Dëgjoni

Me rastin e 90-vjetorit të lindjes së piktorit të famshëm të kinez Lou Shibai, pak kohë më parë, në Galerinë e Arteve të Kinës u zhvillua ekspozita e veprave të tij që tërhoqi vëmendjen e qarqeve artistike kineze. Lou Shibai është nxënës i mjeshtrit të pikturës kineze Qi Baishi. Ai jo vetëm ka trashëguar mjeshtërinë tradicionale të vizatimit, por edhe ka krijuar karakteristika të reja artistike. Megjithëse ka mbushur moshën 90-vjeçe, Lou Shibai nuk e pushon krijimtarinë artistike.

Piktura kineze ka një histori mbi 1000-vjeçare dhe ka lidhje të ngushtë me kulturën tradicionale kineze. Mësuesi i Lou Shibait Qi Baishi është piktor i famshëm në botë. Pikturat e Qi Baishisë shfaqin plotësisht magjinë e natyrës duke e çuar mjeshtërinë e pikturës tradicionale kineze në një nivel të ri. Në historinë botërore të artit, Qi Baishi gëzon famë të njëjtë me mjeshtrin spanjoll të artit Pablo Pikaso. Pikaso imitoi dikur vepra të Qi Baishisë për të mësuar pikturën kineze, kjo tregon vlerën e madhe artistike të veprave të Qi Baishisë.

Lou Shibai lindi në qytetin Liuyang të provincës Hunan. Kur ishte në moshën 14-vjeçare, ai filloi të mësojë pikturën kineze nga Qi Baishi. Qi Baishi e donte shumë këtë nxënës dhe vlerësonte lart talentin e Lou Shibait. Lou Shibai u shpreh se ai nuk do të harrojë kurrë ndikimin e madh të Qi Baishisë në krijimtarinë artistike të tij:

"Ndjenjat e mia me mësuesin u ngjanin ndjenjave me babain. Mësuesi ishte shumë kërkues, kur bëja gabime, ai më kritikonte rreptësisht. Për shembull para vizatimit të peshkut, mësuesi më kërkonte të vëzhgoja së pari me seriozitet peshkun për të njohur tiparet e tij."

Me mësimet shumë vjeçare, Lou Shibai trashëgoi plotësisht mjeshtërinë e Qi Baishisë. Specialistët u shprehën se shumë piktura të Lou Shibait pothuajse nuk kanë dallime nga ato të Qi Baishisë.

Lou Shibai mban mend gjithmonë mësimin e Qi Baishisë që piktori i mirë duhet të ketë aftësi të krijojë të reja në vizatim. Në vitet '40 të shekullit të kaluar, Lou Shibai shkoi posaçërisht në fakultetin e arteve të Universitetit Furen të Pekinit për të studiuar pikturën perëndimore me bojë vaji. Gjatë vizatimit, Lou Shibai përdor bojëra tradicionale të pikturave kineze së bashku me akuarelin ose bojëra të tjera duke pasuruar ngjyrat e pikturës kineze. Vitet e fundit, Lou Shibai ka provuar më tej të krijojë piktura kineze në mënyra të ndryshme, për shembull ka provuar vizatimin e pikturave kineze me vegla, bojëra, ngjyra dhe tema të reja. I biri i Lou Shibait, piktori Lou Shuze mëson pikturën kineze në Kanada. Ai tha:

"Babai banon shpesh në Kanada me mua. Gjatë qëndrimit në Kanada, ai shikon ekspozita artistike të shumëllojshme. Ai pranon artet e ndryshme me qëndrim të hapur duke mësuar e përdorur karakteristika të arteve të ndryshme në krijimtarinë e vet. Prandaj ne mund të shohim pandërprerë arritje të reja në veprat e tij."

Në ekspozitën e veprave të Lou Shibait të zhvilluar pak kohë më parë në Galerinë e Arteve të Kinës u vendosën më se 150 vepra të tij të krijuara në etapa të ndryshme, ndër të cilat ishte një pikturë të madhe me titullin "Shoqëria harmonike". Kjo vepër u krijua posaçërisht për Lojërat Olimpike të Pekinit të vitit 2008 dhe do t'i dhurohet komitetit organizativ të Lojërave Olimpike të Pekinit. Lou Shibai tha:

"Pas fitimit të së drejtës së organizimit të Lojërave Olimpike të vitit 2008, fillova të përgatis krijimin e një pikture për të shprehur gëzimin e kinezëve për këtë gjë. Harxhova 3 muaj për krijimin e kësaj pikture."

Lou Shibai merret edhe me studimin e mjeshtërisë së Qi Baishisë. Në vitin 1989, ai krijoi "kursin e artit të Qi Baishisë" për të përhapur artin e Qi Baishisë. Tani Lou Shibai vazhdon krijimtarinë artistike. Ai tha se do të krijojë më shumë vepra me karakteristika të reja. (Fani)