Me zhvillimin e shpejtë të ekonomisë kineze, produktet e ndryshme elektronike përdoren gjerësisht në jetën e përditshme të kinezëve, por ndotja e mjedisit nga plehrat elektronike është bërë gradualisht një pikë e re e fokusit të vëmendjes. Edhe celulari, si një lloj produkti elektronik, mund të ndotë mjedisin, nëse nuk merren masa për ta trajtuar si duhet.

Nga të dhënat më të reja statistikore të publikuara nga Ministria kineze e industrisë së mjeteve të informacioneve rezultoi se numri i konsumatorëve të celularëve sot në Kinë ka arritur në 480 milionë dhe Kina është bërë vendi i parë i përdorimit të celularëve në botë. Me rritjen e dendësisë së ndërrimit të brezave të celularëve, është shpejtuar edhe shtimi i celularëve të dalë jashtë përdorimit dhe pjesa më e madhe e tyre hidhen në kosh plehrash dhe trajtohen së bashku me hedhurinat e zakonshme shtëpiake. Nëse celularët e dalë jashtë përdorimit dhe bateritë e tyre mbulohen me dhe, metalet e rënda brenda tyre, si ari, merkuri, plumbi, kadmiumi e të tjera, mund të ndotin drejtpërdrejt dheun dhe ujin nëntokësor. Por, po të hidhen në zjarr dhe të digjen, gazrat e dala gjatë djegies do të ndotin ajrin dhe do të helmojnë njerëz, duke rrezikuar rëndë shëndetin e popullit.

Prandaj krijimi i një mekanizmi të "trinisë" së formuar nga prodhimi, shitja dhe përdorimi i celularëve është një detyrë imediate dhe zgjidhja më e dëshirueshme e problemit të vështirë të kthimit dhe të trajtimit të celularëve të dalë jashtë përdorimit si dhe të baterive dhe ngarkuesve të baterive të tyre, që quhen plehra elektronike. Korporata kineze e mjeteve të lëvizshme të telekomunikacionit, që është njësia më e madhe e shërbimit në këtë fushë, së bashku me ndërmarrjet kryesore të prodhimit të celularëve në Kinë, si shoqëritë Motorola, Nokia e të tjera, kanë hartuar "Programin e koshit të blertë për mbrojtjen e mjedisit" si një veprim i përbashkët i mbrojtjes së mjedisit për hir të interesave të përgjithshme. Për këtë, foli zoti Sha Yao-gjia, zv-drejtori i përgjithshëm i Korporatës kineze të mjeteve të lëvizshme të telekomunikacionit.

"Kthimi, trajtimi dhe rishfrytëzimi racional i celularëve të dalë jashtë përdorimit janë kërkesa për ndërtimin e një shoqërie me mjedis të mirë dhe me kursim në Kinë. Korporata jonë premton seriozisht se do të forcojë më tej kthimin e produkteve elektronike të dala jashtë përdorimit dhe mirëpret që sa më shumë ndërmarrje të prodhimit dhe të shitjes së tyre të marrin pjesë në 'Programin e koshit të blertë për mbrojtjen e mjedisit', në mënyrë që të japin kontribut në mbrojtjen e mjedisit, ku jetojmë."

Siç mësohet, "Programi i koshit të blertë për mbrojtjen e mjedisit" tashmë është vënë në jetë në 40 qytetet kryesore të Kinës. Rreth 1000 magazina të shitjes pranë Korporatës kineze të mjeteve të lëvizshme të telekomunikacionit dhe rreth 300 qendra shitjeje dhe qendra mirëmbajtjeje pranë shoqërive Motorola dhe Nokia kanë vendosur posaçërisht "koshin e blertë" të kthimit të celularëve të dalë jashtë përdorimit dhe të pjesëve të tyre përkatëse.

Zoti Sha Yao-gjia tha se me "Programin e koshit të blertë për mbrojtjen e mjedisit" do të zgjidhet rrënjësisht problemi i kthimit të celularëve të dalë jashtë përdorimit. Organizmat përkatëse do të ngarkohen për t'i trajtuar ato pa lënë asnjë dëm dhe t'i rishfrytëzojnë disa prej tyre. Kjo masë ka mobilizuar iniciativat e ndërmarrjeve të prodhimit të tyre dhe ka ngritur ndërgjegjen e masave popullore për mbrojtjen e mjedisit.

"Kemi vënë në jetë'Programin e koshit të blertë për mbrojtjen e mjedisit'?kemi arritur marrëveshje me ndërmarrjet e tjera përkatëse dhe kemi investuar shumë për trajtimin celularëve të dalë jashtë përdorimit."

Drejtoria e Korporatës kineze të mjeteve të lëvizshme të telekomunikacionit ka ftuar personalitete të ndërmarrjeve të njohura dhe të qarqeve sportive e artistike në aktivitetet e propagandës përkatëse, me qëllim që të zgjerohet ndikimi i "Programit të koshit të blertë për mbrojtjen e mjedisit", të ngrihet më tej ndërgjegja e popullit për mbrojtjen e mjedisit dhe të tërhiqen sa më shumë njerëz në zbatimin e këtij programi. Një prej tyre është edhe zoti Teng Haibin, kampion kinez i gjimnastikës së lojërave olimpike.

"Këto aktivitete propagande janë për lojërat olimpike të ngjyrës së blertë dhe u bëjnë thirrje të gjithëve që të hedhin celularët e dalë jashtë përdorimit dhe bateritë e tyre në koshat e posaçëm, me qëllim që të lehtësohet kthimi i tyre dhe të shmanget ndotja e mjedisit. Le të marrim pjesë aktivisht në këto aktivitete që janë shumë të dobishme."

Drejtoria e Përgjithshme kineze e mbrojtjes së mjedisit dhe Ministria e Industrisë së mjeteve të informacioneve po bëjnë përpjekje që të përpilojnë një ligj të kthimit të plehrave elektronike dhe t'i bëjnë prodhuesit ta dinë se ata duhet modoemos të marrin përsipër me ligj detyrimet e kthimit të plehrave elektornike dhe të zgjidhin nga themeli këtë problem të mbrotjes së mjedisit. (Zheng)