të. Si pasojë, numri i sportistëve pjesëmarrës nuk ishte aq i madh ashtu si qytetarët e St Louisit kishin imagjinuar, edhe pse St Louis premtoi se do të organizonte një edicion të shkëlqyer të lojërave olimpike. Në ato lojëra olimpike, morën pjesë vetëm 12 vende dhe rajone, më pak se në edicionin e parë të lojërave olimpike. Por numri i sportistëve pjesëmarrës arriti në 681, pak më i madh se në edicionin e parë të lojërave olimpike moderne, ku morën pjesë mbi 200 sportistë. Por ndër 681 sportistët pjesëmarrës të lojërave të 3-ta olimpike, shumica ishin nga SHBA-ja, vetëm 107 sportisë të huaj morën pjesë në të. Prandaj, shumë veta janë të mendimit se ky edicion i lojërave olimpike u bë në fakt lojëra olimpike amerikane, dhe sportistët e huaj luajtën vetëm rolin e dorës së dytë. Megjithëse ekzistuan shumë pakënaqësi, dalja e lojërave olimpike nga Evropa pati rëndësi të gurit themeltar në historinë e zhvillimit të lojërave olimpike. (Shy Guan)