Dëgjoni

Gjatë l0 vjetëve pas kthimit të Hong-Kongut në gjirin e atdheut, bashkëpunimi midis kineastëve të të dy anëve është shtuar dita-ditës. Z. Xhu Xiaoming është një regjisor shumë i njohur hongkongas. Ai është i pari kineast në vitet '80 të shekullit të kaluar që paraqiti filmat hongkongas në zonat e brendshme të Kinës. Filmi i drejtuar prej tij "Huo Yuanjia" shkaktoi një jehonë shumë të madhe gjatë shfaqjes në zonat e brendshme të Kinës. Duke folur për bashkëpunimin midis qarqeve kinematografike të Hong-Kongut dhe zonave të brendshme të Kinës, ai tha : "Gjatë këtyre l0 vjetëve, filmat e xhiruar në bashkëpunim ndërmjet të dy palëve kanë arritur përparime të mëdha. Të paktën deri tani janë shënuar shumë rekorde të reja, duke marrë edhe çmimin 'Oskar'. Para l0 vjetësh, unë nuk mund ta përfytyroja se filmat e xhiruar në bashkëpunim ndërmjet të dyja palëve do të arrinin një shitje biletash prej disa qindra milionë juanësh. Kjo tregon se kinematografia kineze ka arritur përparim të madh".

Para disa kohësh, në Pekin u organizua shfaqja e filmave të xhiruar në bashkëpunim midis zonave të brendshme të Kinës dhe Hong-Kongut gjatë 10 vjetëve pas kthimit të Hong-Kongut në gjirin e atdheut. Gjatë këtij aktiviteti u shfaqën 16 filma bashkëpunimi. Kineastët e të dyja pjesëve të Kinës janë të mendimit se këta filma ka perspektivë të ndritur.

Drejtori i përgjithshëm i kompanisë së grupit të mediave "Tianxia" të Hong-Kongut, z. Fen Yong, tha."Sipas mendimit tim personal, nga ana e tij Hong-Kongu punon më shumë për administrimin, mbledhjen e fondeve dhe qarkullimin në tregun jashtë vendit, kurse ana e zonave të brendshme të Kinës punon më shumë për krijimin dhe prodhimin e filmave, duke mësuar nga njëri-tjetri. Brenda vendit ka burime shumë të pasura panoramash e të natyrës për xhirimin e filmave, tema të pasura dhe talente. Edhe kostoja për prodhimin e filmave në zonat e brendshme të Kinës është shumë e ulët se në Hong-Kong".

Ai është i mendimit se filmat e Hong-Kongut që kanë treg të vogël në Hong-Kong kanë shumë nevojë për hapjen e tregut të zonave të brendshme të Kinës. Filmat e suksesshëm të xhiruar vitet e fundit në bashkëpunim ndërmjet të dyja palëve kanë krijuar një gjendje të mirë të përfitimeve dypalëshe, që mirëpriten shumë si në Hong-Kong, ashtu dhe në zonat e brendshme të Kinës. ( Zhai)