Dëgjoni

Në shtator të këtij viti, do të zhvillohet në Kinë edicioni i 5-të i Kupës së Botës në Futboll për Femra. Të gjithë mbanin shumë shpresa tek ekipi kinez i futbollit të femrave, duke qënë se Kina është vendi organizator. Në garën me ftesë të 4 ekipeve të futbollit të femrave të titulluar "Fatmirë në Pekin", që përfundoi ditët e fundit, ekipi kinez i futbollit të femrave paraqiti paraqitje të mirë dhe u shpall kampion, duke pasqyruar kështu gjendjen e saj të mirë.

Ditët e fundit u zhvillua në dy qytete veriore të Kinës Qinhuangdao dhe Shenyang gara me ftesë e 4 ekipeve të futbollit të femrave. Këto 4 ekipe ishin përkatësisht ekipi i Kinës, ai i Meksikës, i Italisë dhe i Tajlandës. Në këtë garë, ekipi i Kinës i futbollit të femrave paraqiti gjendjen e mirë dhe fitoi në të gjitha 4 ndeshjet dhe humbi vetëm një gol. Në finalen, ekipi kinez shënoi një gol nëpërmjet goditjes së lirë të drejtëpërdrejtë në minutën e fundit, kështu fitoi mbi ekipin e Meksikës me rezultatin 1:0. Pas ndeshjes, kryetari i ekipit të Meksikës Gonzalez Kanales vlerësoi ekipin kinez me këto fjalë:

"Ekipi kinez njihet për vullnetin e fortë, vajzat kineze nuk dorëzohen kurrë dhe përqëndrojnë të gjithë vëmendjen në ndeshje. Besoj se ekipi kinez do të bëhet gjithnjë e më i mirë. Ekipi kinez është i aftë në goditjen e topit me kokë dhe mund të zërë gjithmonë në vendin e duhur. Në përgjithësi ekipi kinez ka forcë të madhe konkurruese."

Ashtu siç e panë edhe vetë anëtaret e ekipit të Meksikës, ekipi kinez shfaqi një figurë të re në këtë garë. Vajzat e reja kineze trashëgojnë traditën e ekipit kinez të futbollit të femrave, d.m.th. vullnetin e fortë dhe teknikën e hollë dhe njëkohësisht formojnë stilin e vet, duke u kushtuar më shumë rëndësi shpejtësisë dhe sulmeve. Formimi i shpejtë i stilit të ri është merita e trajneres kryesore të ekipit kombëtar të Kinës të futbollit të femrave Marika Domanski.

Domanski vjen nga Suedia dhe në prill të këtij viti ajo erdhi në Kinë si trajnere kryesore e ekipit kinez të futbollit të femrave. Detyra e saj kryesore është që të udhëheqë ekipin kinez të arrijë rezultat të mirë në Kupën e Botës në Futboll në shtator të këtij viti. Brenda vetëm 3 muajve, Domanski e bëri ekipin kinez një ekip me disiplinë serioze dhe me stil të shpejtë e të fortë. Ajo ka besim të plotë për stilin e vet.

"Tani po përgatitemi për Kupën e Botës. Kemi gjetur një metodë që të sulmojmë më shpejt dhe të mbrojmë më fort. Ndihem shumë e kënaqur tani."

Edhe vajzat kineze të ekipit të futbollit ndiejnë ndryshimin e madh të ekipit të tyre. Vajza Bi Yan është lojtare kryesore në mesfushë. Ajo ra dakord shumë me idenë ne trajneres kryesore Domanski.

"Ajo nuk propozon konceptin e zgjatjes së kohës. Pavarësisht se jemi në gjendjen e fitores apo të humbjes, ajo do të na nxitë të shpejtohemi. Ajo na kërkon gjithmonë të sulmojmë dhe të përparojmë."

Një tjetër ndryshim i dukshëm që ndodhi në ekipin kinez, është se atmosfera e këtij ekipi është më e gëzueshme se në të kaluarën. Domanski është iniciatore e konceptit të "futbollit të gëzueshëm". Ajo inkurajon anëtaret e ekipit të gëzojnë dhe shijojnë futbollin gjatë stërvitjes dhe në ndeshje, por jo të jetojnë nën presionin nga rezultati. Me inkurajimin e saj, anëtaret e ekipit kinez kanë më shumë buzëqeshje në fytyrë dhe bashkohen më shumë.

Pas shpalljes si kampione në këtë garë me ftesë, edhe vajzat e ekipit kinez të futbollit kanë shtuar vetbesimin. Sulmuesja kryesore Han Duan parashikon Kupën e Botës me besim të plotë.

"Kjo garë na hodhi një bazë të mirë besimi për Kupën e Botës. Kemi shtuar besim për ndeshje me çdo kundërshtar."

Kupa e Botës është veprimtaria e nivelit më të lartë për futbollin e femrave. Rezultati më i mirë i ekipit kinez në këtë veprimtari është nënkampione në vitin 1999 dhe më vonë ekipi kinez ra gradualisht në gjendjen e ulët. Trajnerja kryesore Domanski është e mendimit se distanca e ekipit kinez me ekipe të forta të botës shfaqet në dy anë: së pari, është i dobët në kundërvënie të trupit dhe së dyti, nuk është i aftë në shënimin e golit brenda zonës së penaltisë. Domanski tha se në dy muajt të ardhshëm këto dy anë do të jenë theksi i stërvitjeve të ekipit kinez.

"Në dy muajt e ardhshëm, detyra ime është që të ndihmojë më shumë në rritjen e cilësisë së trupit të anëtareve të ekipit kinez, që të përballojnë ndeshje akoma më të vështira dhe që të pasojnë më shpejt topin në zonën e penaltisë të kundërshtarit. Duhet të forcohet edhe aftësia e shënimit të golit në zonën e penaltisë. Në përgjithësi zhvillimi është në drejtim të mirë."

Nuk mbeten as dy muaj para hapjes së Kupës së Botës. Nën udhëheqjen e Domanskisë, a do të lënë vajzat kineze kupën e kësaj veprimtarie në Kinë? Le të shohim së bashku. (Wang Lei)