Ju flet Radio e Jashtme e Kinës! Të dashur dëgjues, unë jam Pina, ju përshëndes përsëri nga Pekini. Në programin e sotëm të muzikës mikeze do t'ju paraqit disa melodi të interpretuara me pipa nga instrumentistja e njohur kineze Wu Yuxia.

Pipa është një vegël muzikore tradicionale kineze me tela, e cila ka diapazon të gjërë, timbër të pastër e kumbues dhe ka forcë të pasur shprehëse. Melodia që ndoqët titullohet "Pranvera e hershme", interpretuar nga Wu Yuxia me pipa. Kjo melodi e freskët dhe e rrjedhshme me ritme të lehta dhe të gjalla pasqyron një peizazh të pranverës së hershme plot me vitalitet.

Instrumentistja e pipas Wu Yuxia ka lindur në vitin 1959 në Shangai të Kinës. Kur ishte në shkollën fillore ajo, si një mësuese e dalluar në mësim që ka kushet e përshtatshme të duarve u pranua në klasën e pipas të Pallatit të Pjonierëve të Shangait, duke filluar kështu karrierën e saj artistike të pipas. Në vitin 1977, Wu Yuxia u pranua në klasën e muzikës pranë Institutit Koreografik të Pekinit, ku mësoi nga shumë instrumentistë të njohur kinezë të pipas. Kështu që ajo ka krijuar gradualisht stilin e saj të veçantë të interpretimit.

Të dashur dëgjues, melodia që ndoqët titullohet "Lulet e fluturuara bien në bredhat". Kjo melodi përshkruan bredhat e dimrit të ftohtë që qendrojnë krenarë para borës që fluturojnë.

Wu Yuxia interpreton me entuziazëm të madh, me teknikë të lartë dhe me timbët të bukur, ajo është e aftë të shprehë përmbajtjen e veprave me ndjenja të thalla dhe të holla. Tani ajo punon si instrumentiste e parë e pipas në Orkëstrën Qendrore të Kombësive të Kinës. Vitet e fundit ajo dha shfaqje në Sallën e artë të Vienës, në Sallën Carnegie të SHBA, në Qendrën e Orkestrës Simfonike të Çikagos etj. Ajo organizoi më se një herë koncere soliste në Japoni.

Wu Yuxia krenohet shumë për faktin se muzika popullore kineze mirëpritet ngrohtësisht në vende të tjera. Ajo është e mendimit se në trashëgimin e kulturës tradicionale kineze duhet të ketë krijime të reja dhe të futen elemente të reja muzikore në bazë të tradicionales, për t'u përshtatur me kohën, dhe vetëm kështu muzika popullore do të zhvillohet pandërprerë. 

Të dashur dëgjues, më poshtë do të shijojmë melodinë e interpretuar nga Wu Yuxia në pipa me titull "3 e 6". Kjo është një melodi tradicionale luksoze, e freskët, e rrjedhshme dhe e gjallë që ekzekutohet shpesh në ditët e festës.

Krahas dhënies së shfaqjeve, Wu Yuxia ka punuar edhe për popullarizimin dhe edukimin me muzikë popullore e ka krijuar shumë vepra muzikore si "Ritmet", "dëgjoj shiun", "Luaj me shegë" etj. Në fund të programit të sotëm do të shijojmë së bashku melodinë e krijuar prej saj "Luaj me shelgë". Kjo melodi humoristike, interesante dhe elegante shpreh dashurinë e njerëzve për natyrën dhe për jetën.

Ju flet Radio e Jashtme e Kinës! Të dashur dëgjues, ndoqët një grup melodish të interpretuara nga instrumentistja e njohur kineze e pipas Wu Yuxia. Mirudëgjofshim të shtunën tjetër. Në mikrofon për ju, Pina.