dëgjoni

68-vjeçari Xu Zhuchu është një mjeshtër kinez i prodhimit të kukullave. Kukullat "Zhuchu" të prodhuara nga ai përshëndeten nga koleksionistët brenda e jashtë vendit. Këtë vit, Ministria e Kulturës e Kinës e përcaktoi Xu Zhuchunë si "trashëgimtari tipik i prodhimit të kukullave". Edhe biri i tij Xu Qiang është artist i plastikës së kukullave.

Në vendlindjen e Xu Zhuchut, qytetin Zhangzhou të provincës Fujian të Kinës juglindore, familja e tij krijoi galerinë e artit të kukullave "Zhuchu". Kjo është e vetmja galeri e kukullave në Kinë. Në këtë muze të kukullave janë vendosur kukulla të llojeve të ndryshme si pleq, bufonë, persona të operës etj. Me luajtjen e duarve, kukullat mund të bëjnë lëvizje të ndryshme.

Kukulla prodhohet nga druri dhe ka një histori mijëra vjeçare në Kinë. Figurat e kukullave kineze vijnë zakonisht nga personat historikë dhe të operës. Kukulla është lodër e fëmijëve, mjet i shfaqjes dhe vepër artistike.

Prodhimi i kukullave është një proces i vështirë. Prodhuesi duhet të gdhendë së pari figurën e njeriut, pastaj e stolis me ngjyra e kostume. Xu Zhuchu tha se një kukull i mirë duhet të ketë shpirt si një njeri i gjallë:

"Kukulla prodhohet nga druri, druri nuk ka shpirt. Por me mjeshtërinë e prodhuesit dhe me lëvizjen e interpretuesve, kukulla mund të bëhet e gjallë."

Familja e Xu Zhuchut është marrë brez pas brezi me prodhimin e kukullave. Qysh në moshën 6-vjeçare, Xu Zhuchu filloi të prodhojë kukulla. Kur ishte në moshën 16-vjeçare, ai fitoi çmimin e parë në konkursin kombëtar të zejtarisë për fëmijë dhe të rinj. Kukulla e prodhuar nga ai iu dhurua një lideri të huaj që bëri vizitë në Kinë. Deri tani, Xu Zhuchu ka krijuar mbi 600 figura të kukullave. Veprat e tij janë ekspozuar në mbi 100 vende. Vitin e kaluar, kukullat e Xu Zhuchut u përcaktuan nga Ministria e Kulturës e Kinës si trashëgimi kulturore jomateriale.

Edhe biri i Xu Zhuchut Xu Qiang merret me prodhimin e kukullave qysh në moshën 9-vjeçare. Xu Qiang u shpreh se prodhimi i kukullave është një art i vështirë. Ai ka prodhuar kukulla për mbi 10 vjet dhe fitoi më në fund njohjen nga i ati të aftësive të tij:

"Prodhimi i kukullave është art i përgjithshëm ku përfshihen gdhendja, stolisja, qepja e kostumeve etj. Një prodhues duhet të mësojë shumë."

Xu Qiang tha se në fillim ai ndiente vetëm se prodhimi i kukullave është një gjë interesante, për gradualisht kuptoi se ky është një art dhe ka përgjegjësinë ta trashëgojë dhe ta përhapë këtë mjeshtëri. Në krahasim me paraardhësit e familjes, Xu Qiang i kushton më shumë rëndësi përhapjes së artit të kukullave. Ai krijoi galerinë e artit të kukullave duke bërë përpjekje për të zhvilluar tregun e kukullave.

Galeria e artit e kukullave "Zhuchu" u krijua në vitin 1996. Në këtë galeri jo vetëm ekspozohen kukulla të ndryshme, por edhe jepen shfaqje me kukulla. Sot galeria "Zhuchu" është bërë një pikë turistike në qytetin Zhangzhou që tërheq turistë kinezë dhe të huaj.

Xu Qiang është drejtori i galerisë së artit të kukullave. Ai nuk është i kënaqur vetëm me krijimin e galerisë, por tani po përpiqet të zhvillojë kujtime turistike të kukullave. Ai tha:

"Kukulla përshëndetet shumë nga turistët, prandaj dua të zhvilloj kujtime turistike të kukullave, ky është një treg shumë i madh."

Sipas planit të Xu Qiangut, familja e tij do të prodhojë më shumë lloje kukullash të reja me qëllim që ky art të përhapet më gjerësisht. (Fani)