Dëgjoni

1 korriku i këtij viti ishte l0-vjetori i kthimit të Hong-Kongut në gjirin e atdheut. Gjatë l0 vjetëve, lidhjet midis Hong-Kongut dhe zonave të brendshme të Kinës në fushat ekonomike dhe kulturore janë bërë gjithnjë e më të ngushta. Bashkëpunimi në qarqet kinematografike po shtohet dita-ditës. Vetëm numri i filmave të prodhuar në bashkëpunim nga të dyja palët ka arritur mbi 200.

Para pak kohësh u shfaq në kinematë e pjesës kontinentale të Kinës filmi "Historia e Laoganit", i xhiruar nga kineastët hongkongas me rastin e 10-vjetorit të kthimit të Hong-Kongut në gjirin e atdheut. Në këtë film pasqyrohen ndryshimet e jetës së një operatori të thjeshtë të kinemasë hongkongase gjatë 40 vjetëve, ku janë shënuar ngjarjet e rëndësishme, si kthimi i Hong-Kongut në gjirin e atdheut, kriza monetare aziatike, epidemia e SARS-it etj., duke u shprehur ndjenjat e thella të hongkongasve për zonat e brendshme të atdheut. Ëndrra më e madhe e personazhit kryesor të këtij filmi, Laoganit, ishte për të parë sheshin "Tiananmen" të atdheut. Filmi është plot gëzim e hare, me një "shije hongkongase" humoristike e komerciale.

Pas kthimit të Hong-Kongut në gjirin e atdheut në vitin 1997, kineastët e të dy palëve kanë bashkëpunuar aktivisht në xhirimin dhe qarkullimin e filmave dhe në ndërtimin e kinemave, dhe numri i përgjithshëm i filmave të xhiruar në bashkëpunim nga të dyja palët ka arritur në më se 200. Ndër 10 filmat më të shitur gjatë vitit 2003 në zonat e brendshme të Kinës, 7 janë xhiruar në bashkëpunim me Hong-Kongun. Drejtori i kompanisë për zhvillimin kinematografik jashtë vendit të Kinës, z. Yang Puting, tha :

"Nga 10 filmat më të shitur në zonat e brendshme të Kinës të xhiruar vitet e fundit, 7 janë xhiruar në bashkëpunim me Hong-Kongun, si 'Heronjtë', 'Shtëpia e kamave fluturuese', 'Një botë pa hajdutë', 'Plani i bebit', 'Magjia', '7 shigjeta'. Këta filma janë më cilësi të lartë dhe shitje shumë të madhe. "

Yang Puting tha se filmat e arteve marciale të Hong-Kongut janë të njohur në botë, kurse në zonat e brendshme të Kinës ka tema të pasura, pika të shumta xhirimi dhe një numër të madh kineastësh. Duke bashkëpunuar të dyja palët, do të xhirohen shumë filma të bukur. Si p. sh. filmi "Heronjtë" i regjisorit Zhang Yimou, që ndryshon shumë nga filmat e kaluar të arteve marciale, pasi në të janë shkrirë shumë nota të kulturës tradicionale kineze. Në të luajnë yjet hongkongas të filmit të njohur në botë dhe kishte një reklamim ndërkombëtar, kështu që ky film arriti sukses të madh për sa i përket shitjes së biletave brenda dhe jashtë Kinës, duke ngritur vendin e filmave të gjuhës kineze në botë.

Në vitin 2005, artisti i njohur hongkongas Liu Dehua mori pjesë në xhirimin e filmit "Guri i tërbuar" të një regjisori të ri me talent nga zonat e brendshme të vendit. Ky ishte një bashkëpunim i ri i suksesshëm i kineastëve të të dy pjesëve të Kinës. Filmi shtjellon një ngjarje komike, me episode humoristike të shkaktuara nga disa grupe që kërkojnë të vjedhin një gur të çmuar. Filmi shfrytëzoi metodën e prodhimit të filmave hongkongas, me ritëm të shpejtë, me episode të natyrshme dhe humoristike, duke shënuar rekord në shitjen e madhe të biletave me çmim të vogël në Kinë. Duke komentuar këtë film, drejtori i përgjithshëm i grupit të mediave "Tianxia" të Hong-Kongut, z. Feng Yong, tha : "Filmi 'Guri i tërbuar' është një vije ndarjeje për qëndrimin e Hong-Kongut ndaj filmit. Para kësaj, kishte shumë pak filma të tillë humoristikë, nuk kishim shumë shembuj të suksesshëm. Edhe në zonat e brendshme të Kinës, ky film pati sukses shumë të madh në tregun e kinemasë. Para kësaj, nuk ishte parë një dukuri e tillë." ( Zhai)