dëgjoni

Meteorologjia është një faktor kyç natyror që ndikon mbi veprimtaritë olimpike dhe aktivitetet përkatëse. Në Lojërat e kaluara Olimpike, shërbimeve meteorologjike u është kushtuar rëndësi e madhe. Ditët e fundit qendra informative e Lojërave Olimpike të Pekinit thirri një konferencë shtypi lidhur me infrastrukturën e shërbimeve meteorologjike olimpike si dhe rezultatet të kërkimeve shkencore. Përgjegjësit përkatës të Drejtorisë së Meteorologjisë të Pekinit prezantuan se Kina disponon sisteminin e përparuar në botë të paralajmërimeve të motit, që mund të paralajmërojë ndryshimin e saktë të motit brenda 3 orëve të çdo stadiumi e pallati olimpik. Këto shërbime mishërojnë plotësisht thelbin e konceptit "Olimpiada Tekniko-Shkencore". Do të dëgjoni tani reportazhin lidhur me këtë.

Në këtë konferencë të shtypit, zv/drjetorja e Drejtorisë së Meteorologjisë të Pekinit zj. Wang Jianjie tha se ka patur disa përparime të dukshme në teknologjinë e paralajmërimit të motit për Lojërat Olimpike. Këto përparime mishërohen kryesisht në ndërtimin e rrjetit të stacionit të vrojtimit në Pekin dhe zonat përreth.

"Kemi krijuar rrjetin e vrojtimit në Pekin dhe Qingdao, që mund të na ndihmojë të zbulojmë dhe të kapim me kohë prirjen e ndryshimit të motit brenda një zone. Në të kaluarën nuk kishim hulumtime shkencore në këtë drejtim dhe 'kapëm peshk të vogël me rrjet të madh', prandaj humbëm hollësirat e ndryshimit të motit në zonë."

"Olimpiada Tekniko-shkencore" është një nga 3 konceptet kryesore të Lojërave Olimpike të Pekinit. I shpjeguar ky koncept në fushën meteorologjike do të thotë shërbimet meteorologjike duhet të kenë thelbin shkencor në përmbajtje, mënyrë dhe metodë. Tani ekzistojnë ende shumë probleme të vështira për t'u zgjidhur, prandaj rreth teknologjisë së paralajmërimeve të motit, ka hapësirë të madhe për shkenctarët kinezë në kërkimet studimore, në bashkëpunimin me shkenctarët në botë dhe në shërbimet meterologjike të Lojërave të Pekinit. Sektorët meteorologjikë të Kinës kanë krijuar shumë stacione të reja vrojtuese. Të dhënat e mbledhura nga këto stacione do të përdoren në teknologji të reja të paralajmërimeve të motit.

Krahas krijimit të stacioneve të vrojtimit, Kina pati përparim edhe në lajmërimin brenda një kohe të shkurtër dhe me saktësi për motin e korrentit të fuqishëm, si stuhi etj. Zj. Wang Jianjie tha se në këtë drejtim, drejtoria e kryesuar nga ajo ka bashkëpunuar gjerësisht me universitete, institute kërkimore dhe sektorë të tjerë meteorologjik kinezë dhe të huaj.

"Lajmërimi saktësohet në çfarë shkalle? Ta them më konkretisht. Në zonën urbane të Pekinit ndodhen mbi 30 stadiume e pallate sportive olimpike. Përveç ndryshimit të kushteve meteorologjike, ne do të lajmërojmë edhe të dhënat e temperaturës, të presionit, të lagështirës dhe të erës për çdo 3 orë në 3 ditë të ardhshme për secilën pallatë e stadium."

Për paralajmërimin e motit rreth ceremonisë së hapjes dhe asaj të mbylljes, sektori meteorologjik hartoi edhe projektin për pakësimin e zhdukjen e shiut në mënyrë artificiale. Ndoshta do të shqetësoheni nëse katalizatori i përdorur në ndryshimet artificiale të motit do të dëmtojë mjedisin? Lidhur me këtë, përgjegjësja përkatëse e Drejtorisë meteorologjike të Pekinit zj. Zhang Qiang hoqi shqetësimin e njerëzve.

"Në këtë drejtim kemi të dhëna të sakta. Për veprimtarinë e tillë artificiale, përhapen 0.5 gram katalizatorë në një kilometër katrore. Mund të them e përgjegjshme që nuk do të shkaktohet asnjë ndikim negativ."

Bashkëpunimi ndërkombëtar dhe kërkimet shkencore në fushën meteorologjike jo vetëm do t'u ofrojnë përkrahje shërbimeve meteorologjike të Lojërave Olimpike të Pekinit, por edhe do të luajnë rol nxitës për modërnizimin e sektorit meteorologjik të Kinës dhe njëkohësisht, do të japin kontribut edhe për progresin e teknologjisë meteorologjike në botë. (Wang Lei)