Dëgjoni

Kina po shfrytëzon kapacitetin e pyjeve në thithjen e dioksidit të karbonit, për të dhënë kontribut më të madh në përballimin e ngrohjes së klimës globale. Në një konferencë shtypi të organizuar kohët e fundit në Pekin, drejtori i Drejtorisë Kombëtare të Pylltarisë të Kinës, z. Jia Zhibang tha se në të ardhmen, Kina do të vazhdojë të ngrejë aftësinë e pyjeve për të përballuar ndryshimin e klimës.

Pyjet janë korpus i sistemit ekologjik kontinental dhe rezerva më e madhe kontinentale e karbonit, si dhe aparati më ekonomik i thithjes së karbonit. Sipas llogarisë së Komisionit të posaçëm ndërqeveritar për ndryshimin e klimës të OKB-së, ndër sasinë e rezervës së karbonit në një sasi 2 trilionë e 480 miliardë tonë të sistemit ekologjik kontinental global, 46 % prej tyre janë rezervuar në sistemin ekologjik pyjor. Prandaj pyjet kanë një rol shumë të madh dhe të veçantë në thithjen e dioksidit të karbonit brenda ajrit dhe në zbutjen e ndryshimit të klimës globale.

Drejtori i Drejtorisë Kombëtare të Pylltarisë të Kinës, z. Jia Zhibang tha se me rritjen në përmasa të mëdha të viteve të fundit të sipërfaqes pyjore të Kinës, aftësia e pyjeve në përballimin e ndryshimit të klimës është ngritur pandërprerë.

"Me rritjen e burimeve pyjore të Kinës, sasia vjetore e thithjes së dioksidit të karbonit është shtuar nga viti në vit. Sipas llogarisë fillestare të specialistëve të vendit, pyjet e Kinës në vitin 2004 kanë thithur dioksidin e karbonit në një sasi 5 trilionë tonë, domethënë 8 % të sasisë së përgjithshme të shkarkimit të gazit të serrës të mbarë vendit."

Vitet e fundit, Kina ka zhvilluar pyllëzimin artificial në mbarë vendin tonë. Deri tani sipërfaqja e pyjeve u ngrit në 1 trilion e 750 miliardë hektarë, përqindja e mbuluar pyjore arrin në 18 % dhe sasia e rritjes mesatare vjetore të pyjeve arrin në 5 trilionë metra kub.

Drejtori i Drejtorisë Kombëtare të Pylltarisë të Kinës Jia Zhibang tha se Kina është një vend përgjegjës në zhvillim dhe ka marrë aktivisht masat për përballimin e ndryshimit të klimës, kursimin e energjisë dhe pakësimin e shkarkimit të gazit. Në qershor të këtij viti, qeveria kineze publikoi "Projektin shtetëror për përballimin e ndryshimit të klimës"; në korrik të këtij viti, kryeministri i Kinës Wen Jiabao organizoi një mbledhje pune për përballimin e ndryshimit të klimës, kursimin e energjisë dhe pakësimin e shkarkimit të gazit. Në këto masa, u theksua roli i rëndësishëm i pyjeve në këto fusha.

Jia Zhibang tha, gjithashtu, se qeveria kineze do të vazhdojë të japë kontribut më të madh për të përballuar ngrohjen e klimës globale nëpërmjet pakësimit të shkarkimit industrial dhe shtimit të thithjes së dioksidit të karbonit të pyjeve.

Brenda 30-50 vjetëve të ardhshëm, sasia e rritjes vjetore pyjore të Kinës do të shtohet edhe 2 herë. Njëkohësisht, Kina do të forcojë mbrojtjen dhe administrimin ndaj pyjeve dhe lagunave për të sistemuar në mënyrë efikase tokat e shkretëtira.

Një masë e rëndësishme e Kinës është zhvillimi i energjive biologjike të pyjeve.

Jia Zhibang vuri në dukje se zhvillimi i energjive biologjike të pyjeve jo vetëm mund të nxitë përmirësimin e strukturës së energjisë kineze, por edhe mund të zgjidhë problemin e presionit të mjedisit dhe të energjisë. 

"Rezerva e pyjeve të Kinës për zhvillimin e energjive biologjike është shumë e madhe. Bimët e tanishme pyjore të Kinës mund të nxjerrin lëndë të para për prodhimin e energjive biologjike në një sasi 3 trilionë tonë. Në qoftë se energjia e kësaj pjese mund të shfrytëzohet, mund të lehtësohet presioni i furnizimit me energji."

Përveç këtyre, pas 3 vjetëve, Kina do të ndërtojë bazat e pylltarisë me një sipërfaqe prej mbi 800 mijë hektarë, për prodhimin e naftës dizel.(Sihai)