Dëgjoni

Vitet e fundit, industria e botimeve dixhitale në Kinë është zhvilluar shumë shpejt. Sipas të dhënave statistikore, të ardhurat e industrisë së botimeve dixhitale të Kinës në vitin 2006 arritën në mbi 20 miliardë juanë. Aplikimi dhe përhapja e teknologjisë dixhitale në sektorin e botimit të shtypit janë bërë forca e re dinamike për nxitjen e zhvillimit të industrisë së botimeve të shtypit.

Për arsye se tani njerëzit janë shumë të zënë me punë dhe me jetën e përdithsme. Kështu gjithënjë e më shumë ata nuk kanë kohë të lirë të shkojnë në librari për të blerë libra dhe gazeta. Shumë njerëz zgjedhin leximin e librave dhe gazetave në internet ose celular.

Gjithënjë e më shumë kinezë, sidomos të rinjtë dhe të rejat pëlqejnë librat në internet dhe gazetat dixhitale.

Chen Yi punon në një shoqëri IT të Pekinit. Ajo i tha gazetarit se asaj i pëlqen shumë leximi i librave. Ajo ka lexuar shpesh disa libra në internet. Ajo tha: 

"Më pëlqen shumë leximi i librave në internet. Unë jam e mendimit se leximi i librave në internet ose në celular mund të kursejë kohë."

Sipas njoftimeve, tani librat në internet të botuara nga Kina afrojnë mbi 300 mijë lloje, numri i këtyre librave zë vendin e parë në botë, duke përfishirë fushat shoqërore, ekonomike, shkencore dhe fusha të tjera të ndryshme. Të ardhurat e këtyre librave janë shtuar shumë shpejt.

Grupi Fangzheng që ka hyrë në vitin 2000 në fushën e botimeve dixhitale, është pararojë e qarqeve të botimeve dixhitale të Kinës. Kjo ndërmarrje përpiqet t'u japë agjencive të botimeve dhe autorëve shërbimet e sigurta dhe teknologjike. Duke iu përgjigjur pyetjeve të gazetarëve, zv/drejtori i përgjithshëm i këtij grupi, z. Fang Zhonghua tha: 

"Strategjia e botimeve dixhitale e Grupit Fangzheng është për t'u dhënë botimeve të shtypit të Kinës shërbimet teknologjike të botimeve të përparuara dixhitale. Platforma jonë për botimin e gazetave dhe revistave dixhitale është që çdo njeri mund të lexojë shumë shpejt dhe me lehtësi librat, gazetat revistat e ndryshme në internet."

Fang Zhonghua tha gjithashtu, se megjithëse tani burimet e përmbajtjeve dixhitale janë shumë të pasura në internet, edhe mungon një platformë komplekse e librave, gazetave dhe revistave të ndryshme në gjuhën kineze në internet, për të ndihmuar lexuesit në kërkimin e leximin me interes të librave dhe gazetave dhe revistave të ndryshme dixhitale. Për këtë, Grupi Fangzheng ka krijuar sistemin e gazetave dhe revistave dixhitale. Duke hyrë në këtë platformë të leximit me gjuhën kineze, lexuesit mund të gëzojnë lehtësirat e leximit në internet.

Megjithëse industria e botimeve dixhitale është zhvilluar shpejt në Kinë, por edhe ka diferenca relativisht të mëdha në krahasim me vendet e zhvilluara. Në procesin e zhvillimit të industrisë së botimeve tradicionale drejt dixhitalizimit, problemi i të drejtave të botimeve dixhitale, kontrolli i përmbajtjes dixhitale etj, janë problemet kryesore që kanë frenuar zhvillimin e industrisë së botimeve dixhitale. Pak kohë më parë, u zhvillua në Pekin samiti i industrisë së botimeve dixhitale të Kinës. Pjesëmarrësit analizuan dhe diskutuan për problemet eshumta në fushën e botimeve dixhitale.

Në këtë samit, zv/drejtori i Drejtorisë së Përgjithshme të Botimeve të Shtypit të Kinës, z. Sun Shoushan tha se para reformës, Kina ka shtjelluar qartë mendimet e zhvillimit dhe objektivin strategjik të botimeve dixhitale. 

"Në të ardhmen, Kina do të nxitë me të gjitha forcat dixhitalizimin e burimeve të botimeve. Në kushtet paraprake të mbrojtjes së të drejtave të autorit, do të realizohet në mënyrë maksimale gëzimi i përbashkët i përmbajtjes. Do të shpejtohen studimi dhe hartimi i standardeve kryesore dhe të teknologjive kyçe të industrisë së botimeve dixhitale."

Kina është vendi i 2-të në botë për përdoruesit e internetit. Numri i përdoruesve arriti në mbi 100 milionë veta. Popullarizimi i internetit ka sjellë ndryshime të mëdha për formën e leximit të njerëzve.

Sun Shoushani shprehu besimin e plotë për perspektivën e zhvillimit të ardhshëm të industrisë së botimeve dixhitale të Kinës. Ai tha: 

"Me përkrahjen e madhe të qeverisë kineze, industria e botimeve dixhitale e Kinës me siguri do të zhvillohet më shpejt. Edhe industria e botimeve të shtypit do të ketë një gjendje të re të zhvillimit dhe të lulëzimit."(Sihai)