Në këtë program ju ftoj të dëgjoni disa këngë popullore kineze të kënduara nga këngëtarja e njohur taivaneze Xi xiulan. Së pari do të ndiqni këngën popullore të provincës Jiangsu të Kinës jugore me titull "Jasemini". Kjo këngë me melodi të bukur e elegante shpreh dashurinë e njerëzve për lulet jasemin.

Këngëtarja Xi Xiulan ka lindur në vitin 1950 në provincën Anhui të Kinës lindore, provinca e cila është vendlindja e njohur e këngëve popullore kineze dhe e operave lokale. Arti folklorik i pastër e i thjeshtë me atmosferë të theksuar vendore e ka brumosur shpirtin e Xi Xiulanit të vogël dhe ka hedhur një bazë të fortë për këndimin e saj të mëvonshëm. Kur ishte 10 vjeçe, familja e saj u shpëngul në Hongkong. Në vitin 1968, në një konkurs të këngëtarëve amatorë ajo u shqua si një yll i ri dhe hyri në rrugën artistike.

"Malet janë të larta e uji është i kaltër, vajza e malit Ali është e bukur si ujë, ndërsa djali është i shëndetshëm si mal. Vajza nuk ndahet kurrë nga djali, uji i kaltër gjalpëron rreth malit të blertë."

Kënga që ndoqët titullohet "Vajza e malit Ali", kënduar nga Xi Xiulan. Kjo këngë popullore taivaneze e Kinës me melodi të bukur dhe tekst të gjallë figurativ u këndon panoramave të bukura dhe popullit punëtor të Taivanit dhe shpreh dashurinë e njerëzve për vendlindjen. Në vitin 1984, Xi Xiulani e këndoi këtë këngë në mbrëmjen artistike të organizuar nga Televizioni Qendror i Këns me rastin e Festës së Pranverës, duke u bërë një nga këngëtarët e parë kongkongas që u njohë dhe u pëlqye nga spektatorët e pjesës kontinentale të Kinës.

Xi Xiulani është e aftë të këndojë këngët popullore të stileve të ndryshme, ajo ka zë të bukur, të butë e të lehtë që dallohet nga të tjerët. Ajo këndon me ndjenja të sakta këngë të ndryshme popullore që i thurrin lavdi bukurisë së maleve e lumenjve ose dashurisë midis të rinjve. Më poshtë do të shijojmë së bashku këngën popullore të Rajonit Autonom të Guangxi-Zhuanit me titull "Di apo s'di". Kjo këngë malësore me melodi të bukur e ritme të shpejta e të qarta shpreh mallin e të dashurve.

Në këngë thuhet: "Nën rrezet e diellit shihet peizazhi i bukur i krijuar nga male të blerta e lumenj të kulluar. Nuk më zë gjumi duke menduar djalin e zemrës. Ç'bëj unë po të mos e gjej të dashurn tim?"

Gjatë karrierës së saj artistike 40 vjeçare, Xi Xiulani ka nxjerë shumë albume me këngë popullore kineze dhe organizoi shumë koncerte të mëdha në Kongkong, Pekin dhe qytete të tjera. Në korrik të këtij vitit ajo do të organizojë në Shangai një koncert madhështor, ku ajo do të këndojë mbi 40 këngë klasike për adhuruesit e saj. Në fund të programit të sotëm do të dëgjojmë së bashku këngën e kënduar prej saj me titull "Vjelim arek".

Kjo është një këngë popullore tradicionale që është e përhapur në provincën Hunan në jug të Kinës. Vera është sezoni i vjeljes së arekut, kjo këngë përshkruan pikërisht tablonë e vjeljes së arekut nga të rinjtë e të rejat. Kjo këngë ka melodi të gëzueshme dhe ngjyrë të theksuar vendore, ku është futur stili i operës lokale Huagu.

Pina.