Dëgjoni

Me zhvillimin e shpejtë të teknikës së internetit, gjithnjë e më shumë punë kryhen me internet. Sot interneti tradicional nuk plotëson dot kërkesat, ndërsa interneti i bandës së gjerë mund të plotësojë më mirë kërkesat që shtohen shumë shpejt dhe është bërë një pikë e nxehtë në teknikën e informacioneve. Vitet e fundit interneti i bandës së gjerë është zhvilluar shpejt në Kinë, edhe pse Kina ende është një vend në zhvillim.

Por ç' domethënë interneti i bandës së gjerë? Duke e shpjeguar këtë, specialistët thotë se tani interneti i bandës së gjerë zhvillohet në tri shkallë, korpusi i internetit, lidhjet qytetore dhe lidhjet në lagje. Këto tri shkallë të internetit janë si rrugët e transportit, si autostrada, rrugët urbane dhe rrugët e lagjeve. Në përgjithësi, nëse kurpusi i një interneti me shpejtësi transmetimi 2.5 megametra në sekondë dhe shpejtësia e lidhjeve qytetore dhe në lagjë arrin në 1 megametra në sekondë, ky internet quhet interneti i bandës së gjerë.

Po ta zëmë internetin për rrugët automobilistike, interneti i bandës së gjerë shërben si një "rrugë" shumë e gjerë automobilistike, që mund të plotësojë kërkesat gjithnjë në rritje dhe të shmangë bllokimin e rrugëve në kohën kur në rrugë ecin gjithnjë e më shumë "automjete".

Interneti i bandës së gjerë është bërë sot infrastrukturë e rrjetit global të informacioneve dhe përdoret gjerësisht në transmetimin e informacioneve në fushat politike, ekonomike, kulturore etj. Zv-drejtori i Akademisë së Inxhinierisë të Kinës, zoti Vu Hequan, thotë se interneti i bandës së gjerë zhvillohet shumë shpejt edhe në Kinë.

"Konsumatorët e internetit të bandës së gjerë në Kinë përbëjnë 70 % të numrit të përgjithshëm të konsumatorëve të internetit në tërësi dhe kjo përqindje rritet 1% në muaj."

Specialistët thonë se industria e telekomunikacionit, si një industri bazë, mbështetëse dhe drejtuese të ekonomisë kombëtare, luan një rol të pazëvendësueshëm në zhvillimin e ekonomisë dhe në ngritjen e nivelit të jetës së popullit kinez. Me popullarizimin e internetit të bandës së gjerë në Kinë, do të ndryshojnë mënyra e jetesës dhe zakonet e kinezëve. Këtej e tutje, interneti i bandës së gjerë në lagje do të ofrojë shërbim më të lehtë dhe më të shpejtë, si shërbimi i transmetimit të programeve televizive me kërkesën e telespektatorëve, video-telefonit, mbledhjeve televizive, tregtisë elektronike, punës së shërbimit komunal me internet, mjekimi me linjë televizive, mësimdhënie me linjë televizive etj. Banorët e lagjeve mund të kërkojnë sipas dëshirës së vet programe televizive. Shpejtësia e transmetimit të programeve nuk do të ndikohet nga numri i telespektatorëve, kur qindra dhe mijëra telespektatorë kërkojnë njëkohësisht të njëjtin program.

Siç mësohet, numri i konsumatorëve të internetit të bandës së gjerë në Kinë ka arritur në 97 milionë, shifër kjo që zë vendin e 2-të në botë, pas SHBA-së. Sot në Kinë zhvillimi i telekomunikacionit me internetin e bëndës së gjrë është përfshirë ndër detyrat kryesore të zhvillimit të vendit, me qëllim që Kina të shndërrohet nga një vend i madh në një vend të fuqishëm për sa i përket industrisë së informacioneve.

Por në fushën e internetit të bandës së gjerë, Kinës i shtrohet përpara jo vetëm shansi i zhvillimit, por edhe konkurrenca dhe sfida e vendeve të tjera. Specialistët përkatës janë të mendimit se, përballë kësaj gjendjeje, hapja e shërbimit në fushën e internetit ndaj botës së jashtme dhe forcimi i bashkëpunimit ndërkombëtar për të arritur fitoren e përbashkët në fushën tregtare është një alternativë e dëshirueshme. Lidhur me këtë, foli zoti Shy Çin, kryetar i dëgës së teknikës së lartë të Komisionit Shtetëror Kinez të Zhvillimit dhe Reformës.

"Ndërkombëtarizimi është rruga e vetme e zhvillimit të industrisë së informacioneve dhe krijimi i të rejave duhet të jetë një krijim i hapur. Ne përkrahim shtimin e lidhjeve të ndërmarrjeve tona me ndërmarrjet e vendeve të tjera, që të thellojnë shërbimin në teknikën e informacioneve dhe në krijimin e produkteve të reja, në përcaktimin e standardeve dhe në përparimin e shërbimit. Ato duhet të bëjnë përpjekje të përbashkëta për realizimin e dobisë e fitores së përbashkët dhe për shtytjen përpara të teknikës e industrisë së internetit të bandës së gjerë në shkallë globale".

Lojërat Olimpike të Pekinit të vitit 2008 përbëjnë një rast të volitshëm dhe një sfidë serioze për internetin e bandës së gjerë në Kinë. Zonja Yu Fei e korporatës "Kina Netkom" tha:

"Korporta jonë zotëron pasuri të mjaftueshme të kabllove në det, që mund të shfrytëzohen për të transmetuar sinjalet, zërin dhe figurat e Lojërave Olimpike të Pekinit në vendet e ndryshme të botës." (Zheng)