dëgjoni

Mësohet se nisja e këtij plani ka qëllim që t'u ofrojë Lojërave Olimpike përkrahje e garantim në kuadro për të siguruar realizimin e objektivave të këtyre lojërave. Njëkohësisht, duke përfituar nga rasti i organizimit të Lojërave Olimpike, do të thithet, përgatitet dhe rezervohet një kontingjent i madh kuadrosh me cilësi të lartë. Rreth kërkesave të Lojërave Olimpike, në këtë plan të veprimit përcaktohen 16 detyra si theksi i krijimit të armatës shërbyese të kuadrove, si ato të punëve të jashtme, të garantimit të sigurisë, të komunikacionit, të mbrojtjes së mjedisit etj. Drejtori i Drejtorisë së Personelit të Pekinit z. Xin Tieliang vuri në dukje se qeveria do të përkrahë me përpjekje të mëdha këtë plan në fonde.

"Lidhur me përkrahjen e këtij plani me fonde, jemi të gatshëm që shpenzimet për përgatitjen e kuadrove të Lojërave Olimpike do të pagohen nga fondi ekzistues i përgatitjes së kuadrove të qytetit të Pekinit. Përsa i përket pjesës së mungesës, do të koordinojmë me sektorin përkatës të Bashkisë së Pekinit dhe do të shtojmë fonde të mëtejshme."

Të dashur dëgjues, në bazë të fondeve të sigurta, më poshtë le të shohim si do të zbatohet plani i veprimit për kuadrot e Lojërave Olimpike.

Problemi i garantimit të sigurisë gjatë Lojërave Olimpike ka tërhequr vëmendje të gjerë. Cilët persona do të ngarkohen të garantojnë sigurinë e Lojërave Olimpike, kjo është bërë fokusi i opinionit. Për këtë, në planin e veprimit për kuadrot e Lojërave Olimpike i kërkohet Drejtorisë së Sigurimit Publik të Pekinit të formojë një armatë e kuadrove garantues prej 12 mijë vetash, që mund të reagojë shpejt, trajtojë si duhet incidente dhe duhet të jetë e talentuar në profesion dhe me aftësi tërheqëse. Drejtori i sektorit politik pranë Drejtorisë së Sigurimit Publik të Pekinit Shan Zhigang vuri në dukje se në përgatitjen e kuadrove olimpik, ata u kanë kushtuar rëndësi të madhe shkëmbimeve me vende të tjera.

"Tani 50% e policëve të Pekinit kaluan provimin e nivelit të gjuhëve të huaja. Vitet e fundit çuam edhe mbi 400 policë për studime pasuniversitare në Universitetin e Vestminsterit të Anglisë dhe në Universitetin e Kanberrës të Australisë. Shkëmbimet me qarqet ndërkombëtare policore na shtuan përvojën në organizimin e veprimtarive të mëdha ndërkombëtare dhe mësuam nga pala policore të vendeve të tjera, veçanërisht të atyre qyteteve që organizuan Lojërat Olimpike."

Sapo ju fola për garantimin e sigurisë së mysafirëve të vendeve të ndryshme, ndërsa turistët që do të vizitojnë Pekinin gjatë Lojërave Olimpike, nga cilët njerëz do të priten? Sipas kërkesës së përcaktuar në këtë plan, Drejtoria e Turizmit e Pekinit ngarkohet të përgatitë kuadro aministrativ të turizmit të nivelit të lartë si dhe kuadro olimpik të degës turistike. Përsa u përket masave konkrete, përgjegjësi i Drejtorisë së Turizmit të Pekinit Ma Shuqun tha:

"Së pari krijuam kursin e administratorëve të nivelit të lartë; së dyti, importuam nga Anglia me mbi 500 mijë juanë planin e kualifikimit, duke përgatitur administrator të nivelit të lartë në sallë, restorante dhe dhoma e mysafirëve të të gjitha hoteleve të Pekinit. Pastaj këta administrator të nivelit të lartë do të zhvillojnë përgatitje edhe në sferën e të gjithë hotelit."

Gjatë Lojërave Olimpike të Pekinit, vullnetarët e shpërndarë nëpër rrugë e lagje si dhe pallate e stadiume sportive olimpike do të bëhen tjetër "fytyrë" e Pekinit. Prandaj punët shërbyese të vullnetarëve përfshihen gjithashtu në planin e veprimit për kuadrot e Lojërave Olimpike. Krahas 100 mijë vullnetarë që do t'u shërbejnë drejtëpërdrejt Lojërave Olimpike, Pekini do të mobilizojë forcat e të gjithë shoqërisë për të mbledhur sa më shumë vullnetarë shoqërorë gjatë Lojërave Olimpike të Pekinit.

Në planin e veprimit merret parasysh edhe shfrytëzimi i këtyre kuadrove olimpike pas Lojërave Olimpike. Sipas rregullave përkatëse, personalitete të shquara, që u shërbejnë Lojërave Olimpike, mund të pranohen me prioritet në institucione qeveritare ose mund të gëzojnë politika të favorshme që të vazhdojnë të zhvillohen në Pekin.

Një edicion i suksesshëm i Lojërave Olimpike realizohet pa tjetër nga njerëzit më të dalluar dhe njëkohësisht Lojërat Olimpike u japin raste të zhvillimit njerëzve të dalluar. Ky është synimi thelbësor i planit të veprimit për kuadrot e Lojërave Olimpike. (Wang Lei)