Kënga që ndoqët, titullohet "Parti, nëna e dashur", kënduar nga këngëtarja Yin Xiumei. Kjo këngë shpreh ndjenjat e përzemërta të popullit kinez ndaj PK të Kinës. Në këngë thuhet: "E dashura nënë, ti me qumësht të ëmbël më ke mbajtur. Më ke ndihmuar të mësoj të ec e të flas, më ke vënë në gjumë duke kënduar. E dashura parti, ti si nëna ime më ke rritur, më ke edukuar të dua atdheun, më ke inkurajuar të mësoj njohurinë kulturore. Parti, ti je nëna ime e dashur."

Që nga krijimi i saj, PK e Kinës e udhëhoqi popullin kinez në luftën e vështirë legjendare e në themelimin e Kinës së Re, si dhe bëri që populli punonjës të bëhet i zoti i vendit. Njerëzit e çliruar e konsiderojnë shpesh partinë si nënë dhe i këndojnë asaj me këngët e zemrës. Më poshtë do të dëgjojmë këngën "I këndoj një këngë malësore partisë", kënduar nga këngëtarja tibetiane Caidanzhuoma.

Këngëtarja 70 vjeçare Caidanzhuoma e ka kënduar këtë këngë për 40 vjetë, çdo herë ajo e këndon me ndjenja të thella. Në vitet '50 të shekullit të kaluar, në refomën e Tibetit të udhëhequr nga Partia Komuniste, ish-bujkrobja Caidanzhuoma u çlirua dhe u bë një artiste. Ajo tha se pa PK të Kinës, populli tibetian nuk do të çlirohej dhe ajo nuk do të kishte ditët e sotme. Këtë këngë ajo e këndon me ndjenja të thella: "I këndoj një këngë malësore partisë, e konsideroj partinë si nënë, nëna më ka lindur, por rrezet e partisë më ndriçojnë zemrën."

Në fund të viteve '70 të shekullit të kaluar, PK e Kinës e udhëhoqi popullin kinez të zhvillojë reformën dhe hapjen ndaj botës, të zhvillojë ekonominë, duke e çuar gradualisht atë në rrugën e pasurimit. Komunistët kinezë e konsiderojnë veten si shërbëtorë të popullit, ata mendojnë gjithmonë për popullin, i shërbejnë me gjithë zemër atij, dhe nga gjiri i tyre kanë dalë shumë kuadro të mirë, të cilët nuk i harrojnë kurrë njerëzit e thjeshtë. Kong Fansen ishte një prej këtyre komunistëve, i cili shkoi nga pjesa lindore e Kinës në Tibet, ku ai punoi me gjithë zemër për popullin, arriti suksese të mëdha në punë dhe gjeti dashurinë e madhe të tibetianëve. Tani le të dëgjomë së bashku këngën "Lavdi shërbëtorëve të popullit". Kjo këngë shpreh dashurinë dhe respektin e popullit për komunistët e shquar si Kong Fansen.

Në këngë thuhet: "Ti ke entuziazëm që t'i shërbesh atdheut dhe punon i heshtur si kau punëtor. Ti je shërbëtor i popullit dhe ke shpirtin e kombit. Ti je një pemë e madhe dhe prapa saj ndodhet një pyll i madh. Ti je një flakë e pashuar që i ndriçon të tjerët."

Gjatë më se 80 vjetëve të udhëhequr nga PK e Kinës, populli kinez ka kaluar shumë stuhi e zigzage. Si në vitet e luftës kundër armiqve ashtu edhe në luftën kundër përmbytjeve, komunistët qendronin si flamurë. Kur e sheh flamurin e partisë dhe komunistët që ndodhen pranë, populli ndjen mbështetje në zemër.

Kënga që ndoqët titullohet "Ti je një flamur", kënduar nga këngëtari Liu Huan. Në këngë thuhet: "Ti je një farë zjarri që ndez këtë tokë të fjetur. Ti je një parashikim që përshkruan binarin ideal të njerëzimit. Ti je një flamur që valëvitet në erë dhe shi. Ti na dhuron një të vërtetë."

Në fund të programit të sotëm, do të shijojmë së bashku këngën "Të marshojmë gjithmonë pas teje". Në këngë thuhet: "Kur isha i vogël, dëgjova se pa ty gjyshja ime nuk do të çlirohej, dëgjova këngën e nënës për ty. Gjyshi më tregon se gjatë rrugës së marshimit ka patjetër zigzage. Historia më tregon se rruga e hapur prej teje është gjithnjë e më e gjërë."

Ju flet Radio e Jashtme e Kinës! Të dashur dëgjues, ndoqët një grup këngësh që shprehin dashurinë e popullit kinez ndaj PK të Kinës. Mirudëgjofshim të shtunën tjetër. Në mikrofon për ju, Pina.