Dëgjoni

Që nga sot e tutje, punët përgatitore të Lojërave Olimpike të Pekinit hynë në vitin e fundit, d.m.th. në periudhën e sprinterit. Ditët e fundit Komiteti Olimpik Ndërkombëtar zhvilloi mbledhjen e 119-të plenare në qytetin e Guatemalës, kryeqytetin e Guatemalës. Në këtë mbledhje Pekini u raportoi të gjithë anëtarëve të Komitetit Olimpik Ndërkombëtar, për herën e fundit para vitit 2008 gjendjen e punëve përgatitore për Lojërat Olimpike. Atëherë, në vitin e fundit të punëve përgatitore, cilat janë problemet që u interesojnë më shumë mbi 100 anëtarëve të këtij komiteti? 

Pasi fitoi të drejtën e organizimit të Lojërave Olimpike verore të vitit 2008 në vitin 2001, Pekini ka zhvilluar normalisht punët përgatitore dhe nuk shqetëson shumë anëtarët e Komitetit Olimpik Ndërkombëtar. Në këtë mbledhje plenare, Pekini përgatiti përsëri një raport të përsosur për gjendjen e punëve përgatitore. Nënkryetari ekzekutiv i komisionit organizativ të Lojërave Olimpike të Pekinit, zoti Wang Wei u përgjigj për shtjellimin ndajanëtarëve të Komitetit Olimpik Ndërkombëtar në Guatemalë. Ai tha:

"Kësaj here, raportova kryesisht për gjendjen e fundit të punëve përgatitore në ndërtimin e pallateve e stadiumeve sportive, stafetën e pishtarit e ceremoninë e hapjes dhe atë të mbylljes, me qëllim që anëtarët e Komitetit Olimpik Ndërkombëtar të njihen me përgatitjet për Lojërat Olimpike të Pekinit."

Wang Wei bëri të ditur se anëtarët e Komitetit Olimpik Ndërkombëtar u shprehën të kënaqur për gjendjen e fundit të punëve përgatitore të Lojërave Olimpike të Pekinit. Drejtori ekzekutiv për Lojërat Olimpike i Komitetit Olimpik Ndërkombëtar, zoti Gjilbert Felli përdori me radhë disa "mirë", duke shprehur kënaqësinë e tij.

"Mirë, mirë, mirë! Shumë mirë. Për ne e vetmja punë e tanishme është që të shohim gjendjen praktike të funksionimit të veprimtarive sportive, nëpërmjet garave eksperimentale, që do të zhvillohen së shpejti."

Pavarësisht nga kënaqësia e madhe, anëtarët e komitetit ndërkombëtar shprehën preokupimet e tyre për disa aspekte të punëve përgatitore për Lojërat Olimpike të Pekinit. Shumë anëtarë ishin sportistë dhe njohin mirë ndikimin që ka mjedisi dhe veçanërisht cilësia e ajrit mbi sportistët. Zoti Wu Jingguo, anëtar i Komitetit Olimpik Ndërkombëtar i ardhur nga Taipei i Kinës, tha:

"Prapësëprapë, preokupohem për problemin e mjedisit. Por dihet nga ne të gjithë se Pekini po përpiqet me të gjitha forcat në përmirësimin e mjedisit dhe veçanërisht cilësinë e ajrit. Shpresoj se në të ardhmen do të krijohen më shumë stacione kontrolluese dhe do të nxirret shumë shpejt raporti mbi cilësinë e ajrit. Mendoj se të gjithë tregojnë vëmendje të madhe në këtë drejtim."

Edhe Felli u shpreh se anëtarët kuptojnë mirë ndryshimin e madh të cilësisë së mjedisit të Pekinit para dhe pas fitimit të të drejtës së organizimit të Lojërave Olimpike. Ata i kanë të qartë punët e shumta që Pekini ka bërë. Por njëkohësisht ata dinë gjithashtu se Pekini është zhvilluar tepër shpejt.

"Ne vetëm dimë se sasia e automobilave në Pekin është rritur nga viti në vit dhe gjithnjë e më shpejt. Shpresojmë të njohim gjendjen më të saktë dhe të dhënat më të hollësishme, që të dimë në çfarë shkalle është arritur ndotja e ajirit në Pekin. Shpresojmë të bëhen sa më shumë prova që të shohim sa automobila duhet të pakësohet për pakësimin e presionit mbi mjedisin. Ky është problem që shqetëson më shumë anëtarët e Komitetit Olimpik ndërkombëtar."

Sigurisht, anëtarët e ndryshëm preokupohen për Lojërat Olimpike të Pekinit nga aspekte të ndryshme. Anëtari kanadez Riçard Pound është gjithashtu kryetar i Agjencisë Botërore të Antidopingut. Ai përqëndroi fokusin natyrisht në problemet e antidopingut. Ai tha:

"Për të gjitha vendet e botës, ne duhet të sigurojmë Pekinin të jetë në gjendje të zbatojë projektin më të madh të kontrollit të dopingut dhe planin edukativ të antidopingut. Në problemin e antidopingut, asnjë vend dhe projekt në botë nuk ndodhet përpara rrezikut. Prandaj, kjo është përgjegjësia e madhe."

Anëtarët e Komitetit Olimpik Ndërkombëtar treguan vëmendje edhe për garat eksperimentale olimpike, planin e shitjes së biletave olimpike, projektimin e ceremonisë së hapjes dhe asaj të mbylljes etj. Megjithëse paraqitën probleme të ndryshme, prapësëprapë anëtarët kanë besim të plotë për Lojërat Olimpike të Pekinit, që mbetet vetëm afro 1 vit para hapjes. Ish-kryetari i Komitetit Olimpik Ndërkombëtar, kryetari i nderit të përjetshëm Samarançi u shpreh:

"Kam besim qind për qind për komisionin organizativ të Lojërave Olimpike të Pekinit. Në vitn e ardhshëm, jo vetëm problemi i ndotjes së ajrit do të zgjidhet si duhet, por edhe probleme të tjera ekzistuese pa tjetër do të zgjidhen si duhet." (Wang Lei)