Dëgjoni

Vitet e fundit, shpejtimi i vazhdueshëm i rritjes së investimeve të Kinës në kapitale fikse ka nxitur rritjen e shpejtë të ekonomisë kineze dhe i solli qarkullimit të qëndrueshëm të makroekonomisë sfidë. Një dukuri e dukshme është që objektet e shumta të investimeve kanë zënë sasi të mëdha tokash, duke përfshirë edhe tokat e punueshme në fshat. Duke iu përgjigjur kohët e fundit pyetjeve të korrespondentëve të Radios sonë, funksionari i Ministrisë së Burimeve Tokësore të Kinës tha se qysh nga viti 2006, Kina ka forcuar kontrollin e çështjeve të shkeljes së ligjit të tokës, duke frenuar në mënyrë efikase shpërdorimin e tokave të punueshme. Njëkohësisht Kina ka marrë masa konkrete, duke garantuar interesat e fshatarëve.

Me rritjen e shpejtë të ekonomisë kineze, krahinat e ndryshme të Kinës kanë shpërthyer hovin e investimeve. Toka të punueshme në sasi të mëdha rreth qyteteve dhe qytezave u rekuizuan dhe u shndërruan në zona të zhvillimit ekonomik dhe banesa. Kjo dukuri i ka sjellë Kinës disa probleme ekonomike e shoqërore. Përgjegjësi i Drejtorisë së zbatimit të ligjit dhe të kontrollit pranë Ministrisë së Burimeve të Tokësore të Kinës, z. Guo Baoping tha: "Rekuizimi i paligjshëm i tokave është krijimi i paligjshëm i zonave të zhvillimit ekonomik. Tani, sipërfaqja e këtyre zonave është më e madhe se sipërfaqja e përgjithshme e tokave të ndërtimeve urbanistike. Edhe disa administrata vendore kanë shpërdorur të drejtën e rekuizimit të tokave, duke shkaktuar shkeljen e interesave të fshatarëve dhe destabilizimin shoqëror."

Në qoftë se do të vazhdojë dukuria e shpërdorimit të tokave, pa dyshim, kjo mund të ndikojë mbi zhvillimin normal ekonomik e shoqëror të Kinës. Vitet e fundit, Kina e konsideron kontrollin serioz të përdorimit të tokave si një politikë kryesore të makrokontrollit ekonomik dhe ka marrë shumë masa për të kontrolluar përmasat e përdorimit të tokave të objekteve industriale dhe të sektorit të ndërtesave dhe të trojeve. Duke iu përgjigjur pyetjeve të gazetarëve, zv/kryekontrolluesi, z. Gan Zangchun tha: "Për të forcuar dhe për të përmirësuar makrokontrollin e Kinës, ne kërkojmë të marrim pjesë me politikën e tokave në makrokontroll. Për shqyrtimin, kontrollin dhe administrimin përgjigjen kryesisht administratat e nivelit të provincës. Sektorët e administrimit të burimeve tokësore të qeverisë kineze duhet të forcojnë aftësinë e kontrollit dhe administrimit të tokave."

Nga janari deri në nëntor të vitit 2006, Kina kontrolloi 774 mijë çështje të shkeljes së ligjit të tokës, duke trajtuar seriozisht një grup të funksionarëve vendas. Njëkohësisht Ministria e Burimeve Tokësore e Kinës ka kontrolluar seriozisht përmasat e ndërtimit. Zv/ministri i Burimeve Tokësore i Kinës Li Yuan tha se tani, veprimet e shpërdorimit të tokave po frenohen në mënyrë efikase.

"Nga viti 2006, Kina vazhdon të ndalojë ndërtimin e zonave të reja të zhvillimit ekonomik dhe zgjerimin e këtyre zonave, duke frenuar në mënyrë efikase veprimet e shpërdorimit të tokave, sidomos të tokave të punueshme. Sektorët e administrimit të burimeve të tokave të niveleve të ndryshme kanë marrë pjesë aktivisht në kontrollin e objekteve të reja të ndërtimit, duke shmangur rritjen tepër të shpejtë të investimeve në kapitale fikse."

Duke forcuar shqyrtimin për përdorimin e tokave, Kina ka nxitur thellësisht reformën e sistemit të përdorimit me interesa të tokave shtetërore dhe ka shtuar taksat për përdorimin e tokave shtetërore, për të përkrahur me këto fonde zhvillimin e bujqësisë.

Duke kontrolluar çështjet e shkeljes së ligjit të tokës, Kina ka mbrojtur në mënyrë efikase interesat e fshatarëve. (Sihai)