dëgjoni

Ekspozita ndërkombëtare e shkencave dhe e teknologjive e Pekinit që organizohet çdo vit, jo vetëm është një arenë për shfaqjen e rezultateve më të reja shkencore dhe teknologjike të ndërmarrjeve të shkencës dhe teknologjisë së lartë kineze dhe të huaja, por edhe një platformë për shfaqjen e epërsive të provincave dhe rajoneve autonome të krahinave perëndimore të Kinës. Në ekspozitën e 10-të ndërkombëtare të shkencave të Pekinit të organizuar pak kohë më parë, përfaqësuesit e këtyre provincave dhe rajoneve autonome kanë shfaqur rezultatet më të reja shkencore e teknologjike të tyre.

Delegacionet e mbi 30 vendeve ose rajoneve të botës dhe dy mijë ndërmarrje kineze dhe të huaja morën pjesë në ekspozitën e 10-të ndërkombëtare të shkencave të Pekinit të organizuar në maj të këtij viti në Pekin. Delegacionet e provincave dhe rajoneve autonome të krahinave perëndimore të Kinës jo vetëm kanë shfaqur rezultatet më të reja shkencore dhe teknologjike, produktet karakteristike, por edhe organizuan aktivitete të shumëllojshme për terheqjen e biznesmenëve.

Në këtë ekspozitë të shkencave, kryetari i provincës Gansu, z. Sy Shousheng prezantoi vetë objektet ekonomike të provincës Gansu. Ai tha: "Provinca Gansu i ka kushtuar rëndësi të madhe ekspozitës së shkencave të organizuar nga Pekini. Gansu është një provincë kontinetale. Ekonomia e saj është relativisht e prapambetur në krahasim me Pekinin dhe me provinca të tjera me ekonomi relativisht të zhvilluar. Prandaj administrata e provincës Gansu vendosi të propagandojë Gansun, duke përdorur këtë platformë, në mënyrë që më shumë miq kinezë dhe të huaj të njohin Gansun për të ndërtuar bashkërisht atë."

Provinca Gansu ndodhet në pjesën veriperëndimore të Kinës. Rruga e njohur e mëndafshit kaloi gjithë provincën Gansu. Qysh nga zbatimi i zhvillimit perëndimor, ekonomia e provincës Gansu ka arritur zhvillimin e shpejtë dhe të vazhdueshëm. Për të shpejtuar hapin e hapjes dhe koordinimin e strukturës industriale, që nga viti 2000, provinca Gansu filloi të marrë pjesë në ekspozitën e shkencave të Pekinit. Sot nëpërmjet kësaj platforme, Gansu ka vendosur marrëdhëniet e bashkëpunimit ekonomiko-tregtar me 130 vende ose rajone të botës.

Siç mësohet, në ekspozitën e këtij viti, Gansu ekspozoi rezultatet e mbi 200 objekteve shkencore e teknologjike, duke përfshirë teknologjinë kozmike, produktet biologjike, bujqësinë, ekologjinë e stepës etj. Një pjesë prej tyre arriti në nivelin e përparuar ndërkombëtar. Në këtë ekspozitë, provinca Gansu nënshkroi marrëveshje të 32 objekteve. Vëllimi i këtyre marrëveshjeve arriti në mbi 3 miliardë e 400 milionë juanë. Zbatimi i këtyre objekteve të nënshkruara do t'i sjellë zhvillimit ekonomik të provincës Gansu një forcë të madhe dinamike.

Në ekspozitën e 10-të ndërkombëtare të shkencave të Pekinit, pavijoni i Rajonit Autonom të Guangsit Zhuang ishte një nga pavijonet më tërheqëse. Guangsi ekspozoi produktet karateristike, si çaj, produkte kozmetike tradicionale, sende bizhuterie etj, duke tërhequr vëmendjen shumë njerëzve.

Drejtori i përgjithshëm i Shoqërisë me përgjegjësi të kufizuar të prodhimit të sendeve të bizhuterive "Yongming" të Naninit të Guangsit, z. Ou Qizhen i tha gazetarit se sendet tona të bizhuterisë janë shumë të mira. Ai tha me krenari:

"Në këtë ekspozitë, u ekspozuan perlat më të mira në botë të prodhuara nga ne. Shoqëria Yongmin është një ndërmarrje e prodhimit të perlave. Në këtë ekspozitë të shkencave, shumë blerës nënshkruan marrëveshje për të blerë perlat tona."

Për të nxitur importimin e teknologjive të industrive kryesore, Gansi ka zgjeruar rrugën e bashkëpunimit midis ndërmarrjeve të Gansit dhe shkollave të larta të Pekinit. Tani shumë shkolla të larta të Pekinit kanë filluar shfrytëzimin dhe studimin e shkencës dhe teknologjisë në disa sektorë. Sekretari i përgjithshëm i administratës së Rajonit Autonom të Guangsit Zhuang, z. Song Xiaotien i tha gazetarit se ndërmarrjet e Guangsit dhe shkollat e larta të Pekinit do të luajnë bashkërisht epërsitë e tyre për të zgjeruar me forma të ndryshme fushën e bashkëpunimit.

"Shpejtimi i zhvillimit të Guangsit duhet të mbështetet te përkrahja e shkencës dhe teknologjisë. Ne jemi të mendimit se shkollat e larta të Pekinit janë platforma më e rëndësishme për dhënien e ndihmës së shkencës dhe të teknologjisë. Kjo ka rëndësi të madhe për zhvillimin e Guangsit."

Specialistët janë të mendimit se ekspozita e shkencave e Pekinit ka krijuar një platformë shumë të mirë të shkëmbimeve dhe të bashkëpunimit me botën e jashtme për provincat dhe rajonet autonome të krahinave perëndimore të Kinës. Kjo platformë do të luajë një rol nxitës. (Sihai)