Dëgjoni

Bujqësia është një fushë me sasinë më të madhe të përdorimit të ujit në Kinë. Sasia e përdorimit të ujërave në bujqësi zë 64% të sasisë së përgjithshme të përdorimit të ujërave të mbarë vendit. Në rrethanat e mungesës së madhe të burimeve ujore, në shumë krahina të Kinës po përhapet bujqësia me kursim të ujit. Krahinat veriore të Kinës janë krahina të thata. Më poshtë do t'ju njohim me gjendjen e zhvillimit të bujqësisë me kursim të ujit në fshatrat e Kinës Veriore.

Në fshatin Dongliang të provincës Shandong, 65-vjeçari Liu Xingliang kultivon një vresht me një sipërfaqe prej mbi 30 hektarësh. Ky i moshuar i tha gazetarit se ai po përdor teknologjinë më të përparuar të vaditjes në botë.

"Sidomos rritja e vreshtit nuk kërkon sasi të shumtë uji për vaditje. Rrënja e vreshtit nën tokë 20 centimetra ka thithur mjaft ujë. Atëherë, kam ujitur me kursim pikë-pikë me ujë të përzier me plehra organike vreshtat për të njomur mjaft rrënjat e tyre 20 centimetra nën tokë."

Liu Xingliang tha se ai filloi mbjelljen e vreshtave në vitin 2000. Pas dy vjetëve, ai ka përdorur pajisje të vaditjes me kursim pikë-pikë. Sasia e prodhimit të rrushit për çdo hektar ka qenë vetëm 60 kilogram, por tani mund të arrijë në 120 kilogram, duke u shtuar 2 herë në krahasim me të kaluarën.

Ujitja pikë-pikë është një mënyrë e përparuar e vaditjes me kursim të ujit, por kostoja e investimeve është relativisht e lartë. Pjesa dërrmues e fshatarëve kanë të vështirë të marrin këtë teknologji të vaditjes. Prandaj bashkëpunimi midis shoqërive të produkteve bujqësore dhe fshatrave është bërë një formë për përhapjen e kësaj teknologjie në Kinë. Pajisjet e vaditjes pikë-pikë në mbjelljen e vreshtave të moshuarit Liu janë blerë me investimet e përbashkëta të fshatit Dongliang dhe të Shoqërisë "Fufazhongji" të Singaporit. Rrushi me cilësi të lartë i prodhuar nga vreshti i plakut Liu u shit në Shoqërinë "Fufazhongji", pastaj u eksportua jashtë vendit. Kështu që shoqëria dhe familja bujqësore kanë patur përfitime të përbashkëta. Sipas të dhënave statistikore, tani teknologjia e vaditjes pikë-pikë po përdoret gjerësisht në fshatra.

Më poshtë do t'ju flasim për përdorimin e kartës bankare IC në vaditje me kursim të ujit. Sot karta bankare IC është përdorur shpesh në jetesën e njerëzve. Në provincën Shansi ka një fshat që quhet Xiaowu. Thatësira e këtij fshati është shumë e rëndë. Në këtë fshat ka mbi 370 toka të punueshme. Në të kaluarën, zv/drejtori i komitetit të këtij fshati Hou Zhongxi u mërzit shumë për të marrë para në përdorimin e ujërave.

"Edhe midis vëllezërve ndodhën konflikte në vaditje, sepse tokat e punueshme nuk mund të përdoren pa ujë."

Tani zv/drejtori Hou Zhongxi nuk mërzitet më për këtë gjë. Në të kaluarën, vaditja e tokave të punueshme të fshatit Xiaowu u mbështet kryesisht te ujërat e pusit të përsjella nëpërmjet kanalit. Në vitin 2003, ky fshat ka montuar sistemin e llogarisë së konsumit të ujërave. Çdo familje ka një kartë bankare IC për llogaritjen e konsumit të vaditjes me ujë. Kështu që u zgjodh në mënyrë efikase problemi i pagesës së shpenzimeve të ujit. Njëkohësisht ky fshat e ka ndryshuar përsjelljen e ujërave nëpërmjet kanalit mbitokësor në përsjelljen me tubacionin nëntokësor. Në të kaluarën, të ardhurat mesatare të çdo familjeje fshatare të këtij fshati ishin vetëm disa mijë juanë. Tani, me zbatimin e masave për vaditje me kursim të ujit, fshatarët kanë zgjeruar sipërfaqen e mbjelljes së zarzavateve. Gjatë 2 vjetëve të fundit, të ardhurat mesatare të çdo familjeje fshatare i kaloi të 10 mijë juanët.

Përdorimi i teknologjisë së vaditjes me kursim të ujit ka ndryshuar strukturën e mbjelljes të fshatarëve. Në provincën Shansi ka një fshat që quhet Dongnanfang. Në të kaluarën, të ardhurat e këtij fshati u mbështetën kryesisht te mbjellja e drithërave. Për shkak të thatësirës, të ardhurat mesatare për çdo hektar ishin vetëm 13 juanë. Qysh nga zbatimi i vaditjes me kursim të ujit, ky fshat filloi të mbjellë barëra për të ushqyer kafshët, duke përdorur pajisjet e vaditjes me kursim të ujit.

"Kjo masë ka shtuar të ardhurat e fshatarëve. Tani sipërfaqja e mbjelljes së barërave arriti në mbi 130 hektarë."

Përveç përhapjes së teknologjisë së vaditjes me kursim të ujit, në zonat e shumta bujqësore të Kinës po vihet plotësisht në provë forma e administrimit të tipit të ri të burimeve ujore. Përmbajtja kryesore e kësaj forme është që fshatarët kanë krijuar Shoqatën e përdorimit të ujërave nëpërmjet zgjedhjes. Pastaj kjo shoqatë shpërndan burimet ujore për t'u shërbyer fshatarëve.Fshatarët vendas shprehën kënaqësi për këtë formë.

Tani sipërfaqja etokave të punueshme të vaditjes me kursim të ujit u shtuan me përmasa të mëdha në Kinë. Por mungesa e fondeve është ende problemi më i madh. Duke iu përgjigjur pyetjeve të gazetarëve, zv/drejtori i degës pranë Ministrisë së Ekonomisë Ujore të Kinës, z. Li Yuanhua tha: "Për shkak të tokave të pakta të punueshme për çdo fshatar, vepra e kursimit të ujit në bujqësi nuk mund të mbështetet vetëm te një familje. Prandaj aftësia e investimeve e fshatarëve në vaditje me kursim të ujit është shumë e kufizuar."

Ministria e Ekonomisë Ujore e Kinës do të bëjë si duhet punën e planifikimit dhe do të inkurajojë forcat shoqërore të shtojnë investimet në këtë vepër për të realizuar shtimin e të ardhurave të fshatarëve. (Sihai)

"