dëgjoni

Për zhvillimin e çdo veprimtarie sportive, pallatet e stadiumet e duhura sportive brenda standarteve janë të domosdoshme. Gjatë procesit të përgatitjes për Lojërat Olimpike të Pekinit, edhe ndërtimi i pallateve e stadiumeve ka tërhequr gjerësisht vëmendje. Korrespondenti i radios sonë mësoi ditët e fundit nga Komisioni Organizativ i Lojërave Olimpike të Pekinit se tani ndërtimi i pallateve e stadiumeve sportive për këto lojëra është zhvilluar normalisht dhe për shumicën prej tyre struktura bazë është gati. Do të dëgjoni tani një reportazh për këtë.

Në konferencën e shtypit të organizuar më 11 korrik nga Komisioni Organizativ i Lojërave Olimpike të Pekinit, një nga përgjegjësit e këtij komisioni për ndërtimin e veprave sportive, inxhinieri Wu Jingjun u tha mediave se në prill të këtij viti filluan të ndërtohen dy stadiume të përkohshme për tre-garëshin dhe çiklizmin, kështu filluan punët e ndërtimit të të gjitha 31 pallateve e stadiumeve olimpike si dhe 5 instalimeve përkatëse. Krahas këtyre, filluan punët e ndërtimit të 43 ndër 45 pallateve të pavarura për stërvitje.

"Ndër këto 31 pallate e stadiume olimpike e 5 instalime përkatëse, u inaugurua vitin e kaluar stadiumi i bejzbollit Fengtai, ndërsa për pallatet e stadiumet e tjera, struktura bazë është gati dhe po bëhen dekorimi dhe instalitmet e pajisjeve mekaniko-elektrike. Disa vepra kanë hyrë në fazën e fundit."

Z. Wu Jingjun shpjegoi më tej se ndër 31 pallate e stadiume olimpike, 12 të reja janë në fazën e instalimit të pajisjeve mekaniko-elektrike dhe të zbukurimeve dhe 3 prej tyre, si pallati i qitjes i Pekinit, pallati i çiklizimit Laoshan dhe Parku ujor olimpik në Shunyi janë në fazën e fundit të ndërtimit. Ndër 11 pallate e stadiume në riparim, stadiumi i bejzbollit në Fengtai u përurua, kurse 10 të tjera janë në zbukurime të brendshme. Krahas këtyre, edhe 8 pallate e stadiume të përkohshme janë në ndërtim dhe 6 prej tyre, si pallati i skermës, stadiumit i softbollit, fusha e volejbollit në rërë janë të gatshme në strukturën bazë. Lidhur me kohën e saktë të përurimit të këtyre veprave, z. Wu tha:

"Përveç stadiumit kombëtar, fushës së mediave dhe pajisjet përkatëse të mbledhjeve, pjesa dërrmuese e pallateve e stadiumeve do të përurohet para fundit të këtij viti."

Z. Wu Jingjun prezantoi se gjatë ndërtimit të pallateve e stadiumeve sportive të Lojërave Olimpike të Pekinit, janë konkretizuar 3 konceptet "Olimpiada humanitare, tekniko-shkencore dhe e gjelbër". Në veprat olimpike, ka pasur disa rezultate fazore në planifikimin e përgjithshëm, kursimin e burimeve ujore dhe në shfrytëzimin e energjive të reja. Meriton të përmendet se rezultati i krijimit të pavarur në strukturën e çeliktë të veprave olimpike arrin në nivelin e përparuar të botës. Në shumë pallate e stadiume olimpike të pekinit janë përdorur struktura të çelikta të ndërlikuara, ndërsa gjatë projektimit e ndërtimit të tyre, plotësohen i standardet përkatëse kineze.

Shfrytëzimi i pallateve e stadiumeve olimpike pas Lojërave Olimpike ka qenë problemi, për të cilin ka treguar vëmendje komisioni organizativ. Për të evituar lënien mënjanë të këtyre pallateve e stadiumeve pas Lojërave Olimpike, komisioni organizativ ka hartuar projekte te ndryshme për t'i shfrytëzuar ato në maksimum. Z. Wu Jingjun tha se Pekini do të shfrytëzojë këto pallate e stadiume sipas karakteristikave të tyre. Z. Wu tha:

"P.sh. ato që gjenden në kopshtin e universiteteve do të bëhen qendra të aktiviteteve sportive të studentëve, ndërsa ato në qendra tregtare do të tërheqin aktivisht biznesmenë e investime, në mënyrë që të bëhen arena për veprimtari sportive e shfaqje artistike të mëdha." (Wang Lei)