Dëgjoni

Për ngritjen e raketave në kozmos duhet si mbështetje djegia e një energji e madhe; ndërsa për zhvillimin ekonomik të një qyteti, duhen "mbështetësit e ekonomisë" në lloje të ndryshme. Lojërat e 29-ta Olimpike Verore, që do të zhvillohen në vitin 2008 në Pekin, janë bërë një nga mbështetësit kryesor të zhvillimit të shpejtë të ekonomisë së Pekinit.

Ditët e fundit, Qendra e Mediave e Lojërave Olimpike të Pekinit thirri një konferencë shtypi me temë: "Zhvillimi ekonomik e shoqëror i Pekinit gjatë gjashtëmujorit të parë të vitit 2007". Zv/drejtorja e Drejtorisë së Statistikave të Pekinit, zj. Yu Xiuqin tha se në gjashtëmujorin e parë të këtij viti, ekonomia e Pekinit vazhdoi rritjen e qëndrueshme dhe relativisht të shpejtë dhe u karakterizua me qëndrueshmërinë e ritmit të rritjes, gjallërimin e tregut, përmirësimin e strukturës dhe ngritjen e cilësisë. Ajo tha:

"Pekini ka pasur një mjedis të mirë të brendshëm dhe të jashtëm në rritjen ekonomike, që do të thotë prirja e rritjes relativisht të shpejtë të ekonomisë botërore nuk do të ndryshojë dhe ekonomia e Kinës do të funksionojë ende në një platformë të rritjes së shpejtë. Edhe ekonomia e Pekinit vet ka dinamikën për zhvillimin e qëndrueshëm e të shpejtë dhe efektiviteti i ekonomisë olimpike po shfaqet gradualisht."

Nga të dhënat statistikore del se gjatë 6 vjetëve të përgatitjes për Lojërat Olimpike, ndodhi një kthesë e rëndësishme në mënyrën e zhvillimit të ekonomisë së Pekinit dhe jeta e banorëve të Pekinit ka përparuar në mënyrë të gjithanshme drejt jetës komode. Gjatë këtij procesi, përgatitja për Lojërat Olimpike ka ngritur dukshëm nivelin e ndërtimit urbanistik dhe të administrimit të shërbimit, ka forcuar hapjen e qytetit dhe bashkëpunimin e shkëmbimet me vende të tjera dhe ka nxitur përmirësimin e vazhdueshëm të jetesës së pekinasve si dhe ngritjen e civilizimit të tyre.

Zj. Yu Xiuqin është e mendimit se realizimi i rritjes ekonomike të qëndrueshme, të shpejtë dhe afatgjatë në Pekin ka lidhje të madhe me Lojërat Olimpike. Ajo tha:

"Ndër investimet për infrastrukturë, një pjesë e tyre është e lidhur drejtpërdrejtë me Lojërat Olimpike, ndërsa pjesa tjetër është për infrastrukturën në përshtatje me Lojërat Olimpike, si ndërtimi në fushën energjetike, në komunikacion, gjelbërim, mjedis, telekomunikacion dhe në ndërtimin e veprave hidraulike. Këto investime do të kenë ndikim të madh."

Dega e ndërtimit ka qenë sektori që fovorizohet më shumë nga Lojërat Olimpike. Pothuajse në çdo edicion të Lojërave Olimpike u investuan fonde të mëdha në ndërtimin e pallateve e stadiumeve dhe në infrastrukturë, gjë që gjallëroi sektorin e ndërtimit. Krahas sektorit të ndërtimit, në bazë të konceptit të "Olimpiadës së Gjelbër dhe tekniko-shkencore", Pekini ka ndryshuar shumë strukturën e industrisë. Tani industria e manifakturës me teknologji të lartë dhe industria e teknologjive të reja dhe të larta kanë zënë përqindje gjithnjë e më të madhe në strukturën e industrisë dhe kanë dhënë kontribut më të madh. Zv/drejtorja e Drejtorisë së Statistikave të Pekinit, zj. Yu Xiuqin u shpreh:

"Me konceptin e 'Olimpiadës së Gjelbër', ne kemi hequr gradualisht nga qarqet industriale të Pekinit sektorët me konsum të lartë, ndotje të lartë dhe me efektivitet të ulët. Mendoj se ky është rasti i sjellë nga Lojërat Olimpike dhe do të krijojë edhe kushte për zhvillimin e ardhshëm të Pekinit në mënyrë të vazhdueshme, të qëndrueshme dhe të shëndetshme."

Duke u hedhur një vështrim Lojërave Olimpike pas vitit 1984, mund të zbulohet se investimet dhe konsumet kolosale të nxitura nga Lojërat Olimpike jo vetëm kanë ushtruar ndikim të madh pozitiv mbi qytetet organizatore si dhe rajonet përreth, por edhe kanë ngritur përqindjen e punësimit.

Zj. Yu Xiuqin tha se tani përqindja e papunësisë në Pekin është vetëm 2%.

"Përqindja e papunësisë është ulur shumë në krahasim me disa vite të mëparëshme. Nga aspekti i shkencës ekonomike perëndimore, përqindja e papunësisë nën 4% mund të konsiderohet si gjendja e mirë e punësimit. Nga ky këndvështrim, duhet të themi se Lojërat Olimpike na kanë sjellë shumë vende pune." (Wang Lei)