"Në kompjuter kemi rezervuar receta gjellësh dhe mund të gjeni ato që ju nevojiten. Roboti do të hedhë vetë vajin e sojës e uthullin dhe do të fillojë punën, mjafton që të shtieni zarzavatet, të gjeni programin në kompjuter dhe të klikoni."

Çen Fang tha se ky lloj roboti e ka të thjeshtë programin e veprimit të kompjuterit, prandaj përdorimi i tij është i thjeshtë. Në përgjithësi, gatuarja e gjellëve prej mishi do 7 a 8 minuta, kurse gatuarja e gjellëve prej perimesh do vetëm 3 minuta. Nuk del shumë tym vaji gjatë gatuarjes, prandaj ky robot i kuzhinës është i dobishëm për mbrojtjen e mjedit.

Pas vizitës, qytetari pekinas Zheng Hong e ngriti në qiell këtë robot, duke e quajtur më të çuditshëm nga të gjitha eksponentet që ka parë.

"Një gjë të tillë nuk e kam parë asnjë herë. Është diçka krejt e re, një vegël e lehtë për përdorim, një gjë interesante dhe e modës. Zhvillimi i shkencës dhe teknikës paska arritur në këtë shkallë! Ky robot mund të çlirojë njeriun nga puna e detyrueshme, duke zëvendësuar duart e njeriut. Kjo gjë është e dobishme veçanërisht për të rinjtë dhe të rejat që shkojnë në punë. Mjafton që të bëjnë përgatitjet e domosdoshme në mëngjes para nisjes për në punë, ata mund të vijnë në mesditë për të ngrënë drekë në shtëpi, sepse gjellët janë të gatshme."

Ashtu siç e vlerësoi zoti Zheng, zhvillimi i shkencës dhe teknikës ka sjellë ndryshime kolosale në jetën e njerëzimit dhe gjërat që më parë nuk guxonim t'i përfytyronim janë bërë sot realoitet. Zoti Zheng ka besim të plotë për hyrjen e shkencës dhe teknikës në jetën e banorëve. Ai tha se do të vijë dita kur edhe në shtëpitë e banorëve do të shihen ato aparate si eksponentet e këtij panairi që i ka parë gjatë vizitës.

Në të 10 pavionet e Panairit të 10-të të produkteve tekniko-shkencore të Pekinit u ekspozuan teknolgjitë, pajisjet dhe produktet tekniko-shkencore që kanë lidhje me Lojërat Olimpike të Pekinit të vitit 2008. Ky panair tërhoqi vëmendjen e veçantë të vizitorëve edhe për arsye se në të u përqendruan produktet tekniko-shkencore që janë të lidhura shumë ngushtë me jetën e përditshme të popullit.

Njëri prej vizitorëve të shumtë ishte edhe zoti Çeng Peng, që erdhi nga provinca Gjangsu për të parë të afërmit e tij dhe që vizitoi për herë të parë një panair të këtij lloji. Ai vizitoi disa pavione dhe të gjitha eksponentet i lanë përshtypje të thella, por ai u interesua më shumë për produktet tekniko-shkencore që janë të lidhura ngushtë me jetën e popullit.

Në një pavijon, në mes të tingujve të muzikës së këndshme, folësi po bënte shpjegim për pllakën elektronike të pikturimit, që ishte një nga eksponentet.

Pllaka elektronike e pikturimit duket fare e thjeshtë. Ajo është një pllakë e bardhë me një penë të formës së zakonshme. Punonjësi i Korporatës aksionare të shkencës dhe teknikës Hanvang, zoti Lu Haoqian tha se kjo pllakë elektronike është e projektuar posaçërisht për njerëzit që adhurojnë pikturimin me kompjuter. Kur kjo pllakë lidhet me kompjuterin, njeriu mund të përdorë këtë penë pa korrent elektrik dhe të pikturojë figura të ndryshme që dalin në ekranin e kompjuterit.

Kur bëhet fjalë për krijimin e të rejave, nuk mund të mos përmendet rajoni i njohur Zhonguancun i Pekinit, që quhet "Parku i shkencës dhe teknikës" dhe që mori pjesë për herë të 9-të në panairin e produkteve tekniko-shkencore të Pekinit. Kësaj here, rreth 1000 lloje produktesh të teknikës së re dhe të lartë të mbi 140 ndërmarrjeve të Zhonguancunit morën pjesë në panair. Ato janë produkte të teknikës thelbësore që kanë potencial konkurrues në arenën ndërkombëtare.

Një nga këto ndërmarrje është edhe Korporata Qingfeng, që solli në ekspozitë produktin e saj të ri, dollapin sterilizues. Drejtori i saj, Zang Venming tha se kjo është një pajisje që sterilizon dhomat duke shfrytëzuar funksionin sterilizues të rrezeve ultra-vjollcë. Ajo luan një rol për parandalimin e gripit, pa sjellë dëm për shëndetin e njeriut. Kur punon, ajo nuk pengon veprimet normale të njeriut. (Zheng)